យុគសម័យ - ស្ថាប័នពាណិជ្ជកម្មវៀតណាមប្រចាំនៅអូស្ត្រាលីបានសម្របសម្រួលជាមួយក្រុមហ៊ុនអាស៊ានដើម្បីរៀបចំកម្មវិធីសប្តាហ៍ទុរេនវៀតណាមនៅអូស្ត្រាលីចាប់ពីថ្ងៃទី ២០ដល់ ថ្ងៃទី៣១ ខែកក្កដា។
វៀតណាមពង្រីកការផ្សព្វផ្សាយនិងលក់ចេញផ្លែទុរេននៅទីផ្សារអូស្ត្រាលី
ទុរេនដាក់ក្លាសសេចំនួន ៧ តោនពីប្រទេសវៀតណាមទើបតែបានបញ្ចប់ការបំពេដញបែបបទដើម្បីឈានចូលរដ្ឋញូសៅវែល ( NSW) នៃប្រទេសអូស្រ្តាលីដោយចាប់ផ្តើមដំណើរការដណ្តើមយកចិត្តអតិថិជននៅក្នុងទីផ្សារមួយដែលមានលក្ខខ័ណ្ឌស្តង់ដារខ្ពស់បំផុតនៅលើពិភពលោក។
កុងតឺន័រទំនិញលើកនេះត្រូវបាននាំចូលដោយក្រុមហ៊ុនអាស៊ានដែលមានទីស្នាក់ការកណ្តាលនៅ NSW ដើម្បីលើកកម្ពស់និងជំរុញការប្រើប្រាស់ផ្លែឈើធម្មតានៅតំបន់ដីសណ្តខាងត្បូងហើយស្ថានប័នពាណិជ្ជកម្មវៀតណាមប្រចាំនៅអូស្រ្តាលីបានសហការជាមួយក្រុមហ៊ុនអាស៊ានរៀបចំកម្មវិធីសប្តាហ៍ទុរេនវៀតណាមនៅអូស្ត្រាលីដោយដាក់ពង្រាយក្នុងពេលដំណាលគ្នានៅតាមតំបន់ដែលមានប្រជាជនអាស៊ីភាគច្រើនជាជនជាតិអាស៊ី ដែលមានរយៈពេលចាប់ពីថ្ងៃទី ២០ ដល់ថ្ងៃទី ៣១ ខែកក្កដា។
វៀតណាមពង្រីកការផ្សព្វផ្សាយនិងលក់ចេញផ្លែទុរេននៅទីផ្សារអូស្ត្រាលី
លោក Nguyen Phu Hoa ប្រធានការិយាល័យពាណិជ្ជកម្មវៀតណាមប្រចាំអូស្ត្រាលី បានឲ្យដឹងថាបន្ទាប់ពីជោគជ័យនៃកម្មវិធីផ្សព្វផ្សាយផ្លែធូរេនរបស់វៀតណាមនៅអូស្រ្តាលីកាលពីឆ្នាំ ២០១៩ ទីភ្នាក់ងារនេះបានធ្វើការស្ទង់មតិនិងទទួលឃើញថាមានសក្តានុ ពលក្នុងការល់ចេញផ្លែធូរេននៅក្នុងទីផ្សារនេះគឺពិតជាធំធេងណាស់។
ទុរេនគឺជាផ្លែឈើដែលមានតម្លៃខ្ពស់និងជាផលិតផលមួយក្នុងចំណោមផលិតផលប្រចាំតំបន់របស់វៀតណាម និងមានសមត្ថ ភាព ក្នុងការប្រកួតប្រជែងល្អនៅលើឆាកអន្តរជាតិ។ ដោយ សារគុណប្រយោជន៍នៃការធ្វើជាផ្លែឈើក្លាសសេនេះ ប៉ុន្តែនៅតែ រក្សាបាននូវស្តង់ដារនិងរសជាតិដូចជាផ្លែឈើស្រស់ៗ ផ្លែទុរេនត្រូវបានអនុញ្ញាតិអោយនាំចូលទៅកាន់អូស្ត្រាលីដោយមិនចាំបាច់រង់ចាំការចរចារបើកទីផ្សារដូចផ្លែឈើស្រស់ដទៃទៀតទេផងដែរ។
គួរបញ្ជាក់ថាបន្ទាប់ពី «សប្តាហ៍ផ្លែទុរេនវៀតណាមនៅអូស្ត្រាលី» ត្រូវបានបិទបញ្ចប់នោះ ស្ថាប័នពាណិជ្ជកម្មនឹងធ្វើដំណើរជាមួយអង្គភាពមួយដែលធ្វើការនាំចូលម្នាក់ទៀតនៅភាគខាងលិចទីក្រុងភើត (Perth) ដោយដាក់ពង្រាយកម្មវិធីផ្សព្វផ្សាយសម្រាប់ការដឹកជញ្ជូនធូរេនរបស់វៀតណាមដែលមានពាណិជ្ជសញ្ញា AAA ត្រូវបានគេរំពឹងថានឹងអាចរកបាននៅអូស្រ្តាលីខាងលិចនៅ ដើម ខែសីហាខាងមុខនេះ៕
（បកប្រែដោយ ហេងវុធ្ធី）
（ប្រភពព័ត៌មាន: Vietnamplus.vn）
មតិពីមិត្តអ្នកអាន