យុគសម័យ - លោករដ្ឋមន្រ្តីក្រសួងការបរទេសសហរដ្ឋអាមេរិក Mike Pompeo គាំទ្រការដោះស្រាយជម្លោះនៅសមុទ្រខាងកើតដោយវិធានការស្របតាមច្បាប់អន្តរជាតិ។
លោករដ្ឋមន្រ្តីក្រសួងការបរទេសសហរដ្ឋអាមេរិក Mike Pompeo។ (រូបថត៖ Teller Report)
“សហរដ្ឋអាមេរិកស្វាគមន៍ជំហររបស់ថ្នាក់ដឹកនាំអាស៊ានដែលថា ជម្លោះនៅសមុទ្រខាងកើតគួរតែដោះស្រាយនៅក្នុងក្របខ័ណ្ឌនៃច្បាប់អន្តរជាតិរួមទាំងអនុសញ្ញារបស់អង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ។ ចិនមិនអាចចាត់ទុកថា សមុទ្រខាងកើតគឺជាកម្មសិទ្ធិរបស់ខ្លួន។ យើងនឹងលើកឡើងឱ្យកាន់តែច្បាស់អំពីរឿងនេះនាពេលឆាប់ៗនេះ” លោករដ្ឋមន្រ្តីក្រសួងការបរទេសសហរដ្ឋអាមេរិក Mike Pompeo បានសរសេរលើគេហទំព័រ Twitter នាថ្ងៃទី ២៧ ខែមិថុនា ។
ក្រោមការអត្ថាធិប្បាយនោះលោក Pompeo ក៏បានដកស្រង់ សេចក្តី ថ្លែងការណ៍“ ចក្ខុវិស័យស្តីពី ASEAN ភាពស្អិតរមួត និងការឆ្លើយតប ដោយ សកម្ម ៖ការជំនះការលំបាកនិងឧបសគ្គជាច្រើននិង រក្សាកំណើន ប្រកបដោយចីរភាព” ដែលថ្នាក់ដឹកនាំអាស៊ានទើបបានអនុម័តក្នុងកិច្ចប្រជុំកំពូលអាស៊ានលើកទី ៣៦ នាថ្ងៃទី ៣៦ ខែមិថុនា។
នៅក្នុងសេចក្តីថ្លែងការណ៍រួមមួយដែលត្រូវបានប្រកាស បន្ទាប់ពីកិច្ចប្រជុំបញ្ចប់ ថ្នាក់ដឹកនាំអាស៊ានបានសម្តែងការព្រួយបារម្ភអំពីស្ថានភាពស្មុគស្មាញនៅសមុទ្រខាងកើត។
ថ្នាក់ដឹកនាំអាស៊ានបានសង្កត់ធ្ងន់លើសារសំខាន់នៃការថែរក្សានិងលើកកម្ពស់សន្តិភាពសន្តិសុខស្ថិរភាពសុវត្ថិភាពនិងសេរីភាពក្នុងការធ្វើដំណើរលើផ្លូវសមុទ្រ អាកាសចរណ៍ក្នុងដែនសមុទ្រខាងកើត ក៏ដូចជាការលើកកម្ពស់ច្បាប់អន្តរជាតិនៅសមុទ្រខាងកើតរួមមាន UNCLOS ស្តីពីច្បាប់សមុទ្រឆ្នាំ១៩៨២។
មុននេះនៅឯកិច្ចប្រជុំថ្នាក់រដ្ឋមន្រ្តីការបរទេសអាស៊ាន - សហរដ្ឋអាមេរិកនៅខែសីហាឆ្នាំ ២០១៩ នៅប្រទេសថៃនៅពេលដែលពិភាក្សាជាមួយសមភាគីអាស៊ានអំពីភាពតាននៅសមុទ្រខាងកើត លោករដ្ឋមន្រ្តី Pompeo បានសង្កត់ធ្ងន់ថា បណ្តាប្រទេសក្នុងតំបន់ចាំបាច់លើកឡើងនិងពិភាក្សាអំពីបញ្ហានេះ ដើម្បីជៀសវាងភាពស្មុគស្មាញកាន់តែកើនឡើង នៅសមុទ្រខាងកើត។
លោក Pompeo ក៏បានបញ្ជាក់ផងដែរថាសហរដ្ឋអាមេរិកតែងតែជាមិត្តនិងជាដៃគូដែលអាចទុកចិត្តបានរបស់អាស៊ានដោយគាំទ្រដល់កិច្ចខិតខំប្រឹងប្រែងរបស់អាស៊ានក្នុងការចូលរួមចំណែកក្នុងការថែរក្សាសន្តិភាពសន្តិសុខនិងស្ថេរភាពនៅក្នុងតំបន់។
រដ្ឋមន្រ្តីក្រសួងការបរទេស Pompeo នៅថ្ងៃទី ២ ខែមិថុនា បានប្រកាសថាសហរដ្ឋអាមេរិកបានផ្ញើលិខិតជូនដល់អគ្គលេខាធិការអង្គការសហប្រជាជាតិដើម្បី“ ប្រឆាំងនឹងការទាមទារដែនសមុទ្រខុសច្បាប់របស់ចិននៅសមុទ្រខាងកើត”។ សហរដ្ឋអាមេរិកក៏បានស្នើឱ្យអង្គការសហប្រជាជាតិបញ្ជូនលិខិតនេះទៅដល់រដ្ឋជាសមាជិកទាំងអស់។
“យើងច្រានចោលការអះអាងខុសច្បាប់និងគ្រោះថ្នាក់ទាំងនេះ។ ប្រទេសជាសមាជិក (អង្គការសហប្រជាជាតិ) ត្រូវតែរួបរួមគោរពតាមច្បាប់អន្តរជាតិនិងសេរីភាពសម្រាប់ការធ្វើដំណើរលើសមុទ្រ” ./.
（បកប្រែដោយឌីណា）
មតិពីមិត្តអ្នកអាន