ស្ថានទូតវៀតណាមប្រចាំនៅនូវែលសេឡង់អមដំណើរជាមួយសមាគមន៍វៀតណាមក្នុងបរិបទនៃជំងឺរាតត្បាត COVID-19

កន្លែងសាធារណៈជាច្រើននៅនូវែលហ្សេឡង់ត្រូវបិទទ្វារដោយសារជំងឺរាតត្បាត COVID-19

នាពេលថ្មីៗនេះ ឯកអគ្គរដ្ឋទូតវៀតណាមប្រចាំនៅនូវែលសេឡង់ លោក Ta Van Thong បានឱ្យដឹងថា ស្ថានទូតមានវិធានការជាច្រើនដើម្បីជួយដល់ប្រជាជននិងនិស្សិតវៀតណាមដែលជួបការលំបាកក្នុងកំឡុងពេលនៃការផ្ទុះឡើងនៃជំងឺរាតត្បាត COVID-19 នៅក្នុងប្រទេសនេះ។

ស្ថានទូតបានផ្សព្វផ្សាយគោលការណ៍និងគោលនយោបាយក្នុងស្រុក លើកទឹកចិត្តប្រជាជនឱ្យមានអារម្មណ៍សុវត្ថិភាពក្នុងជីវិតរបស់ពួកគេ មិនគួររកមធ្យោបាយណាមួយដើម្បីវិលត្រឡប់មកប្រទេសវិញទេ ដោយសារតែមានហានិភ័យជាច្រើនដោយសារប្រទេសនានាក៏រឹតត្បិតការធ្វើដំណើរ ការចូលនិងហានិភ័យខ្ពស់នៃការឆ្លង។ ទីភ្នាក់ងារតំណាងវៀតណាមនៅនូវែលសេឡង់បានបង្កើតខ្សែទូរស័ព្ទបន្ទាន់ដើម្បីធ្វើបច្ចុប្បន្នភាពព័ត៌មានសម្រាប់ប្រជាជន ហើយអាចទាក់ទងបានគ្រប់ពេល។

ចំពោះនិស្សិត ស្ថានទូតបានទាក់ទងដោយផ្ទាល់ជាមួយសាកលវិទ្យាល័យដែលមាននិស្សិតវៀតណាមជាច្រើន។ តាមនោះ ស្វែងយល់ពីកង្វល់របស់ពួកគេដូចជាស្ថានភាពរស់នៅ ការសិក្សា ការលំបាកដែលកើតឡើងនិងពិភាក្សាអំពីយន្តការដើម្បីជួយពួកគេក្នុងគ្រាអាសន្ន។

ប្រទេសកោះនេះ បានចៀសវាងការផ្ទុះឡើងទូលំទូលាយនៃជំងឺរាតត្បាតនេះ។ ឥឡូវនេះនូវែលហ្សេឡង់បានកត់ត្រាអ្នកឆ្លងចំនួន ១.១២២ នាក់ និង អ្នកជាសះស្បើយចំនួន ១.១៨០ នាក់ ហើយបានអះអាងថា “សម្រេចបានជ័យជំនះជំងឺរាតត្បាតសកល COVID-19។

នាយករដ្ឋមន្រ្តីនូវែលហ្សេឡង់លោកស្រី Jacinda Ardern បានប្រកាសថា “យើងកំពុងប្រឈមមុខនឹងឱកាសដើម្បីធ្វើអ្វីមួយដែលមិនមានប្រទេសណាដែលសម្រេចបាន៖ លុបបំបាត់វីរុសកូរ៉ូណា ទោះយ៉ាងណាគោលដៅនេះនៅតែត្រូវការកិច្ចសហប្រតិបត្តិការរបស់ប្រជាជនចំនួន ៥ លាននាក់។ ”

នាយករដ្ឋមន្រ្តីនូវែលហ្សេឡង់លោកស្រី Jacinda Ardern បានឱ្យដឹងថា ប្រទេសនេះសម្រេចបានជ័យជំនះជំងឺរាតត្បាត COVID-19

លោកស្រី Ardern ក៏បានឱ្យដឹងថា ប្រទេសនេះកំពុងចាប់ផ្តើមបន្ធូរបន្ថយការរំសាយ ប៉ុន្តែបានសង្កត់ធ្ងន់ថា ប្រជាជនត្រូវតែមានការប្រុងប្រយ័ត្នខ្ពស់ដើម្បីរក្សាជ័យជម្នះនេះផងដែរ។ សហគ្រាស ហាងលក់ស្បៀងអាហារ និងសាលារៀនមួយចំនួននៅក្នុងប្រទេសនេះនឹងត្រូវបើកដំណើរការជាថ្មី។

ទោះយ៉ាងណាលោកស្រី Ardern បានឱ្យដឹងថា ប្រទេសនូវែលសេឡង់នៅតែរក្សាការព្រមានកម្រិត ៣ និងមិនប្រថុយនឹងការបាត់បង់សមិទ្ធិផលដែលប្រទេសនេះសម្រេចបានជាមួយនឹងសុខភាពប្រជាជននូវែលសេឡង់។

（បកប្រែដោយសាមេត）

（ប្រភពព័ត៌មាន: thoidai.com.vn）

（បកប្រែដោយសាមេត）