សាងសង់ផ្លូវដែកក្នុងទឹកប្រាក់ជិត ២ ពាន់លានដុល្លារអាមេរិកដែលតភ្ជាប់ប្រទេសឡាវ - វៀតណាម

15:50 | 22/10/2019 （យោងតាម TTXVN បកប្រែដោយ ហេង វុធ្ធី）

យុគសម័យ - ក្រុមហ៊ុនអភិវឌ្ឍន៍ផ្លូវដែកឥណ្ឌូនេស៊ី (IRDC) នឹងមានផែនការសាងសង់ផ្លូវដែកក្នុង ទឹកប្រាក់ចំនួន ២៨.០០០ ពាន់លាន រូពី (ស្មើនឹង ១,៩៨ ពាន់លានដុល្លារអាមេរិក) ដែលតភ្ជាប់ប្រទេសឡាវជាមួយវៀតណាម។

ក្រុមហ៊ុនអភិវឌ្ឍន៍ផ្លូវដែកឥណ្ឌូនេស៊ី (IRDC) នឹងមានផែនការសាងសង់ផ្លូវដែកក្នុង ទឹកប្រាក់ចំនួន ២៨.០០០ ពាន់លាន រូពី (ស្មើនឹង ១,៩៨ ពាន់លានដុល្លារអាមេរិក) ដែលតភ្ជាប់ប្រទេសឡាវជាមួយវៀតណាម (រូបថត៖ theinsiderstories.com)

គម្រោងដូចពោលខាងលើនេះ ស្ថិតក្នុងក្របខ័ណ្ឌនៃកិច្ចព្រមព្រៀងសហប្រតិបត្តិការដែលបានចុះហត្ថលេខារវាងក្រុមហ៊ុន IRDC ក្រុមហ៊ុនប្រេងឥន្ធនៈឡាវ (Petrotrade) ក្រុមហ៊ុនគ្រប់គ្រងនិងវិនិយោគ HT របស់វៀតណាមនៅក្រៅជំនួបរវាងប្រធានាធិតបតីឥណ្ឌូណេស៊ីចូលោក Joko Widodo និងនាយករដ្ឋមន្រ្តីឡាវលោក Thongloun Sisoulith ឆ្នាំ ២០១៧ ។

នាយកប្រតិបត្តិនៃក្រុមហ៊ុនផលិតក្បាលម៉ាស៊ីនរថភ្លើង INKA របស់ឥណ្ឌូនេស៊ី លោក Budi Noviantoro បានឲ្យដឹងថា ក្រុមហ៊ុនកំពុងរង់ចាំក្រុមហ៊ុន Petrotrade បំពេញការស្ទង់មតិលើកន្លែងសាង់សងជាក់ស្តែង ហើយការសាងសង់ផ្លូវដែកនេះត្រូវបានគេរំពឹងថានឹងបញ្ចប់ក្នុងរយៈពេល ២ ឆ្នាំកន្លះ ក្នុងទឹកប្រាក់ចំនួន ៩,០០០ ពាន់លានរូពីមកពីដើមទុនវិភាគទានរបស់ក្រុមហ៊ុន INKA ។ ផ្លូវដែកថ្មីនេះមានប្រវែងសរុបប្រមាណ ៤០០ គីឡូម៉ែត្រដោយរត់ពីស្រុក Thakhek (ឡាវ) ដល់កំពង់ផែ Vung A នៃប្រទេសវៀតណាម។ គម្រោងនេះក៏នឹងជួយគាំទ្រដល់ការនាំចេញធ្យូងថ្មពីឥណ្ឌូនេស៊ីទៅប្រទេសឡាវ ដោយមានបរិមាណសរុប ៦.៥ លានតោន / ឆ្នាំ ក៏ដូចជានាំចេញប៉ូតាស្យូម (K) ចំនួន ១ លានតោន/ឆ្នាំពីប្រទេសឡាវទៅឥណ្ឌូណេស៊ី។

យោងតាមលោក Noviantoro បានអះអាង ក្រុមហ៊ុន INKA មានបំណងចង់មានវត្តមាន នៅតំបន់អាស៊ីអាគ្នេយ៍តាមរយៈការចូលរួមក្នុងគម្រោងផ្លូវដែកសំខាន់ៗជាច្រើននៅថៃនិងប្រទេសដទៃទៀត។ ក្រុមហ៊ុនកំណត់គោលដៅគ្រប់គ្រងទីផ្សារក្បាលម៉ាស៊ីនរថភ្លើងអាស៊ីអា គ្នេយ៍នៅឆ្នាំ ២០២០ ខាងមុខនេះ ៕

（យោងតាម TTXVN បកប្រែដោយ ហេង វុធ្ធី）

Tags: សាងសង់ ផ្លូវដែក ២ ពាន់លានដុល្លារ អាមេរិក តភ្ជាប់ ឡាវ វៀតណាម

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។