សហគ្រាសវៀតណាមរួមចំណែកអភិវឌ្ឍមូលដ្ឋាននានារបស់កម្ពុជា

ទិដ្ឋភាពនៃកិច្ចប្រជុំការងាររវាងឯកអគ្គរដ្ឋទូត Nguyen Minh Vu និងគណៈប្រតិភូតវ៉ាខេត្តរតនគិរី។

អភិបាលកម្ពុជាបានសង្កត់ធ្ងន់ថា ខេត្តមណ្ឌលគិរីត្រៀមខ្លួនជាស្រេចអមដំណើរអ្នកវិនិយោគវៀតណាម ដើម្បីទាញយកសក្តានុពលនៃការតភ្ជាប់តំបន់ ពាណិជ្ជកម្មតាមព្រំដែន និងកសិកម្មប្រកបដោយនិរន្តរភាព។

ក្នុងដំណើរទស្សនកិច្ចការងារនៅភូមិភាគឦសាននៃប្រទេសកម្ពុជា ចាប់ពីថ្ងៃទី៦ ដល់ថ្ងៃទី៧ ខែសីហា ឆ្នាំ២០២៥ លោក Nguyen Minh Vu ឯកអគ្គរដ្ឋទូត និងគណៈប្រតិភូស្ថានទូតវៀតណាមប្រចាំនៅកម្ពុជា បានមកបំពេញទស្សនកិច្ចការងារនៅខេត្តចំនួនពីរ គឺខេត្តមណ្ឌលគិរី និងរតនគិរី ដែលជាតំបន់ដែលមានទីតាំងយុទ្ធសាស្ត្រក្នុងការតភ្ជាប់សេដ្ឋកិច្ច-ព្រំដែន ជាមួយបណ្តាខេត្តនៅតំបន់ខ្ពង់រាបកណ្តាល Tay Nguyen របស់វៀតណាម។

លោក ញ៉ែម សំអឿន អភិបាលខេត្តរតនគិរី បានមានប្រសាសន៍ថា៖ ខ្ញុំសប្បាយចិត្តណាស់ និងជឿជាក់ថា មិនត្រឹមតែប្រជាជនក្នុងខេត្តរតនគិរីប៉ុណ្ណោះទេ ថែមទាំងប្រជាជននៅតាមបណ្តាខេត្ត-ក្រុងនានាក៏អាចមកធ្វើការនៅទីនេះបានដែរ។ បើយើងនិយាយអំពីគោលនយោបាយ ប្រាក់បៀវត្សរ៍ និងលំនៅឋាន ខ្ញុំវាយតម្លៃក្រុមហ៊ុនថាធ្វើបានល្អណាស់។ ប្រាក់បៀវត្សរ៍របស់កម្មករម្នាក់ៗប្រហែល ២៥០ ដុល្លារ/ខែ ប្រសិនបើនរណាម្នាក់មានជំនាញ និងបទពិសោធន៍ខ្ពស់ ពួកគេនឹងទទួលបានប្រាក់បៀវត្សរ៍ខ្ពស់ជាង។ ខ្ញុំសង្ឃឹមថាក្រុមហ៊ុននឹងបន្តវិនិយោគបន្ថែមទៀត។ លើសពីនេះ ភាគីទាំងពីរ អាជ្ញាធរ និងក្រុមហ៊ុនក៏ត្រូវពង្រឹងកិច្ចសហប្រតិបត្តិការ និងជួយគ្នាទៅវិញទៅមកនៅពេលមានបញ្ហាកើតឡើង។

លោក Nguyen Minh Vu ឯកអគ្គរដ្ឋទូត បានថ្លែងអំណរគុណចំពោះអាជ្ញាធរខេត្តមណ្ឌលគិរី និងខេត្តរតនគិរី ដែលបានបង្កើតលក្ខខណ្ឌអំណោយផលសម្រាប់សហគ្រាសវៀតណាមក្នុងការវិនិយោគ និងអភិវឌ្ឍប្រកបដោយស្ថិរភាពនៅក្នុងមូលដ្ឋាន។ លោកឯកអគ្គរដ្ឋទូតសង្ឃឹមថា ខេត្តនឹងបន្តជួយឧបត្ថម្ភសហគ្រាសវៀតណាម ដើម្បីទទួលបានការអាទិភាពក្រោមកម្មវិធីអភិវឌ្ឍន៍ភូមិភាគឦសាន្តកម្ពុជា ដំណាក់កាល ២០២៥-២០២៨ ទន្ទឹមនឹងនោះ បង្កើតលក្ខខណ្ឌផ្លូវច្បាប់អំណោយផលសម្រាប់សហគមន៍អាណិកជនវៀតណាម ឲ្យមានជីវភាពរស់នៅប្រកបដោយស្ថិរភាព និងសមាហរណកម្មក្នុងសង្គម។

ក្នុងកម្មវិធីការងារ គណៈប្រតិភូក៏បានទៅសួរសុខទុក្ខតំណាងអាណិកជនវៀតណាមនៅក្នុងតំបន់ ទស្សនាក្រុមហ៊ុនអភិវឌ្ឍន៍កៅស៊ូ Dak Lak-មណ្ឌលគិរី ក្រុមហ៊ុនក្រុងប៊ុករតនគិរី និងតំបន់ពហុកសិកម្មកូនមុំ របស់សម្ព័ន្ធក្រុមហ៊ុន THACO។ លោកឯកអគ្គរដ្ឋទូតបានលើកសរសើរចំពោះស្មារតីជំនះពុះពារការលំបាករបស់អាណិកជនវៀតណាម ក៏ដូចជាកម្មាភិបាល និងកម្មករនៃសហគ្រាសវៀតណាម។ ទន្ទឹមនឹងនោះ លោក Nguyen Minh Vu ឯកអគ្គរដ្ឋទូត ក៏បានវាយតំលៃខ្ពស់ចំពោះការរួមចំណែកជាក់ស្តែងរបស់សហគ្រាសវៀតណាមក្នុងការបង្កើតការងារ ជួយសហគមន៍ និងរួមចំណែកជំរុញទំនាក់ទំនងវៀតណាម-កម្ពុជាផងដែរ៕

កម្ពុជាប្រារព្ធពិធីទទួលស្គាល់តំបន់ប្រវត្តិសាស្ត្រទាក់ទងនឹងរបបប្រល័យពូជសាសន៍ប៉ុលពតជាបេតិកភណ្ឌពិភពលោក យុគសម័យ - នៅព្រឹកថ្ងៃទី១៣ ខែកក្កដា សំឡេងគង និងស្គរបានបន្លឺឡើងពេញប្រទេសកម្ពុជា ដើម្បីប្រារព្ធពិធីដែលអង្គការយូណេស្កូបានទទួលស្គាល់ជាផ្លូវការនូវតំបន់ប្រវត្តិសាស្ត្រចំនួនបីនៅកម្ពុជា រួមមាន សារមន្ទីរប្រល័យពូជសាសន៍ទួលស្លែង (S21) វាលពិឃាតជើងឯក និងអតីតពន្ធនាគារ M13 ជាសម្បត្តិបេតិកភណ្ឌពិភពលោក។

លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសវៀតណាម បានជួបពិភាក្សាការងារជាមួយឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រ យុគសម័យ - ក្នុងឱកាសអញ្ជើញចូលរួមកិច្ចប្រជុំរដ្ឋមន្ត្រីការបរទេសអាស៊ាន លើកទី៥៨ នៅទីក្រុងគូឡាឡាំពួ ប្រទេសម៉ាឡេស៊ី នាថ្ងៃទី៨ ខែកក្កដា លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសវៀតណាម បានជួបពិភាក្សាការងារជាមួយ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា។

ហេង វុធ្ធី