ប្រទេសវៀតណាមបានជំនះពុះពារលើរាល់ការលំបាកក្នុងការបញ្ចប់អាណត្តិជាប្រធាន AIPA

សមាជិកសភាប្រ៊ុយណេ លោកស្រី Nik Hafimi Abdul Haadii

យោងតាមសមាជិកសភាប្រ៊ុយណេ លោកស្រី Nik Hafimi Abdul Haadii បានឲ្យដឹងថា ដោយមានប្រធានបទ“ ការទូតសភា ដើម្បីសហគមន៍អាស៊ានដែលមានភាពស្អិតរមួតនិងឆ្លើយតបយ៉ាងសកម្ម” មហាសន្និបាត AIPA លើកទី ៤១ គឺជាមហាសន្និបាត AIPA“ ដំបូងបង្អស់ក្នុងប្រវត្តិសាស្ត្រ” ដែលត្រូវបានរៀបចំឡើងតាមទម្រង់អនឡាញ។ លោកស្រី Abdul Haadii បានអត្ថាធិប្បាយថាប្រទេសវៀតណាមបានចូលរួមវិភាគទានជាច្រើនក្នុងនាមជាប្រធាន AIPA ក្នុងឆ្នាំ ២០២០ ដើម្បីពង្រឹងនូវការរួបរួមរបស់អាស៊ាននិងសម្របខ្លួនយ៉ាងសកម្មទៅនឹងបញ្ហាប្រឈមក្នុងតំបន់និងអន្តរជាតិនាពេលបច្ចុប្បន្ន ក្នុងនោះរួមមានបញ្ហាជំងឺរាតត្បាតកូវីដ១៩។

អាស្រ័យហេតុនេះ ក្រោមការដឹកនាំរបស់វៀតណាម AIPA មានប្រតិកម្មដ៏ស្អិតរមួតខ្លាំងក្នុងរយៈពេលមួយឆ្នាំកន្លងមក ក្នុងស្មារតី “អាស៊ាន - ស្អិតរមួត និងការឆ្លើយតបយ៉ាងសកម្ម” ក្នុងនាមជាអង្គភាពត្រួតពិនិត្យដំណើរការនៃរបៀបវារៈក្នុងតំបន់ក៏ដូចជាតាមរយៈតួនាទីរបស់សមាជិកសភាក្នុងការអនុវត្តគោលនយោបាយនៅក្នុងប្រទេសនីមួយៗផងដែរ។ សមាជិកសភា Abdul Haadii ក៏បានលើកឡើងផងដែរថាក្រុមប្រឹក្សានីតិបញ្ញត្តិនៃប្រទេសប្រ៊ុយណេនិងរដ្ឋសភាវៀតណាមមានសកម្មភាពសហប្រតិបត្តិការជាច្រើនក្នុងប៉ុន្មានឆ្នាំថ្មីៗនេះដើម្បីរួមចំណែកជំរុញកិច្ចសហប្រតិបត្តិការរវាងប្រទេសទាំងពីរ ក៏ដូចជាដើម្បីកសាងនិងបង្រួបបង្រួម AIPA ។

លោកស្រី Abdul Haadii បានសង្កត់ធ្ងន់ថាដោយមានសាមគ្គីភាពនិងការភ្ជាប់អាស៊ាន ប៊្រុយណេគាំទ្រយ៉ាងពេញទំហឹងចំពោះប្រទេសវៀតណាមព្រមទាំងបញ្ជាក់ថាចូលរួមវិភាគទាននិងការឧបត្ថម្ភទាំងនេះបានជួយប្រទេសវៀតណាមបំពេញនូវទំនួលខុសត្រូវរបស់ខ្លួនក្នុងនាមជាប្រធាន AIPA ផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baotintuc.vn）

（បកប្រែដោយ ហេង វុធ្ធី）