យុគសម័យ - នាព្រឹកថ្ងៃទី ១១ ខែឧសភា សន្និសីទនៃគណៈកម្មាធិការមជ្ឈឹមបក្សលើកទី ១២ បានបើកជាផ្លូវការ នៅរដ្ឋធានីហាណូយ។ លោកអគ្គលេខាធិការបក្ស ប្រធានរដ្ឋ Nguyen Phu Trong អញ្ជើញជាអធិបតីក្នុងសន្និសីទនេះ។
លោកអគ្គលេខាធិការបក្ស ប្រធានរដ្ឋ Nguyen Phu Trong បានថ្លែងសុន្ទរកក្នុងពិធីបើកសន្និសីទ។ (រូបថត៖ទីភ្នាក់ងារសារព័ត៌មានវៀតណាម)
នៅក្នុងសន្និសីទនេះ គណៈកម្មាធិការមជ្ឈិមបក្សនឹងពិភាក្សានិងសំរេចលើបញ្ហាមួយចំនួន ៖ ទិសដៅតែងតាំងបុគ្គលិកនៃគណៈកម្មាធិការមជ្ឈិមបក្សអាណត្តិទី ១២ ទិសដៅបោះឆ្នោតនិងជ្រើសរើសសមាជិករដ្ឋសភា នីតិកាលទី ១៥ និងសមាជិកក្រុមប្រឹក្សាប្រជាជនគ្រប់ជាន់ថ្នាក់ សម្រាប់អាណត្តិ ២០២១ - ២០២៦; ចំនួននិងការបែងចែកអ្នកតំណាងចូលរួមក្នុងមហាសន្និបាតលើកទី ១៣ របស់បក្សនិងបញ្ហាសំខាន់ៗមួយចំនួនទៀត។
លោកអគ្គលេខាធិការបក្ស ប្រធានរដ្ឋ Nguyen Phu Trong និងថ្នាក់ដឹកនាំបក្ស រដ្ឋនិងគណៈប្រតិភូនានា បានអញ្ជើញចូលរួម ក្នុងពិធីបើកសន្និសីទនេះ។ (រូបថត៖ទីភ្នាក់ងារសារព័ត៌មានវៀតណាម)
លោកអគ្គលេខាធិការបក្ស ប្រធានរដ្ឋ Nguyen Phu Trong បានថ្លែងថា៖ សន្និសីទនេះបានធ្វើឡើង នៅពេលដែលប្រទេសទាំងមូលកំពុងប្រារព្ធខួប ៤៥ ឆ្នាំនៃទិវារំដោះភាគខាងត្បូង បង្រួបបង្រួមប្រទេសជាតិ អបអរសាទរខួបកំណើត ១៣០ ឆ្នាំ របស់លោកប្រធាន Ho Chi Minh ហើយជាពិសេសនៅ ក្នុងបរិបទដែលបក្សទាំងមូល ប្រជាជនទាំងមូលបាននិងកំពុងធ្វើការយ៉ាងល្អប្រសើរ ក្នុងការប្រយុទ្ធប្រឆាំងនិងជំងឺ Covid-19 ដែលរួមចំណែកក្នុងការដាស់តឿនដល់បក្សនិងប្រជាជននូវក្តីមោទនភាពចំពោះបក្សដ៏រុងរឿងលោកប្រធាន Ho Chi Minh ដែលជាវីរជនវៀតណាម។
លោកអគ្គលេខាធិការបក្ស ប្រធានរដ្ឋ Nguyen Phu Trong បានសង្កត់ធ្ងន់ថា៖ ជាងនរណាទាំងអស់ សមាជិកម្នាក់ៗនៃគណៈកម្មាធិការមជ្ឈិមបក្សគប្បីលើកកម្ពស់ប្រពៃណីបដិវត្តដែលមានភាពរឹងមាំនិងរុងរឿងរបស់បក្សនិងប្រទេសជាតិដោយបង្កើនស្មារតីទទួលខុសត្រូវ ខិតខំបន្ថែមទៀត បំពេញភារកិច្ចរបស់ខ្លួនឱ្យបានល្អ។ ស្នើសមាជិកនានានៃគណៈកម្មាធិការមជ្ឈិមបក្សបន្តការលើកកម្ពស់បញ្ញារបស់ខ្លួននិងចូលរួមផ្តល់យោបល់ជ្រាលជ្រៅជាច្រើនចំពោះខ្លឹមសារដែលបានអនុម័ត ធានានាំមកនូវជោគជ័យនៃសន្និសីទនេះ។
ទិដ្ឋភាពទូទៅនៃសន្និសីទ។ (រូបថត៖ទីភ្នាក់ងារសារព័ត៌មានវៀតណាម)
（បកប្រែដោយឌីណា）
មតិពីមិត្តអ្នកអាន