នាយករដ្ឋមន្ត្រីលោក Nguyen Xuan Phuc អញ្ជើញទទួលជួបជាមួយតំណាងអចិន្ត្រៃយ៍នៃការិយាល័យមូលនិធិរូបិយវត្ថុអន្តរជាតិ (IMF)

00:54 | 14/05/2019 （យោងតាម chinhphu.vn បកប្រែដោយ មិញ អាញ់）

យុគសម័យ - នាព្រឹកថ្ងៃទី ១៣ ខែកុម្ភៈ នៅទីស្នាក់ការរបស់រដ្ឋាភិបាល នាយករដ្ឋមន្ត្រីវៀតណាមលោក Nguyen Xuan Phuc បានអញ្ជើញទទួលជួបជាមួយតំណាងអចិន្ត្រៃយ៍នៃការិយាល័យមូលនិធិរូបិយវត្ថុអន្ដរជាតិ (IMF) ប្រចាំនៅវៀតណាម លោក Jonathan Dunn ។

លោកនាយករដ្ឋមន្ត្រីអញ្ជើញទទួលជួបជាមួយតំណាងអចិន្ត្រៃយ៍នៃការិយាល័យមូលនិធិរូបិយវត្ថុអន្ដរជាតិ (IMF) ប្រចាំនៅវៀតណាម (រូបថត: VGP / Nhat Bac)

ក្នុងជំនួបនេះ នាយករដ្ឋមន្ត្រីលោក Nguyen Xuan Phuc សង្ឃឹមថា ក្នុងតួនាទីថ្មី លោក Jonathan នឹងក្លាយទៅជាស្ពានមួយរវាងវៀតណាមនិង IMF និងបន្តអភិវឌ្ឍន៍ទំនាក់ទំនងរវាងវៀតណាមនិង IMF។ លោកនាយករដ្ឋមន្ត្រីមានបំណងថា លោក Jonathan នឹងបន្តផ្តល់អនុសាសន៍ភ្លាមៗ សម្រាប់វៀតណាម ជាពិសេសក្នុងគោលនយោបាយរូបិយវត្ថុនៅក្នុងបរិបទអន្តរជាតិមានបម្រែបម្រួលយ៉ាងស្មុគស្មាញដូចសព្វថ្ងៃ។

នាយករដ្ឋមន្ត្រីក៏ចង់ឱ្យមូលនិធិរូបិយវត្ថុអន្តរជាតិ សហការនិងគាំទ្រវៀតណាមក្នុងការពិនិត្យឡើងវិញ ការវាយតម្លៃ ធ្វើបច្ចុប្បន្នភាពព័ត៌មាននិងស្ថិតិអំពីវិស័យសេដ្ឋកិច្ចដែលមិនត្រូវបានសង្កេត (ផ្នែកសេដ្ឋកិច្ចក្រៅផ្លូវការ) ដែលត្រូវបានចាត់ទុកថា គណយ្យសម្រាប់សមាមាត្រដ៏ធំមួយនៃផលិតផលក្នុងស្រុកសរុប។ នាយករដ្ឋមន្ត្រីស្នើឲ្យមូលនិធិរូបិយវត្ថុអន្ដរជាតិ ជួយវៀតណាមក្នុងការគណនាតំបន់សេដ្ឋកិច្ចនេះដោយយកចិត្តទុកដាក់ ស្មោះត្រង់និងមានលក្ខណៈវិទ្យាសាស្រ្តផងដែរ។

(រូបថត: VGP / Nhat Bac)

ចំណែកឯលោក Jonathan Dunn បានវាយតម្លៃខ្ពស់ចំពោះការអភិវឌ្ឍក៏ដូចជារាល់គោលនយោបាយសេដ្ឋកិច្ចរបស់វៀតណាមនាពេលកន្លងទៅ។ លោកឲ្យដឹងថា នឹងរាយការណ៍ជូនថ្នាក់ដឹកនាំ IMF អំពីសំណើររបស់លោកនាយករដ្ឋមន្ត្រី ក្នុងការជួយឧបត្ថម្ភគណនាតំបន់សេដ្ឋកិច្ចក្រៅផ្លូវការ ហើយលោកបានជឿជាក់ថា IMF នឹងជួយវៀតណាមវាស់វែងលទ្ធផលជាតិ៕

（យោងតាម chinhphu.vn បកប្រែដោយ មិញ អាញ់）

Tags: នាយករដ្ឋមន្ត្រី លោក Nguyen Xuan Phuc តំណាងអចិន្ត្រៃយ៍ ការិយាល័យ មូលនិធិរូបិយវត្ថុ អន្តរជាតិ IMF

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។