យុគសម័យ - តាមគេហទំព័រ Eastasiaforum.org របស់ប្រទេសសីង្ហបូរី នៅថ្ងៃទី ២៨ ខែឧសភា បានចុះផ្សាយអត្ថបទមួយដែលវាយតម្លៃថា វៀតណាមជាប្រទេសមួយដែលទទួលបានជោគជ័យបំផុតនៅអាស៊ីក្នុងការទប់ស្កាត់នឹងការរីករាលដាលនៃវីរុស SARS-CoV-2 ។
ការបាញ់ថ្នាំសម្លាប់មេរោគលើឥវ៉ាន់របស់ជនវៀតណាមមកពីបរទេស។ (រូបថត៖ ទីភ្នាក់ងារសារព័ត៌មានវៀតណាម)
យោងតាមអត្ថបទនេះឲ្យដឹងថា វៀតណាមមានតម្លាភាពក្នុងការដោះស្រាយវិបត្តិរាតត្បាត។ ជាមួយគ្នានេះដែរ កងទ័ព និងកងកំលាំងនគរបាលតែងតែសហការ
យ៉ាងជិតស្និទ្ធជាមួយប្រជាជនក្នុងការប្រយុទ្ធប្រឆាំងនឹងជំងឺនេះ។ អត្ថបទនេះបានបញ្ជាក់ពីការដឹកនាំប្រកបដោយប្រសិទ្ធភាពរបស់បក្សកុម្មុយនិស្តវៀតណាមក្នុងប្រយុទ្ធប្រឆាំងនឹងជំងឺរាតត្បាត COVID-19 ដែលបានបង្កើនកិត្យានុភាពរបស់វៀតណាមលើឆាកអន្តរជាតិ។ ប្រទេសវៀតណាមបានក្លាយជាគំរូមួយសម្រាប់ប្រទេសដទៃទៀតនៅក្នុងតំបន់និយាយដោយឡែក និងបណ្តាប្រទេសលើពិភពលោកនិយាយរួមដែលសិក្សានិងធ្វើតាម ក្នុងការប្រយុទ្ធប្រឆាំងនឹងជំងឺ COVID-19 នេះ។
ម៉្យាងទៀត គេហទំព័រ Eastasiaforum.org ក៏សង្កត់ធ្ងន់លើការជួយគាំទ្ររបស់វៀតណាមចំពោះប្រទេសជាច្រើនក្នុងពេលជំងឺនេះរីករាលដាលលើទូទាំងពិភពលោក ដែលវាបា
នឆ្លុះបញ្ចាំងពីស្មារតីមានទំនួលខុសត្រូវរបស់វៀតណាមចំពោះសហគមន៍អន្តរជាតិ។ ដោយសមត្ថភាពលេចធ្លោក្នុងការទប់ទល់នឹងជំងឺរាតត្បាត រួមទាំងស្មរតីសហប្រតិបត្តិការ និងតម្លាភាព ប្រទេសវៀតណាមនឹងទទួលបានការគាំទ្រពីអន្តរជាតិកាន់តែច្រើន នាពេលអនាគត។
អត្ថបទនោះក៏បានឲ្យដឹងផងដែរថា ជោគជ័យរបស់វៀតណាមក្នុងការគ្រប់គ្រងជំងឺរាតត្បាតនឹងជួយវៀតណាមក្លាយទៅជាគោលដៅគួរឲ្យទាក់ទាញ់សម្រាប់ក្រុមហ៊ុននានា នៅលោកខាងលិចដែលស្វែងយល់និងចង់មកវិនិយោ គក្រោយការរាតត្បាតជំងឺ COVID-19 ជាពិសេស គឺបណ្តាក្រុមហ៊ុនមកពីអាមេរិក និងអឺរ៉ុប./.
（បកប្រែដោយឌីណា）
មតិពីមិត្តអ្នកអាន