យុគសម័យ - របាយការណ៍របស់ក្រសួងផែនការនិងវិនិយោគបង្ហាញថាគម្រោងថ្មីចំនួន ១.៦២០ ត្រូវបានផ្តល់អាជ្ញាប័ណ្ណរចុះបញ្ជីវិនិយោគដែលមានដើមទុនចុះបញ្ជីសរុបចំនួន ៩,៤៦ ពាន់លានដុល្លារអាមេរិក។
លោក Duong Thanh Trung ប្រធានគណៈកម្មាធិការប្រជាជនខេត្ត Bac Lieu បានប្រគល់សេចក្តីសំរេចចិត្តលើគោលនយោបាយវិនិយោគដល់គម្រោងរោងចក្រឧណ្ហអគ្គិសនីឧស្ម័នរាវ (រូបថត៖ VNA)
យោងតាមរបាយការណ៍របស់ក្រសួងផែនការនិងវិនិយោគវៀតណាមបានឱ្យដឹងថា ក្នុងរយៈពេល ៧ ខែកន្លងមក ដើមទុនដែលបានចុះបញ្ជីថ្មី កែសំរួលនិងចូលរួមទិញភាគហ៊ុនពីវិនិយោគិនបរទេស សម្រេចបាន ១៨,៨២ ពាន់លានដុល្លារអាមេរិក ស្មើនឹង ៩៣,១% បើប្រៀបធៀបទៅនឹងរយៈពេលដូចគ្នានាឆ្នាំ២០១៩។
យោងតាមនោះ មានគម្រោងថ្មីចំនួន ១.៦២០ ត្រូវបានផ្តល់អាជ្ញាប័ណ្ណចុះឈ្មោះការវិនិយោគដើមទុនសរុបសម្រេចបានទឹកប្រាក់ចំនួន ៩,៤៦ ពាន់លានដុល្លារអាមេរិក។ ដោយឡែកនៅខែកក្កដា ឆ្នាំ ២០២០ ទូទាំងប្រទេសបានទាក់ទាញដើមទុនចុះបញ្ជីថ្មី កែសំរួល និងចូលរួមទិញភាគហ៊ុនពីវិនិយោគិនបរទេស ចំនួន ៣,១៥ ពាន់លានដុល្លារ ពោលគឺកើនឡើង ៧៩,៨% ក្នុងរយៈពេលដូចគ្នានាឆ្នាំ ២០១៩ ដែលស្រូបយកអត្រាចំនួន ១៦,៧% នៃទុនវិនិយោគសរុបដែលបានទាក់ទាញក្នុងរយៈពេល ៧ ខែដើមឆ្នាំនេះផងដែរ៕
（បកប្រែដោយ ហេងវុធ្ធី）
（ប្រភពព័ត៌មាន: vietnamplus.vn）
មតិពីមិត្តអ្នកអាន