វៀតណាមចូលរួមយ៉ាងសកម្មក្នុងសកម្មភាពរក្សាសន្តិភាពរបស់អង្គការសហប្រជាជាតិប្រកបដោយប្រសិទ្ធភាព

វៀតណាមចូលរួមយ៉ាងសកម្មក្នុងសកម្មភាពរក្សាសន្តិភាពរបស់អង្គការសហប្រជាជាតិប្រកបដោយប្រសិទ្ធភាព (រូបថត៖ tapchithongtindoingoai.vn)

នៅក្នុងជំនួបនេះ លោកឧត្តមសេនីយ៍ឯកបំរុង Nguyen Chi Vinh បានអះអាងថាក្នុងរយៈពេលកន្លងមក ស្ថាប័នសម្របសម្រួលអង្គការសហប្រជាជាតិប្រចាំនៅវៀតណាមនិងអង្គការសហប្រជាជាតិ មានការគាំទ្រនិងសហការគ្នាជាច្រើនជាមួយវៀតណាមជាពិសេសក្នុងវិស័យនៃការជំនះផលវិបាកនៃសង្គ្រាម និងការពារសន្តិភាពរបស់អង្គការសហប្រជាជាតិផងដែរ។

វៀតណាមមានគោលបំណងចង់ពង្រឹងនិងពង្រីកកិច្ចសហប្រតិបត្តិការជាមួយស្ថាប័នសម្របសម្រួលអង្គការសហប្រជាជាតិប្រចាំនៅវៀតណាមនិងអង្គការសហប្រជាជាតិក្នុងអំឡុងពេលកាន់តំណែងជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខអង្គការ សហប្រជាជាតិ និងជាប្រធានអាស៊ានឆ្នាំ២០២០ ព្រមទាំងបន្តរួមដំណើរជាមួយក្រសួងការពារប្រទេសវៀតណាមក្នុងការរៀបចំសន្និសីទស្តីពីតួនាទីរបស់ស្ត្រីក្នុងសកម្មភាពថែរក្សាសន្តិភាពរបស់អង្គការសហប្រជាជាតិ និងគាំទ្រគំនិតផ្តួចផ្តើមក្នុងការបង្កើតមជ្ឈមណ្ឌលលើកកម្ពស់សមត្ថភាព សម្រាប់សកម្មភាពថែរក្សាសន្តិភាពនៃអង្គការសហប្រជាជាតិនៃបណ្តាប្រទេសអាស៊ាននៅ វៀតណាមផងដែរ។

លោក Kamal Malhotra បានថ្លែងអំណរគុណចំពោះលោកឧត្តមសេនីយ៍ឯកបំរុង Nguyen Chi Vinh ព្រមទាំងវាយតម្លៃខ្ពស់ចំពោះការដែលក្រសួងការពារប្រទេសវៀតណាមចូលរួមយ៉ាងសកម្មក្នុងសកម្មភាពថែរក្សាសន្តិភាពរបស់អង្គការសហប្រជាជាតិក្នុងរយៈពេលកន្លងមក ជាពិសេសការដាក់ពង្រាយកងពេទ្រលេខ ១ និងលេខ ២ នៅសាធារណរដ្ឋស៊ូដង់ខាងត្បូង។ អ្នកសម្របសម្រួលអង្គការសហប្រជាជាតិប្រចាំនៅប្រទេសវៀតណាមតែងតែគាំទ្រគំនិតផ្តួចផ្តើមនេះ ហើយមានឆន្ទៈជួយក្នុងការលើកកំពស់សមត្ថភាពក្នុងការថែរក្សាសន្តិភាពរបស់អង្គការសហប្រជាជាតិនៅវៀតណាម ព្រមទាំងបន្តសម្របសម្រួលនិងអមដំណើរក្រសួងការពារប្រទេសវៀតណាម ដើម្បីរៀបចំសន្និសីទស្តីពីតួនាទីស្ត្រីដោយជោគជ័យក្នុងការថែរក្សាសន្តិភាពរបស់អង្គការសហប្រជាជាតិនៅខែមេសា ឆ្នាំ ២០២០៕

（បកប្រែដោយ ហេងវុធ្ធី）

（បកប្រែដោយ ហេងវុធ្ធី）