យុគសម័យ - នាថ្ងៃទី ២៤ ខែមិថុនា ស្ថាប័នសមត្ថកិច្ចវៀតណាម ការិយាល័យសេដ្ឋកិច្ច - វប្បធម៌វៀតណាមនៅតៃប៉ិ ក្រុមហ៊ុនអាកាសចរណ៍ជាតិវៀតណាមនិងស្ថាប័នសមត្ថកិច្ចតៃវ៉ាន់ (ចិន) បានសហការអនុវត្តជើងហោះហើរដឹកពលរដ្ឋវៀតណាមចំនួន ៣៤៣ នាក់ពីតៃវ៉ាន់វិលត្រឡប់មកកាន់ប្រទេសវិញ។
ពលរដ្ឋវៀតណាមចំនួន ៣៤៣ នាក់ពីប្រទេសតៃវ៉ាន់បានវិលត្រឡប់មកកាន់ប្រទេសវិញដោយសុវត្ថិភាព
ជើងហោះហើរនេះ រួមមានពលរដ្ឋដែលមានកាលៈទេសៈពិបាកជាពិសេស ហើយមានបំណងចង់វិលត្រឡប់មកកាន់ប្រទេសវិញ៖ កុមារអាយុក្រោម ១៨ ឆ្នាំ មនុស្សចាស់ជរា មនុស្សដែលឈឺនិងមានជំងឺផ្ទៃខាងក្រោយ ស្ត្រីមានផ្ទៃពោះ ព្រះសង្ឃនិងដូនជី ព្រះសង្ឃពុទ្ធសាសនាដែលត្រូវត្រឡប់មកកាន់ប្រទេសវិញដោយសារសាលាសមាធិត្រូវបានបិទ។ ក្រៅពីនេះ ក្នុងចំណោមពលរដ្ឋវៀតណាមចំនួន ៣៤៣ នាក់ទាំងនេះ មានអ្នកដំណើរដែលជាប់គាំង ពលករដែលផុតសុពលភាពទិដ្ឋាការ បញ្ចប់កិច្ចសន្យាការងារនិងនិស្សិតអន្តរជាតិដែលបានបញ្ចប់កម្មវិធីសិក្សា។ការិយាល័យសេដ្ឋកិច្ច - វប្បធម៌វៀតណាមប្រចាំនៅតៃប៉ិបានគាំទ្រនិងដឹកនាំពលរដ្ឋយ៉ាងសកម្មដើម្បីបំពេញនីតិវិធី ហើយបានបញ្ជូនមន្រ្តីទៅសម្របសម្រួលដោយផ្ទាល់ជាមួយក្រុមហ៊ុនអាកាសចរណ៍ជាតិវៀតណាមដើម្បីគាំទ្រពលរដ្ឋនៅអាកាសយានដ្ឋាន។
ជាមួយនឹងគោលបំណងធានាសុខភាពរបស់ពលរដ្ឋ បង្ការការឆ្លងរាលដាលនៃជំងឺរាតត្បាត COVID-19 ក្រុមហ៊ុនអាកាសចរណ៍ជាតិវៀតណាមបានអនុវត្តយ៉ាងតឹងរឹងនូវវិធានការណ៍ស្តីពីសន្តិសុខ សុវត្ថិភាពនិងអនាម័យក្នុងពេលហោះហើរ។ ភ្លាមៗបន្ទាប់ពីចុះចតដោយសុវត្ថិភាពនៅអាកាសយានដ្ឋានអន្តរជាតិ Tan Son Nhat អ្នកចូលរួមនៃជើងហោះហើរនេះត្រូវបានពិនិត្យសុខភាព ហើយត្រូវបាននាំយកទៅកន្លែងដាច់នៅដាច់ដោយឡែកបទប្បញ្ញត្តិ។
ផ្អែកលើគោលបំណងរបស់ប្រជាជន វិវត្តន៍ប្រែប្រួលជាក់ស្តែងនៃជំងឺរាតត្បាតទាំងក្នុងនិងក្រៅប្រទេស សមត្ថភាពដាកល់នៅដាច់ដោយឡែករបស់មូលដ្ឋាន ស្ថាប័នមានសមត្ថកិច្ចវៀតណាមនិងស្ថាប័នតំណាងវៀតណាមនៅបរទេសនឹងបន្តសម្របសម្រួលជាមួយក្រុមហ៊ុនអាកាសចរណ៍ក្នុងស្រុកដើម្បីរៀបចំជើងហោះហើរដើម្បីនាំពលរដ្ឋត្រឡប់មកកាន់ប្រទេសវិញ៕
（បកប្រែដោយសាមេត）
（ប្រភពព័ត៌មាន: baoquocte.vn）
មតិពីមិត្តអ្នកអាន