វៀតណាមគាំទ្រដល់ការស្វែងរកដំណោះស្រាយនយោបាយសម្រាប់បញ្ហាស៊ីរី

15:12 | 20/02/2020 （បកប្រែដោយ ហេង វុធ្ធី）

យុគសម័យ - លោកឯកអគ្គរដ្ឋទូត Pham Hai Anh អនុប្រធានក្រុមបេសកកម្មវៀតណាមប្រចាំនៅអង្គការសហប្រជាជាតិ បានអំពាវនាវឱ្យភាគីនានាគួរឲ្យអត់ធ្មត់ ដើម្បីបញ្ចៀសពីធ្វើឱ្យស្ថានភាព កាន់តែអាក្រក់ថែមទៀត និងគាំទ្រចំពោះតួនាទីរបស់ អ. ស. ប ក្នុងការជំរុញកិច្ចសន្ទនាដើម្បីកសាងសន្តិភាពយូរអង្វែងនៅស៊ីរីផងដែរ។

លោកឯកអគ្គរដ្ឋទូត Pham Hai Anh អនុប្រធានក្រុមបេសកកម្មវៀតណាមប្រចាំនៅ អ. ស.ប (រូបថត៖ MOFA)

នេះបើយោងតាមអ្នកឆ្លើយឆ្លងព័ត៌មានទីភ្នាក់ងារសារព័ត៌មានវៀតណាមប្រចាំនៅអង្គការសហប្រជាជាតិ (អ. ស. ប) បានឲ្យដឹងថា នាថ្ងៃទី ១៩ ខែកុម្ភៈ បណ្តាប្រទេសសមាជិកក្រុមប្រឹក្សាសន្តិសុខអង្គការសហប្រជាជាតិ បានសម្តែងការព្រួយបារម្ភអំពីការវិវឌ្ឍន៍ដ៏ស្មុគស្មាញនៅភាគពាយព្យនៃប្រទេសស៊ីរី ហើយបានអំពាវនាវឱ្យមានការអត់ធ្មត់ ធ្វើកិច្ចសន្ទនាន្និងចរចាគ្នាដើម្បីបញ្ចៀសពីភាពតានតឹងកាន់តែកើនឡើងផងដែរ។

បណ្តាប្រទេសនានាបានអះអាងថា ដំណោះស្រាយនយោបាយគឺជាដំណោះស្រាយតែមួយគត់ ចំពោះវិបត្តិនៅក្នុងប្រទេសមជ្ឈឹមបូព៌ានេះ។ ថ្លែងមតិនៅឯសម័យប្រជុំនេះ លោកឯកអគ្គរដ្ឋទូត Pham Hai Anh អនុប្រធានក្រុមបេសកកម្មវៀតណាមប្រចាំនៅ អ. ស.ប បានសង្កត់ធ្ងន់លើសារៈសំខាន់នៃការស្វែងរកដំណោះស្រាយនយោបាយនិងផ្លូវការទូតសំរាប់ស្ថានភាពនៅស៊ីរី ដោយឈរ លើមូលដ្ឋានគោរពច្បាប់អន្តរជាតិ ធម្មនុញ្ញអ.ស.ប និងសេច្ចកតីសម្រេចចិត្តនៃក្រុមប្រឹក្សាសន្តិសុខដែលពាក់ព័ន្ធនានា ក៏ដូចជាអធិបតេយ្យភាពនិងបូរណភាពដែនដីនៃប្រទេសស៊ីរី។

លោកឯកអគ្គរដ្ឋទូតរូបនេះក៏បានសម្តែងការព្រួយបារម្ភចំពោះការវិវត្តថ្មីៗនៅភាគពាយព្យនៃប្រទេសស៊ីរី ក្នុងរយៈពេលកន្លង មក ដែលកំពុងប៉ះពាល់ដល់ជីវភាពរស់នៅរបស់មនុស្សជាង ៣ លាននាក់។ លោកបានអំពាវនាវឱ្យភាគីនានាគួរឲ្យអត់ធ្មត់ ដើម្បីបញ្ចៀសពីធ្វើឱ្យស្ថានភាព កាន់តែអាក្រក់ថែមទៀត និងគាំទ្រចំពោះតួនាទីរបស់អ. ស. ប ក្នុងការជំរុញកិច្ចសន្ទនាដើម្បីកសាងសន្តិភាពយូរអង្វែងនៅស៊ីរីផងដែរ៕

（បកប្រែដោយ ហេង វុធ្ធី）

Tags: វៀតណាម គាំទ្រ ការស្វែងរក ដំណោះស្រាយ នយោបាយ សារ

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។