ប្រទេសនានាបានវាយតម្លៃខ្ពស់ចំពោះតួនាទីនិងការរួមចំណែកវិជ្ជមានរបស់ប្រទេសវៀតណាមក្នុងនាមជាប្រធាន AIPA ឆ្នាំ២០២០

ប្រធានរដ្ឋសភាឡាវលោក Pany Yathotou

ថ្លែងមតិក្នុងសម័យប្រជុំពេញអង្គ AIPA លើកទី ៤១ ប្រធានរដ្ឋសភាឡាវលោក Pany Yathotou បានស្វាគមន៍និងវាយតម្លៃខ្ពស់ចំពោះការអនុវត្តភារកិច្ចនិងតួនាទីជាប្រធាន AIPA ឆ្នាំ២០២០ របស់ប្រធានរដ្ឋសភាវៀតណាមលោកស្រី Nguyen Thi Kim Ngan និងជឿជាក់ថាក្រោមអធិបតីភាពរបស់ខ្លួន កិច្ចប្រជុំ AIPA លើកទី ៤១ នឹងទទួលបានជោគជ័យផងដែរ។ លោកស្រី Pany Yathotou មានប្រសាសន៍ថា រដ្ឋសភានៃប្រទេសឡាវបានកោតសរសើរនិងគាំទ្រចំពោះពាក្យស្លោកនៃមហាសន្និបាត AIPA ៤១ ថា «ការទូតសភា ដើម្បីសម្រេចបានសហគមន៍អាស៊ាន ប្រកបដោយភាពស្អិតរមួត និងឆ្លើយតប» ដើម្បីអនុវត្តស្មារតីនៃខ្លឹមសារនៃកិច្ចប្រជុំកំពូលអាស៊ានលើកទី ៣៦ ដែលក្នុងនោះ ត្រូវផ្តោតការយកចិត្តទុកដាក់យ៉ាងខ្លាំងដល់ការពង្រឹងថែមទៀតកិច្ចសហប្រតិបត្តិការរវាងសមាជិកអាស៊ាននិងដៃគូដើម្បីទប់ទល់នឹងបញ្ហាប្រឈមនានាដែលកំពុងកើតឡើងនៅក្នុងតំបន់អាស៊ាន។ អាស៊ានជាពិសេសប្រទេសវៀតណាមក្នុងនាមជាប្រធានអាស៊ានឆ្នាំ ២០២០ បានរៀបចំកិច្ចប្រជុំកំពូលអាស៊ានលើកទី ៣៦ កិច្ចប្រជុំកំពូលពិសេសអាស៊ានបូក ៣ និងកិច្ចប្រជុំភាពជាអ្នកដឹកនាំ AIPA និងអាស៊ាននៅខែមេសាឆ្នាំ ២០២០ តាមរយៈប្រព័ន្ធវីដេអូផងដែរ។

ប្រទេសនានាបានវាយតម្លៃខ្ពស់ចំពោះតួនាទីនិងការរួមចំណែកវិជ្ជមានរបស់ប្រទេសវៀតណាមក្នុងនាមជាប្រធាន AIPA ឆ្នាំ២០២០

ទន្ទឹមនឹងនេះ គេហទំព័រ Foreignaffairassia បានវាយតំលៃថាប្រទេសវៀតណាមបានចូលរួមវិភាគទានជាវិជ្ជមានក្នុងនាមជាប្រធាន AIPA41 ក្រោមប្រធានបទ «ការទូតសភា ដើម្បីសម្រេចបានសហគមន៍អាស៊ាន ប្រកបដោយភាពស្អិតរមួត និងឆ្លើយតប» ។ គេហទំព័រ Foreignaffairassia ចាត់ទុកថា ការរៀបចំអង្គការ AIPA 41 និងសកម្មភាពពាក់ព័ន្ធគឺជាការគូសបញ្ជាក់ពីកិច្ចការបរទេសរបស់រដ្ឋសភាវៀតណាមក្នុងលើកទី ៣ នៃប្រធាន AIPA។ លើសពីនេះទៀត គេហទំព័រខាងលើក៏បានវាយតម្លៃថានៅឆ្នាំ ២០២០ រដ្ឋសភានៃប្រទេសវៀតណាមក្នុងនាមជាប្រធាន AIPA ៤១ បានរៀបចំសកម្មភាពរបស់ AIPA យ៉ាងសកម្មក្នុងទម្រង់សមស្របដោយសារភាពស្មុគស្មាញនៃជំងឺ COVID- ១៩ ។ ម្យ៉ាងវិញទៀត វៀតណាមបានកំណត់គោលបំណងចំនួន ២ នៅឯ AIPA41 រួមមានការស្នើឱ្យបង្កើតយន្តការនៃសន្និសីទសភាវ័យក្មេងដើម្បីលើកកម្ពស់តួនាទីរបស់សមាជិកសភានិងភ្ជាប់សកម្មភាពរបស់ AIPA ជាមួយសហភាពអន្តរសភាពិភពលោក (IPU) ព្រមទាំងភ្ជាប់ជាមួយការអនុវត្តរបៀបវារៈឆ្នាំ ២០៣០ ដើម្បីការអភិវឌ្ឍន៍ប្រកបដោយចីរភាពផងដែរ។

ប្រធានរដ្ឋសភាថៃ Chuan Leekpai

នៅថ្ងៃដដែលនោះ ប្រធានរដ្ឋសភាថៃ Chuan Leekpai បានដឹកនាំគណៈប្រតិភូថៃទៅចូលរួមសម័យប្រជុំពេញអង្គលើកទី ១ នៃសភាអន្តរសភាអាស៊ានលើកទី ៤១ (AIPA41) តាមរយៈប្រព័ន្ធវីដេអូក្រោមប្រធានបទ“ ការទូតសភាដើម្បីសហគមន៍អាស៊ានប្រកបដោយភាពស្អិតរមួតនិងការឆ្លើយតប” ។ លោក Chuan Leekpai បានអះអាងថាការធ្លាក់ចុះនៃការសម្រុះសម្រួលក្នុងតំបន់នៅពេលនេះនៅពេលអាស៊ានកំពុងជួបការលំបាកដោយសារលក្ខខណ្ឌយុទ្ធសាស្រ្តនិងភូមិសាស្ត្រនយោបាយមិនច្បាស់អាចបង្កផលប៉ះពាល់យ៉ាងធ្ងន់ធ្ងរ។ តួនាទីជាមជ្ឈភាពនៃអាស៊ានជាមូលដ្ឋានសំខាន់សម្រាប់តួនាទីរបស់ខ្លួនក្នុងកិច្ចការតំបន់និងអន្តរជាតិ។ លោក Chuan Leekpai បានសង្កត់ធ្ងន់លើភាពចាំបាច់ក្នុងការនាំមកនូវភាពរឹងមាំថ្មីដល់អាស៊ាន ដើម្បីរក្សាសាមគ្គីភាពនិងមជ្ឈិមដែលជាគោលដៅនិងបំណងប្រាថ្នាពិតប្រាកដរបស់បណ្តាប្រទេសជាសមាជិកនិងរក្សាប្រពៃណីប្រកបដោយមោទនភាពដែល តាមរយៈនោះបណ្តាប្រទេសអាស៊ានបានរួមរស់ជាមួយគ្នាអស់រយៈពេលជាងកន្លះសតវត្សរ៍មកនេះ៕

（បកប្រែដោយ ហេង វុធ្ធី）

（ប្រភពព័ត៌មាន: tapchithongtindoingoai.vn）

（បកប្រែដោយ ហេង វុធ្ធី）