យុគសម័យ - នាថ្ងៃទី ១៥ ខែមេសា ព័ត៌មានពីក្រុមប្រឹក្សាប្រជាជនខេត្ត Long An (វៀតណាម) បានផ្សាយថាបានអនុម័តសេចក្តីសម្រេចចិត្តស្តីពីការវិនិយោគសម្រាប់គម្រោងការណ៍សាងសង់លំនៅដ្ឋានចំនួន ២ កន្លែងនៅតាមតំបន់ព្រំដែននៃស្រុក Vinh Hung និង Duc Hue ដើម្បី ជួយសម្រួលឱ្យប្រជាជនកម្ពុជាដើមកំណើតវៀតណាមវិលត្រឡប់មកវៀតណាមវិញ។
វៀតណាមកសាងគម្រោងការណ៍លំនៅដ្ឋានចំនួន ២ កន្លែងនៅតាមខ្សែបន្ទាត់ព្រំដែនដើម្បីរៀបចំឱ្យប្រជាជនកម្ពុជាដើមកំណើតវៀតណាមវិលត្រឡប់មកវៀតណាមវិញ
ជាក់ស្តែង គម្រោងពង្រីកចង្កោមលំនៅដ្ឋានរបស់ឃុំ Binh Chau B ឃុំ Vinh Binh និង Vinh Hung ត្រូវបានរៀបចំឡើងសម្រាប់ជួយសម្រួលដល់ប្រជាជនកម្ពុជាដើមកំណើតវៀតណាម ដែលមានថវិកាសរុបចំនួន ៣៩ ពាន់លានដុង ដើម្បីវិនិយោគសាងសង់ក្រុមលំនៅដ្ឋានដែលមានផ្ទៃដីពង្រីកបន្ថែមប្រមាណ ៣.៦៩ ហិកតា។ ។ រីឯគម្រោងពង្រីកផ្លូវលំនៅដ្ឋានតាមព្រំដែននៅឃុំ My Quy Tay ស្រុក Duc Hue ខេត្ត Long An ដែលមានថវិកាសរុប ១៥ ពាន់លានដុងនឹងឈូសឆាយលើផ្ទៃដីលំនៅដ្ឋាន មានប្រវែងប្រមាណ ១៣០ ម៉ែត្រផងដែរ។
តំបន់លំនៅដ្ឋានទាំងអស់នេះមានផ្លូវចរាចរណ៍ផ្ទាល់ខ្លួន ប្រព័ន្ធបំពង់បង្ហូរទឹក បណ្តាញអគ្គិសនី តង់ស្យុងទាប ១ ហ្វា ប្រព័ន្ធលូជាដើម ដើម្បីរៀបចំឲ្យប្រជាជនអាចស្នាក់នៅបានប្រកបដោយ ស្ថេរភាពសម្រាប់គ្រួសាររបស់ខ្លួន ក៏ដូចជាជួយសម្រួលដល់ក្រុមគ្រួសារមកពីកម្ពុជាដែលកំពុងរស់ក្នុងស្ថាភាពលំបាកអាចវិលត្រឡប់មកវៀតណាមវិញយ៉ាងល្អផងដែរ៕（បកប្រែដោយ ហេងវុធ្ធី）
មតិពីមិត្តអ្នកអាន