សន្និសីទអនឡាញ់តាមអ៊ិនធឺរណែតស្តីពីការព្យាបាលនិងការបង្ការនិងទប់ស្កាត់ការឆ្លងមេរោគរលាកផ្លូវដង្ហើមបង្កដោយវីរុស nCoV

លោកសាស្រ្តាចារ្យបណ្ឌិត Nguyen Thanh Long អនុរដ្ឋមន្រ្តីក្រសួងសុខាភិបាល អញ្ជើញថ្លែងមតិ (រូបថត៖ moh.gov.vn)

អញ្ជើញធ្វើជាអធិបតីក្នុងន្និសីទនេះមានវត្តមានរបស់លោកសាស្រ្តាចារ្យបណ្ឌិត Nguyen Thanh Long អនុរដ្ឋមន្រ្តីក្រសួងសុខាភិបាល និងលោកសាស្រ្តាចារ្យរងបណ្ឌិត Nguyen Truong Son អនុរដ្ឋមន្រ្តីក្រសួងសុខាភិបាល។ ថ្លែងមតិនៅក្នុងសន្និសីទនេះ លោកសាស្រ្តាចារ្យបណ្ឌិត Nguyen Thanh Long បានសង្កត់ធ្ងន់ថាការបង្ការការរាតត្បាតជំងឺ nCoV របស់វៀតណាមកំពុងត្រូវបានអនុវត្តដោយមានវិធានការយ៉ាងម៉ឺងម៉ាត់។

ប្រទេសវៀតណាមបានបណ្ដុះនិងបំបែកវីរុស nCoV ប្រកបដោយជោគជ័យ ហើយក៏ជួយឆ្លើយតបយ៉ាងត្រឹមត្រូវនូវប្រភពដើមនៃវីរុសដ៏កាចសាហាវនេះ ដើម្បីជ្រើសរើសវិធីព្យាបាលដែលសមស្របនិងត្រឹមត្រូវជូនដល់សហគមន៍ផងដែរ។ ក្នុងបរិបទនៃការរីករាលដាលយ៉ាងឆាប់រហ័សពីប្រទេសចិននាពេលបច្ចុប្បន្ន វិធានការដាច់ដោយឡែកគឺមានប្រសិទ្ធភាពក្នុងការបង្ការនិងប្រឆាំងនឹងការការរាលដាលនៃជំងឺនេះតែម្តង។

អ្នកឯកទេសខាងវេជ្ជសាស្ត្រនៅឯសន្និសិទក៏បានលើកឡើងផងដែរថា បច្ចុប្បន្នជំងឺរលាកសួតដោយសារវីរុស nCoV មិនមានថ្នាំជាក់លាក់និងវ៉ាក់សាំងទេ។ ដូច្នេះវាមានសារៈសំខាន់ណាស់ក្នុងការព្យាបាលរោគសញ្ញាធ្វើឱ្យប្រសើរឡើងនូវស្ថានភាពរបស់អ្នកជំងឺនិងព្យាបាលភាពស្មុគស្មាញក្នុងកំឡុងពេលព្យាបាលវាចាំបាច់ត្រូវផ្តោតលើការព្យាបាលទាំងមេរោគនិងជំងឺឆ្លងផងដែរ៕

（បកប្រែដោយ ហេងវុធ្ធី）

（បកប្រែដោយ ហេងវុធ្ធី）