យុគសម័យ -
ក្រុមសិស្សជម្រើសជាតិវៀតណាម បានចូលរួមក្នុងព្រឹត្តិការណ៍ Olympic ជីវវិទ្យាអន្តរជាតិ ឆ្នាំ ២០២០ (រូបថតៈ PV)
នាថ្ងៃទី ២៤ ខែសីហា នាយកដ្ឋានគ្រប់គ្រងគុណភាពនៃក្រសួងអប់រំនិងបណ្តុះបណ្តាលបានទទួលព័ត៌មានជាផ្លូវការពីប្រទេសជប៉ុនអំពីលទ្ធផលនៃការប្រឡង Olympic ជីវវិទ្យាអន្តរជាតិ ២០២០ របស់ក្រុមសិស្សជម្រើសជាតិវៀតណាម។ លទ្ធផលនៃបេក្ខជនទាំង ៤ នាក់ ក្នុងចំណោម ៤ នាក់សុទ្ធតែទទួលបានរង្វាន់ រួមមាន មេដាយមាសមេដាយប្រាក់ មេដាយសំរឹទ្ធ និងរង្វាន់លើកទឹកចិត្ត។
ជាក់ស្តែង ប្អូនប្រុស Ho Viet Duc (សិស្សថ្នាក់ទី ១២ វិទ្យាល័យឯកទេស ខេត្ត Thua Thien Hue - Hue) បានឈ្នះមេដាយមាស។ ប្អូនស្រី Dong Ngoc Ha (សិស្សថ្នាក់ទី ១២ វិទ្យាល័យឯកទេសនៃមហាវិទ្យាល័យវិទ្យាសាស្ត្រធម្មជាតិ ចំណុះសាកលវិទ្យាល័យជាតិ Ha Noi) បានឈ្នះមេដាយប្រាក់។ ប្អូនស្រី Ha Vu Huyen Linh (សិស្សថ្នាក់ទី ១២ វិទ្យាល័យឯកទេសនៃមហាវិទ្យាល័យ វិទ្យាសាស្ត្រធម្មជាតិ ចំណុះសាកលវិទ្យាល័យជាតិ Ha Noi) បានឈ្នះមេដាយសំរឹទ្ធ ។ បង្អូនស្រី Nguyen Thi Thu Nga (សិស្សថ្នាក់ទី ១១ វិទ្យាល័យឯកទេស Hung Vuong ខេត្ត Phu Tho) បានឈ្នះរង្វាន់លើកទឹកចិត្ត។
តាមការគ្រោងទុកការប្រឡង “Olympic ជីវវិទ្យាអន្តរជាតិ ២០២០” ឆ្នាំនេះត្រូវបានគេរំពឹងថានឹងធ្វើឡើងនៅទីក្រុង Nagasaki នៃប្រទេសជប៉ុននៅពាក់កណ្តាលខែកក្កដា។ ទោះយ៉ាងណាក៏ដោយដោយសារតែការរីករាលដាលដ៏ស្មុគស្មាញនៃ COVID-19 ការប្រឡងនេះបានផ្លាស់ប្តូរទៅជាទម្រង់បណ្តាញអ៊ីនធើណិត ដែលមានឈ្មោះថា“ ការប្រកួតប្រជែងជីវសាស្ត្រអន្តរជាតិ Olympic ២០២០” ។ ក្រុមសិស្សវៀតណាមធ្វើប្រឡងនៅមហាវិទ្យាល័យវិទ្យាសាស្ត្រធម្មជាតិចំណុះសាកលវិទ្យាល័យជាតិ Ha Noi)។
ដើម្បីធានាថាលទ្ធផលនៃការប្រឡងប្រកបដោយស្មោះត្រង់និងសត្យនុម័ត គណៈកម្មការរៀបចំការប្រឡងនេះបានណែនាំប្រទេសជាសមាជិកអនុវត្តតាមបទបញ្ញត្តិជាជំហាន ៗ ក្នុងលក្ខណៈលម្អិតនិងតឹងរឹង។ មហាវិទ្យាល័យវិទ្យាសាស្ត្រធម្មជាតិចំណុះសាកលវិទ្យាល័យជាតិហាណូយបានអនុវត្តយ៉ាងតឹងរឹងនូវតម្រូវការរបស់ Olympic ជីវវិទ្យាអន្តរជាតិ./.（បកប្រែដោយឌីណា）
មតិពីមិត្តអ្នកអាន