យុគសម័យ - នាថ្ងៃទី ២៩ ខែកក្កដា អគ្គនាយកដ្ឋានទេសចរណ៍វៀតណាមបានចេញលិខិតជាផ្លូវការលេខ ៩៨២ / TCDL-LH ផ្ញើទៅដល់មន្ទីរ ទេសចរនានា ដើម្បីធានាសុវត្ថិភាពដល់ភ្ញៀវទេសចរក្នុងស្ថានភាពនៃការរីករាលដាលជំងឺ Covid-19 មានភាពស្មុគស្មាញ។
ទិសដៅទេសចរណ៍កំពុងអនុវត្តវិធានការបង្ការនិងទប់ស្កាត់នឹងជំងឺ Covid-19 សម្រាប់អ្នកធ្វើដំណើរ។ (រូបថត៖ Ha Noi moi)
អគ្គនាយកដ្ឋានទេសចរវៀតណាមស្នើឱ្យមន្ទីរ ទេសចរណ៍នានាក្នុងតំបន់ត្រូវណែនាំសហគ្រាសនិងភ្ញៀវទេសចរឱ្យបានហ្មត់ចត់នូវបច្ចុប្បន្នភាពស្ថានភាពជាប្រចាំនិងគោរពយ៉ាងម៉ឺងម៉ាត់ការណែនាំរបស់រដ្ឋាភិបាលនិងគណៈកម្មាធិការជាតិស្តីពីការបង្ការនិងទប់ស្កាត់នឹងជំងឺ Covid-19 ក្រសួងសុខាភិបាលនិងគណៈកម្មាធិការប្រជាជននៃតំបន់ រក្សា«ខ្សែទូរស័ព្ទ hotline» ដោយភ្ជាប់ទំនាក់ទំនងជាមួយសហគ្រាសនិងអ្នកទេសចរ ដោយដឹងព័ត៌មានឱ្យបានទាន់ពេលវេលា មានដំណោះស្រាយ ដើម្បីដោះស្រាយការលំបាកសម្រាប់សហគ្រាសនិងភ្ញៀវទេសចរ។
ចំពោះតំបន់ដែលមានការរីករាលដាលនៃជំងឺនេះ តាមការណែនាំរបស់ក្រសួងសុខាភិបាល អគ្គនាយកដ្ឋានទេសចរណ៍វៀតណាមតម្រូវឱ្យទីកន្លែងធ្វើអាជីវកម្មទេសចរអនុវត្តយ៉ាងតឹងរឹងនូវបទប្បញ្ញត្តិរបស់ស្ថាប័នសមត្ថកិច្ចពាក់ព័ន្ធនិងចាត់វិធានការ ដើម្បីធានាសុវត្ថិភាពសម្រាប់ភ្ញៀវទេសចរ ជៀសវាងការរីករាលដាលនៃជំងឺនៅក្នុងសហគមន៍។
ចំពោះតំបន់ផ្សេងៗ ទៀតចាំបាច់ត្រូវអនុវត្តឱ្យសកម្មនូវដំណើរការបង្ការនិងត្រួតពិនិត្យនៃការរីករាលដាលជំងឺ Covid-19 យ៉ាងឆាប់រហ័សយោងតាមការណែនាំរបស់ស្ថាប័នសមត្ថកិច្ចដែលបានប្រកាសចេញ នាពេលកន្លងមក ៖ ភ្ញៀវ ទេសចរណ៍ បុគ្គលិកបំរើក្នុងវស័យទេសចរ ក្រុមហ៊ុនទេសចរ រមណីយដ្ឋាន កន្លែងស្នាក់នៅសម្រាប់ភ្ញៀវទេសចរនិងអាជីវកម្មសេវាកម្មទេសចរណ៍ ...
ក្រៅពីនេះនៅតាមតំបន់នានាត្រូវណែនាំនិងផ្សព្វផ្សាយ ឃោសនាឱ្យបានទាន់ពេលវេលាដល់ភ្ញៀវទេសចរ សហគ្រាសធ្វើអាជីវកម្មទេសចរ អ្នកផ្តល់សេវាកម្មទេសចរក្នុងតំបន់ដើម្បីសហការនិងចែករំលែកការលំបាក ដូចជា ការពន្យាពេល, ការលុបចោលឬ ផ្លាស់ប្តូរកម្មវិធីទេសចរដែលបានចុះហត្ថលេខាដោយសារតែផលប៉ះពាល់នៃជំងឺ Covid-19./.（បកប្រែដោយឌីណា）
មតិពីមិត្តអ្នកអាន