យុគសម័យ - ក្នុងក្របខ័ណ្ឌសន្និសីទអន្តរជាតិស្តីពីស្ត្រី សន្តិភាពនិងសន្តិសុខ៖ ការ ពង្រឹងតួនាទីរបស់ស្ត្រីក្នុងការកសាងសន្តិភាពនិងពង្រឹងសន្តិភាព - ពីការប្តេជ្ញាចិត្តរហូតដល់លទ្ធផល ចាប់ពីថ្ងៃទី ៧ ដល់ថ្ងៃទី ៩ ខែធ្នូសម័យប្រជុំពេញអង្គបានប្រព្រឹត្តទៅ។ “ អនាគតរបស់ស្ត្រីក្នុងសកម្មភាពរក្សាសន្តិភាព” ។ សម័យប្រជុំនេះបានដឹកនាំដោយលោក ស្រីប្រធានសម្ព័ន្ធអង្គការមិត្តភាពវៀតណាម Nguyen Phuong Nga អតីតឯកអគ្គរដ្ឋទូតនិងជាប្រធានគណៈប្រតិភូប្រចាំអង្គការ សហប្រជាជាតិ។
សន្និសីទនេះធ្វើឡើង ក្នុងឱកាសអបអរសាទរខួបលើកទី ៧៥ នៃការបង្កើតអង្គការសហប្រជាជាតិ និងអបអរសាទរកំណើតនៃឯកសារអន្តរជាតិសំខាន់ៗជាច្រើនស្តីពីសមភាពយេនឌ័រនិងតួនាទីរបស់ស្ត្រីដូចជា អនុសញ្ញាស្តីពីការលុបបំបាត់រាល់ការរើសអើងនឹងស្ត្រីក្នុងឆ្នាំ ១៩៧៩ សេចក្តីប្រកាសនិងកម្មវិធីសកម្មភាពក្រុងប៉េកាំងឆ្នាំ ១៩៩៥ ។ ឆ្នាំ ២០២០ ក៏ជាឆ្នាំដែលកត់សម្គាល់ រយៈពេល ២ ទសវត្សចាប់ តាំងពីបញ្ហា“ ស្ត្រី សន្តិភាពនិងសន្តិសុខ” ក្លាយជារបៀបវារៈ ពិភពលោកដែលគាំទ្រដោយសេចក្តីសម្រេចចិត្តលេខ ១៣២៥ ដែលអនុម័តដោយក្រុមប្រឹក្សាសន្តិសុខនៃអង្គការសហប្រជាជាតិ ក្នុងឆ្នាំ ២០០០ ។
ស្ត្រីចូលរួមក្នុងកងថែរក្សាសន្តិភាពរបស់អង្គការសហប្រជាជាតិ។
លោក Jean-Pierre Lacroix អគ្គលេខាធិការនៃអង្គការសហប្រជាជាតិទទួលបន្ទុកសកម្មភាពថែរក្សាសន្តិភាពបានវាយតម្លៃខ្ពស់ ចំពោះការរៀបចំសន្និសីទនេះ ដោយប្រទេសវៀតណាម។ លោកបាន ចែករំលែកថា កាលពី ២០ ឆ្នាំមុន ក្រុមប្រឹក្សាសន្តិសុខនៃអង្គការ សហប្រជាជាតិ បានប្រកាសចេញសេចក្តីសម្រេចលេខ ១៣២៥ ស្តីពី ស្ត្រី សន្តិភាពនិងសន្តិសុខ។ នេះត្រូវបានគេចាត់ទុកដូចជាការផ្លាស់ប្តូរ នៅក្នុងគោលនយោបាយរបស់អង្គការសហប្រជាជាតិ ដើម្បីទាក់ទាញ ការចូលរួមកាន់តែច្រើនរបស់ស្ត្រី នៅក្នុងបេសកកម្មថែរក្សាសន្តិភាព នៅជុំវិញពិភពលោក។ សេចក្តីសម្រេចនេះបញ្ជាក់ពីតួនាទីរបស់ស្ត្រីក្នុងការការពារ និងដោះស្រាយជម្លោះក្នុងការចរចាររក្សាសន្តិភាព ការឆ្លើយតបមនុស្សធម៌ និងការកសាងសន្តិភាពឡើងវិញ បន្ទាប់ពីបញ្ចប់ជម្លោះ។ ដោយហេតុនេះសង្កត់ធ្ងន់លើភាពចាំបាច់ក្នុងការបញ្ចូលយេនឌ័រទៅក្នុងបញ្ហាទាំងនេះ សូម្បីតែក្នុងសកម្មភាពរក្សាសន្តិភាព។
យោងតាមលោក Lacroix អង្គការសហប្រជាជាតិមានគោលបំណងបង្កើនចំនួនស្ត្រីក្នុងកងថែរក្សាសន្តិភាពនិងកម្លាំងប៉ូលីស លើកឡើងទស្សនវិស័យយេនឌ័រទៅក្នុងសកម្មភាពថែរក្សាសន្តិភាព។ នៅក្នុងផែនការនាពេលខាងមុខ លេខាធិការដ្ឋានអង្គការសហប្រជាជាតិនិងប្រទេសជាសមាជិកបានសន្យារួមគ្នា នឹងបង្កើនចំនួនស្ត្រីចូលរួមក្នុងកងថែរក្សាសន្តិភាពនៅគ្រប់លំដាប់និងមុខតំណែង។ វាមានសារៈសំខាន់ខ្លាំងណាស់ក្នុងការប្រមូលផ្តុំការចូលរួមរបស់ស្ត្រីគ្រប់កម្រិត ចេញសំរេចចិត្តនិងដាក់ផែនការយុទ្ធសាសស្រ្តអំពីការថែរក្សាសន្តិភាព។
លោកស្រីប្រធានសម្ព័ន្ធអង្គការមិត្តភាពវៀតណាម Nguyen Phuong Nga ដឹកនាំកិច្ចពិភាក្សាអំពី “ អនាគតរបស់ស្ត្រីក្នុងសកម្មភាពរក្សាសន្តិភាព” ។
នៅក្នុងស្ថានបេសកកម្មរក្សាសន្តិភាពនៃអង្គការសហប្រជាជាតិចំនួន ១៣ បច្ចុប្បន្នមានចំនួនសរុប ៨១.៣៧០ នាក់ ក្នុងនោះមានទាហាន ៦៩.២៣០ នាក់ និងប៉ូលីសចំនួន ៨.៩៤២ នាក់។ អាត្រាយុទ្ធជនស្រី មាន ៤,៧% ប៉ូលីសស្រីមាន ១០,៨% និងអង្គការសហប្រជាជាតិ បានកំណត់គោលដៅដល់ឆ្នាំ ២០២៨ អត្រាទាំងពីរគឺ ១៥% និង ២៥% ។ ស្ត្រីមាន ៣៥% នៃតំណែងជាប្រធាននិង ៤៨% នៃអនុប្រធានក្នុងស្ថានបេសកកម្មថែរក្សាសន្តិភាពនិងបេសកកម្មនយោបាយពិសេសរបស់អង្គការសហប្រជាជាតិ។ (ក្នុងឆ្នាំ ២០១៧ មាន ២៦% និង ៣៥%) ។
នៅក្នុងទីតាំងជាប្រទេសដែលបានចូលរួមចំណែកច្រើនបំផុតដល់កងកំលាំងរក្សាសន្តិភាពរបស់អង្គការសហប្រជាជាតិ ដែលមានទាហាន ២៥០,០០០ នាក់នៅក្នុងបេសកកម្មនេះ។ ប្រទេសឥណ្ឌាបានបញ្ជូនស្ត្រីជាច្រើននាក់ឱ្យចូលរួមក្នុងការថែរក្សាសន្តិភាព ជួយធ្វើឱ្យប្រសើរឡើងនូវគុណភាពជីវិតរបស់ស្ត្រីនិងកុមារនៅក្នុងប្រទេសដែលគ្មានជម្លោះនិងជម្លោះ។ លោកអនុរដ្ឋមន្រ្តីក្រសួងការបរទេសឥណ្ឌា Vikas Swarup បាននិយាយថា ប្រទេសនេះប្តេជ្ញាលុបបំបាត់អំពើហឹង្សាផ្លូវភេទ លើកកម្ពស់សមភាពយេនឌ័រនិងសម្របសម្រួលជាមួយប្រទេសដទៃទៀតឆ្ពោះទៅរកគោលដៅរួមសម្រាប់សន្តិភាពនិងសន្តិសុខពិភពលោក។
លោកស្រី Jacqueline O'Neill ឯកអគ្គរដ្ឋទូតស្ត្រី សន្តិភាពនិងសន្តិសុខនៃប្រទេសកាណាដាបានចែករំលែកថា ប្រទេសកាណាដាមានផែនការក្នុងរយៈពេល ៥ ឆ្នាំ សំដៅលើកកម្ពស់ទាំងការបង្កើនបរិមាណ និងគុណភាពនៃកម្លាំងថែរក្សាសន្តិភាពស្ត្រី។ ប្រទេសកាណាដាបានបរិច្ចាគប្រាក់ចំនួន ២១ លានដុល្លារ ដល់គម្រោងមានស្រីដែលពាក់ព័ន្ធនឹងកងថែរក្សាសន្តិភាពនិងប៉ូលីស។
ប្រតិភូបានផ្លាស់ប្តូរ នៅខាងក្រៅកិច្ចពិភាក្សា។
យោងតាមលោកស្រី O'Neil នាយទាហានស្រីរក្សាសន្តិភាព ការពារនិងកាត់បន្ថយជម្លោះនិងការប្រឈមមុខគ្នា។ ពួកគេលើកទឹកចិត្តនិងបង្កើតគំរូសម្រាប់ស្ត្រីនិងក្មេងស្រី ដើម្បីក្លាយជាផ្នែកដ៏មានអត្ថន័យនៃដំណើរការសន្តិភាពនិងនយោបាយ។ ស្ត្រីចូលរួមក្នុងសកម្មភាពថែរក្សាសន្តិភាពកាន់តែច្រើន សន្តិភាពនឹងកាន់តែមាននិរន្តរភាព./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន