យុគសម័យ - វៀតណាមគឺជាប្រទេសដែលមានកំណើនរយៈពេលវែងល្អបំផុតនៅអាស៊ី និងជាទីផ្សារព្រំដែន (Frontier Market) ដែលផ្តល់អនុសាសន៍ច្រើនបំផុតសម្រាប់វិនិយោគិនដោយ HSBC ។
HSBC៖ វៀតណាមនឹងគ្រប់គ្រងជំងឺរាតត្បាត Covid-19 ប្រកបដោយប្រសិទ្ធភាពនិងជាប្រទេសតែមួយគត់ដែលរីកចម្រើននៅអាស៊ានក្នុងឆ្នាំ ២០២០
នាពេលថ្មីៗនេះ ធនាគារ HSBC បានមានរបាយការណ៍ស្តីពីទីផ្សារព្រំដែននៅអាស៊ី ដែលក្នុងនោះបានវាយតម្លៃខ្ពស់ចំពោះសក្តានុពលរបស់វៀតណាមក្នុងរដូវកាលជំងឺរាតត្បាត Covid-19។តាមនោះ វៀតណាមគឺជាប្រទេសមានកំណើនរយៈពេលវែងល្អបំផុតនៅអាស៊ី និងជាទីផ្សារព្រំដែលផ្តល់អនុសាសន៍ច្រើនបំផុតសម្រាប់វិនិយោគិនដោយ HSBC។ សញ្ញាវិជ្ជមាននៃដើមទុនវិនិយោគផ្ទាល់ពីបរទេស (FDI) កំណើននៃការនាំចេញ សមត្ថភាពក្នុងការត្រួតពិនិត្យការរីករាលដាលនៃ Covid-19 ការធ្វើកំណែទម្រង់គោលនយោបាយសម្រាប់ភាពជាម្ចាស់បរទេសក៏ដូចជាការកាត់បន្ថយបំណុលសាធារណៈគឺជាកត្តាជាបន្តបន្ទាប់ដែលធ្វើឱ្យធនាគារ HSBC ជឿជាក់លើវៀតណាម។
លើសពីនេះទៅទៀត ធនាគា HSBC បានជឿជាក់ថា តម្លៃភាគហ៊ុននៅវៀតណាមបច្ចុប្បន្នមានតម្លៃថោក ហើយទីផ្សារនៅតែត្រូវបានជំរុញដោយវិនិយោគិនតូចក្នុងស្រុក ដូច្នេះឱកាសនៅតែល្អសម្រាប់វិនិយោគិនបរទេស។ លើសពីនេះទៅទៀត ធនាគារ HSBC បាននិយាយថា ការកែតម្រូវទីផ្សារធ្លាក់ចុះគឺជាឱកាសសម្រាប់វិនិយោគិនចូលរួម។ ជាមួយនឹងចក្ខុវិស័យកំណើនរយៈពេលវែង ធនាគារ HSBC បានជឿជាក់ថា វិនិយោគិនបរទេសមិនចាំបាច់ចំណាយច្រើនដើម្បីប្រមូលប្រាក់ចំណេញនៅពេលចាក់ចូលប្រាក់ទៅកាន់វៀតណាម។
នៅក្នុងរបាយការណ៍មុនចុះថ្ងៃទី ២៨ ខែឧសភាឆ្នាំ ២០២០ ធនាគារ HSBC បានសង្កត់ធ្ងន់ថា ខឿនសេដ្ឋកិច្ចរបស់វៀតណាមមិនត្រឹមតែទទួលបានផលប្រយោជន៍ពីភូមិសាស្ត្រនិងនិន្នាការសេវាបន្តទៀតហើយ។ ផ្ទុយទៅវិញ ខឿនសេដ្ឋកិច្ចវៀតណាមទទួលបានសន្ទុះកំណើនក្នុងស្រុក ហើយកាន់តែទាក់ទាញវិនិយោគិនបរទេសបន្ថែមទៀត។
ដូច្នេះ ធនាគារ HSBC បានជឿជាក់ថា វៀតណាមនឹងគ្រប់គ្រងស្ថានការណ៍ឱ្យបានល្អ ប្រសិនបើរលកនៃជំងឺរាតត្បាត Covid-19 លើកទី ២ បានផ្ទុះឡើង។ ការលើកឡើងនេះត្រូវបានផ្អែកលើការពិតដែលថាការរីករាលដាលនៃជំងឺរាតត្បាតនេះ នៅតែមានភាពស្មុគស្មាញនៅបណ្ដាប្រទេសដទៃទៀតក្នុងតំបន់។ លើសពីនេះទៅទៀត ធនាគារ HSBC ក៏បានជឿជាក់ផងដែរថា វៀតណាមនឹងពង្រីកចំណែកទីផ្សារនាំចេញរបស់ខ្លួន បើទោះបីជាពាណិជ្ជកម្មពិភពលោកបានរងផលប៉ះពាល់ដោយជំងឺរាតត្បាត Covid-19 ក៏ដោយ។
FDI របស់វៀតណាមត្រូវបានរក្សា
វៀតណាមគឺជាសមាជិកនៃកិច្ចព្រមព្រៀងពាណិជ្ជកម្មសេរីជាច្រើន ដូច្នេះ នេះគឺជាទីផ្សារមួយដែលទាក់ទាញសហគ្រាសបរទេសច្រើនបំផុត បន្ទាប់ពីប្រទេសចិន។ ខណៈពេលដែរ វៀតណាមកំពុងបង្កើនតួនាទីរបស់ខ្លួនក្នុងខ្សែសង្វាក់ផ្គត់ផ្គង់ជាបណ្តើរៗ ដែលធ្វើឱ្យប្រសើរឡើងនូវផលិតភាពនិងថ្លៃដើមក្នុងផលិតកម្ម។
ជាពិសេស ក្រុមហ៊ុនជាច្រើនផ្លាស់ប្តូរប្រព័ន្ធផលិតកម្មរបស់ខ្លួនទៅកាន់វៀតណាម ពីព្រោះសមត្ថភាពប្រយុទ្ធប្រឆាំងនឹងជំងឺរាតត្បាតដ៏ល្អ រួមជាមួយភាពតានតឹងរវាងសហរដ្ឋអាមេរិកនិងចិនផងដែរ។
នាពេលថ្មីៗនេះ វៀតណាមបានអនុម័តលើកិច្ចព្រមព្រៀងពាណិជ្ជកម្មសេរីជាមួយសហភាពអឺរ៉ុប (EU) ដោយហេតុនេះ អាចកាត់បន្ថយពន្ធដល់ ០% សម្រាប់ទំនិញបច្ចុប្បន្នប្រមាណ ៧១%។ ក្នុងរយៈពេល ៧ ឆ្នាំខាងមុខ ទំនិញរបស់វៀតណាមប្រមាណ ៩៩% ដែលចូលទៅកាន់ទីផ្សាសហភាពអឺរ៉ុបនឹងត្រូវរួចផុតពីពន្ធ។ នេះគឺជាសញ្ញាវិជ្ជមានសម្រាប់វិស័យអេឡិចត្រូនិចនិងសម្លៀកបំពាក់របស់វៀតណាម។
វៀតណាមកំពុងទាក់ទាញសហគ្រាសបរទេសកាន់តែច្រើនឡើងៗ ដោយអត្ថប្រយោជន៍នៃការចំណាយទាប គោលនយោបាយពន្ធសមស្រប់ ហេតុផលអត្ថប្រយោជន៍ភូមិសាស្ត្រ ហេដ្ឋារចនាសម្ព័ន្ធបានធ្វើប្រសើរឡើង និងធនធានមនុស្សវ័យក្មេងនិងមានបទពិសោធន៍។ ម៉្យាងវិញទៀត កត្តាទាំងនេះបានជួយវៀតណាមបង្កើនចំណែកទីផ្សារនាំចេញរបស់ខ្លួនទៅកាន់ពិភពលោកពី ០.៥% ក្នុងឆ្នាំ ២០០៩ ដល់ ១,៤% ក្នុងឆ្នាំ ២០១៩។ ជំងឺរាតត្បាត Covid-19 រួមជាមួយភាពតានតឹងរវាងសហរដ្ឋអាមេរិកនិងចិននឹងបន្តបង្កើនដំណើរការឱ្យកាន់តែខ្លាំងជាង។
សេដ្ឋកិច្ចបានងើបឡើងវិញ ការវិនិយោគសាធារណៈមានការកើនឡើង
ទោះបីជាមានការរីករាលដាលនៃជំងឺរាតត្បាត Covid-19 ក៏ដោយក៏សេដ្ឋកិច្ចវៀតណាមបានបង្ហាញសញ្ញាវិលត្រឡប់មកធម្មតាវិញ។ GDP នៅត្រីមាសទី ២ ឈានដល់ ០,៤% បើប្រៀបធៀបនឹងរយៈពេលដូចគ្នាកាលពីឆ្នាំមុន (YoY)។ ធនាគារ HSBC បានព្យាករណ៍ថា GDP របស់វៀតណាមនឹងកើនឡើង ៣% នៅឆ្នាំ ២០២០ និងវៀតណាមនឹងជាប្រទេសតែមួយគត់នៅក្នុងអាស៊ានដែលមានកំណើនវិជ្ជមាននៅឆ្នាំនេះ។
សូមអរគុណចំពោះកត្តាទាំងនេះ ធនាគារ HSBC បានបញ្ជាក់ថា វៀតណាមកំពុងមាននិន្នាការក្លាយជាទីផ្សារព្រំដែនធំជាងគេ ក្រោយពីប្រទេសគុយវ៉ែត ដែលត្រូវបានបង្កើតឡើងជាទីផ្សារកំពុងលេចធ្លោ ដោយក្រុមហ៊ុន MSCI៕（បកប្រែដោយសាមេត）
（ប្រភពព័ត៌មាន: toquoc.vn）
មតិពីមិត្តអ្នកអាន