យុគសម័យ- មន្ទីរវប្បធម៌ កីឡា និងទេសចរណ៌ខេត្ត Soc Trang បានសហការជាមួយគណៈកម្មាធិការប្រជាជនស្រុក Tran De រៀបចំពិធីទទួលប័ណ្ណកេរ្តិ៍ដំណែលវប្បធម៌អរូបីថ្នាក់ជាតិ ស្តីអំពីការសម្តែងសិល្បៈរបាំរបស់ជនរួមជាតិខ្មែរណាមបូរនៅស្រុក Tran De ខេត្ត Soc Trang។
នាថ្ងៃទី២០ ខែឧសភា ឆ្នាំ២០១៩ នៅឃុំ Tai Van ស្រុក Tran De ខេត្ត Soc Trang ប្រទេសវៀតណាម មន្ទីរវប្បធម៌ កីឡា និងទេសចរណ៌ខេត្ត Soc Trang បានសហការជាមួយគណៈកម្មាធិការប្រជាជនស្រុក Tran De រៀបចំពិធីទទួលប័ណ្ណកេរ្តិ៍ដំណែលវប្បធម៌អរូបីថ្នាក់ជាតិស្តីអំពីការសម្តែងសិល្បៈរបាំរបស់ជនរួមជាតិខ្មែរណាមបូរនៅស្រុក Tran De ខេត្ត Soc Trang។
ការសម្តែងសិល្បៈរបាំនៅពីធីទទួលប័ណ្ណកេរ្តិ៍ឌំណែលវប្បៈអរូបី ថ្នាក់ជាតិ
សិល្បៈរបាំរបស់ជនរួមជាតិខ្មែរណាមបូរ ជាប្រភេទរបាំប្រពៃណីប្រជាប្រិយរបស់ជនរួមជាតិខ្មែរ។ មកដល់បច្ចុប្បន្ននេះនៅខេត្ត Soc Trang ប្រភេទរបាំនេះនៅតែមាននៅក្នុងគ្រួសារសិល្បៈការនី Lam Thi Huong នៅឃុំ Tai Van ស្រុក Tran De បានសម្តែងតែប៉ុណ្ណោះ។ ឆ្នាំ២០១៩ ជាឆ្នាំដំបូងដែលខេត្ត Soc Trang បានក្រសួងវប្បធម៌ កីឡា និងទេសចរណ៌ទទួលស្គាល់ជាកេរ្តិ៍ដំណែលវប្បធម៌អរូបីថ្នាក់ជាតិគឺសិល្បៈរបាំ របស់ជនរួមជាតិខ្មែរ និងពិធី “Nghinh Ong” នៅស្រុក Tran De។
នៅក្នុងពិធី ថ្នាក់ដឹកនាំមន្ទីរវប្បធម៌ កីឡា និងទេសចរណ៌ខេត្ត Soc Trang បានឲ្យដឹងថា ក្នុងរយៈពេលខាងមុខនេះ សហគមន៍ និងអាជ្ញាធរស្រុក Tran De បន្តថែរក្សា និងអភិវឌ្ឍន៍ប្រភេទរបាំ កសាងគម្រោង ផែនការអភិរក្សនិងពង្រីកតំលៃវប្បធម៌អរូបីរបាំរបស់ជនរួមជាតិខ្មែរ អនុវត្តបានល្អប្រសើរការឃោសនា ផ្សព្វផ្សាយឲ្យបានទូលំទូលាយនូវសិល្បៈរបាំលើបណ្តាញសារព័ត៌មាន។ គណៈកម្មាធិការប្រជាជនឃុំ Tai Van ផ្តល់យោបល់សំរាប់គណៈកម្មាធិការប្រជាជនស្រុក Tran De អំពីរបបក្នុងការជួយឧបត្ថម្ភសំរាប់សិល្បៈករ។ មន្ទីរវប្បធម៌ កីឡា និងទេសចរណ៌ខេត្ត នឹងចង្អុលបង្ហាញបណ្តាអង្គភាពពាក់ព័ន្ធជួយណែនាំ និងជួយគាំទ្រថ្នាក់មូលដ្ឋានរៀបចំការបង្ហាត់បង្រៀន ពង្រីកតំលៃនៃប្រភេទរបាំនេះ ក៏ដូចជាផ្សព្វផ្សាយប្រភេទរបាំនេះដល់ភ្ញៀវទេសចរណ៌ ជាពិសេសក្នុងតំបន់ដីសណ្ដទន្លេមេគង្គ៕
（យោងតាម dangcongsan.vn បកប្រែដោយសំណាង）
មតិពីមិត្តអ្នកអាន