តំណាងវៀតណាមអញ្ជើញជាអធិបតីក្នុងសម័យប្រជុំមហាសន្និបាត WIPO

14:42 | 25/09/2018 （សរុបព័ត៌មាន ដោយ ស្រីព្រេជ）

យុគសម័យ - កិច្ចប្រជុំលើកទី៥៨ នៃមហាសន្និបាតបណ្តាអង្គការសមាជិករបស់អង្គការកម្មសិទ្ធិបញ្ញាពិភពលោក (WIPO) បានប្រារព្ធធ្វើឡើងនៅទីក្រុងហ្សឺណែវ ប្រទេសស្វ៊ីស ចាប់ពីថ្ងៃទី២៤ខែកញ្ញាដល់ថ្ងៃទី១ខែតុលា។ នេះជាលើកដំបូងដែលប្រទេសវៀតណាមមានតំណាងកាន់ដំណែងជាប្រធានមហាសន្និបាត WIPO ផងដែរ។

មហាសន្និបាតបានចំណាយរយៈពេល១នាទីដើម្បីស្មឹងស្មាធិ៍ដល់វិញ្ញាណក្ខ័ន្ធលោកប្រធានរដ្ឋវៀតណាម Tran Dai Quang (រូបថតៈ Chinhphu.vn)

កិច្ចប្រជុំលើកទី៥៨ នៃមហាសន្និបាតបណ្តាប្រទេសសមាជិកអង្គការកម្មសិទ្ធិបញ្ញាពិភពលោក (WIPO) បានប្រារព្ធធ្វើឡើងនាថ្ងៃទី២៤ខែកញ្ញានៅទីក្រុងហ្សឺណែវ ប្រទេសស្វ៊ីស។ មុននឹងបើកកិច្ចប្រជុំ អង្គមហាសន្និបាត WIPO បានចំណាយរយៈពេល១នាទីដើម្បីស្មឹងស្មាធិ៍ដល់វិញ្ញាណក្ខ័ន្ធប្រធានរដ្ឋវៀតណាម លោក Tran Dai Quang។

កិច្ចប្រជុំប្រចាំឆ្នាំលើកទី ៥៨ នៃមហាសន្និបាត WIPO លើកនេះ មានការចូលរួមរបស់ប្រតិភូជាង១.២០០នាក់មកពីប្រទេសសមាជិក WIPO ចំនួន ១៩១ ។ គណៈប្រតិភូវៀតណាមរួមមានសមាជិកចំនួន៧រូប ដឹកនាំដោយអនុរដ្ឋមន្ត្រីក្រសួងវិទ្យា សាស្ត្រនិងបច្ចេកវិទ្យា លោក Pham Cong Tac ។

ឯកអគ្គរដ្ឋទូតវៀតណាម លោក Duong Chi Dung ប្រធានគណៈកម្មការអចិន្ត្រៃយ៍របស់វៀតណាមប្រចាំអង្គការសហប្រជាជាតិ អង្គការពាណិជ្ជកម្មពិភពលោក (WTO) និងអង្គការអន្តរជាតិនានាប្រចាំនៅទីក្រុងហ្សឺណែវ (រូបថត ៖ TTXVN)

នេះជាលើកដំបូងដែល លោកឯកអគ្គរដ្ឋទូត Duong Chi Dung ប្រធានក្រុមបេសកកម្មអចិន្ត្រៃយ៍ប្រចាំអង្គការសហប្រជាជាតិនិងអង្គការអន្តរជាតិនានានៃប្រទេសវៀតណាម នៅទីក្រុងហ្សឺណែវ (ប្រទេសស៊្វីស) បានអញ្ជើញដឹកនាំសម័យប្រជុំនេះក្នុងនាមជាប្រធានមហាសន្និបាត WIPO អាណត្តិ ២០១៨ - ២០១៩។

ថ្លែងនៅឯពិធីបើក អគ្គនាយក WIPO លោក Francis Gurry បានលើកឡើងថា កម្មសិទ្ធិបញ្ញាកាន់តែមានសារៈសំខាន់ពីមួយថ្ងៃទៅមួយថ្ងៃ ពោលគឺក្នុងវិស័យសេដ្ឋកិច្ចសង្គម ក្នុងការអភិវឌ្ឍគោលនយោបាយក៏ដូចជាទំនាក់ទំនងពាណិជ្ជកម្មអន្តរជាតិ។

គណៈប្រតិភូវៀតណាម ដែលចូលរួមក្នុងមហាសន្និបាត WIPO (រូបថតៈ Chinhphu.vn)

អនុរដ្ឋមន្ត្រីក្រសួងវិទ្យាសាស្ត្រនិងបច្ចេកវិទ្យាវៀតណាម លោក Pham Cong Tac បានឱ្យដឹងថា គណៈប្រតិភូវៀតណាមនឹងចូលរួមយ៉ាងសកម្មក្នុងសកម្មភាពទាំងអស់របស់ WIPO។ រួមជាមួយការដែល លោក Bui Chi Dung នឹងកាន់ដំណែងជាប្រធានមហាសន្និបាត WIPO ការចូលរួមរបស់គណៈប្រតិភូវៀតណាមបានបង្ហាញនូវភាពម្ចាស់ការនិងសកម្មទៅក្នុងរាល់សកម្មភាពរួមរបស់ WIPO ផងដែរ។

នៅខាងក្រៅកិច្ចប្រជុំ គណៈប្រតិភូវៀតណាមក៏បានចូលរួមកិច្ចប្រជុំនិងជួបសន្ទនាទ្វេភាគីជាមួយដៃគូមួយចំនួន ដូចជាអង្គការកម្មសិទ្ធិបញ្ញាពិភពលោក (WIPO) ស្ថាប័នកែច្នៃអឺរ៉ុប (EPO) អគ្គនាយកដ្ឋានកែច្នៃជប៉ុន (JPO) វិទ្យាស្ថានកម្មសិទ្ធិឧស្សាហកម្មបារាំង (INPI) ស្ថាប័នកម្មសិទ្ធិបញ្ញាម៉ិកស៊ិក និងស្ថាប័នកម្មសិទ្ធិបញ្ញានៃចក្រភពអង់គ្លេសនិងការិយាល័យកម្មសិទិ្ធបញ្ញាអង់គ្លេស (UK IPO) ដើម្បីពង្រីកកិច្ចសហប្រតិបត្តិការផងដែរ៕

（សរុបព័ត៌មាន ដោយ ស្រីព្រេជ）

Tags: តំណែង វៀតណាម អធិបតី សម័យប្រជុំ មហាសន្និបាត WIPO

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។