យុគសម័យ៖ ការងារបោះបង្គោលនិងខណ្ឌសីមា បានរួមចំណែកដោយផ្ទាល់ក្នុងការអនុវត្តគោលនយោបាយនូវកិច្ចការបរទេសរបស់បក្សនិងរដ្ឋការពារសន្តិភាព ស្ថិរភាពរបស់ប្រទេសយើងស្របតាមពាក្យស្លោក“ ការពារប្រទេសឱ្យបានឆាប់ៗ និងពីចម្ងាយការពារប្រទេស តាំងពីពេលដែលប្រទេសមិនទាន់មានគ្រោះថ្នាក់"។
ដំណើរការបោះបង្គោលនិងខណ្ឌសីមារវាងវៀតណាម - កម្ពុជា បន្ទាប់ពីការចរចា ក្នុងរយៈពេល ៣៦ ឆ្នាំ (១៩៨៣ - ២០១៩) ប្រទេស ទាំងពីរជាស្រេចបាន ៨៤% នៃការងារបោះបង្គោលនិងខណ្ឌសីមា ដែលបានកត់ត្រាយ៉ាងច្បាស់ក្នុងឯកសារច្បាប់ ក៏ដូចជាអនុវត្តន៍លើស្ថានភាពភូមិសាស្ត្រជាក់ស្តែង។ ប្រព័ន្ធព្រំដែនបានកសាងយ៉ាងស្អាត សមច្បាប់ ទំនើប និងចីរភាព។ សមិទ្ធិផលខាងលើនេះនឹងបង្កើតការលើកទឹកចិត្តដ៏សំខាន់សម្រាប់ភាគីទាំងពីរ ដើម្បីបន្តការចរចានិងដោះស្រាយការងារដែលនៅសល់ចំ នួន ១៦% នៃការងារបោះបង្គោលនិងខណ្ឌសីមា ឆ្ពោះទៅកសាងព្រំដែនគោករវាងវៀតណាម - កម្ពុជា ប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍ ដែលស្របនឹងពាក្យស្លោក៖ "ទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និរន្តរភាពយូរអង្វែង" រវាងប្រទេសទាំងពីរ។
ពិធីចុះហត្ថលេខាលើឯកសារច្បាប់ទទួលស្គាល់លទ្ធផលការងារខណ្ឌសីមានិងបោះបង្គោលព្រំដែនគោកកម្ពុជា - វៀតណាម។ រូបថត៖ កាសែត Baoquocte
ឆ្នាំ ២០១៩ គឺពេលវេលាដែលគូសចំណាំរយៈពេល ១០ ឆ្នាំនៃការងារបោះបង្គោលនិងខណ្ឌសីមា ទន្ទឹមនឹងការអនុវត្តឯកសារច្បាប់ស្តីពីព្រំដែនដីគោកវៀតណាម - ចិនចំនួន ៣ គឺជាព្រឹត្តិការណ៍ដែលមានអត្ថន័យជាប្រវត្តិសាស្ត្រដ៏អស្ចារ្យ។ ដូច្នេះបណ្តាញព្រំដែនបានបែងចែកយ៉ាងច្បាស់លាស់ រួមមាន៖ បណ្តាបង្គោលព្រំដែនជាតិនឹងសមច្បាប់ និងទំនើប។ ហេតុដូច្នេះការគ្រប់គ្រងនិងការការពារព្រំដែនត្រូវបានអនុវត្តកាន់តែមានប្រសិទ្ធភាព។ ជាទូទៅ ស្ថានភាពព្រំដែនគោកវៀតណាម - ចិនមានស្ថេរភាពជាមូលដ្ឋាន ខ្សែព្រំដែននិងប្រព័ន្ធបង្គោលព្រំដែនជាតិបានថែរក្សាប្រកបដោយសន្តិសុខ សណ្តាប់ធ្នាប់និងសុវត្ថិភាពក្នុងតំបន់ជាប់ព្រំដែនត្រូវបានធានា។ ខ្សែបន្ទាត់ព្រំដែនប្រកបដោយសន្តិភាពនិងស្ថិរភាពបង្កលក្ខណៈងាយស្រួល ក្នុងការជំរុញកិច្ចសហប្រតិបត្តិការសេដ្ឋកិច្ច ការផ្លាស់ប្តូរពាណិជ្ជកម្មនិងការផ្លាស់ប្តូរមិត្តភាពនៅក្នុងតំបន់ព្រំដែន ហើយអនុវត្តន៍យ៉ាងប្រសិទ្ធភាពក្នុងការប្រឆាំងនឹងឧក្រិដ្ឋកម្មឆ្លងដែន។
ការបោះបង្គោលនិងខណ្ឌសីមាវៀតណាម - ឡាវបន្តរក្សានិងពង្រឹងដោយឥតឈប់ឈរ ដែលរួមចំណែកក្នុងការរក្សាសន្តិសុខ - នយោបាយសណ្តាប់ធ្នាប់និងសុវត្ថិភាពសង្គម បង្កលក្ខណៈងាយស្រួលសម្រាប់ការអភិវឌ្ឍន៍សេដ្ឋកិច្ច - សង្គម ធានាការពារជាតិ - សន្តិសុខនៅតាមតំបន់ព្រំដែន ហើយរួមចំណែកក្នុងការពង្រឹងនិងរឹតបណ្តឹងចំណងមិត្តភាព សាមគ្គីភាពពិសេសនិងកិច្ចសហប្រតិបត្តិការគ្រប់ជ្រុងជ្រោយរវាងបក្ស រដ្ឋ និងប្រជាជនវៀតណាម - ឡាវ។
ការគ្រប់គ្រងនិងការអភិវឌ្ឍព្រំដែនគឺជាការងាររបស់ប្រទេសនីមួយៗ ព្រមទាំងទាមទារឱ្យមានការសហការរវាងបណ្តាប្រជាជាតិ។ នាពេលខាងមុខឆាប់ៗនេះយើងត្រូវបន្តជំរុញកិច្ចសហប្រតិបត្តិការជាមួយប្រទេសជិតខាងលើគ្រប់វិស័យ ដើម្បីកសាងនិងថែរក្សាព្រំដែនសន្តិភាព មិត្តភាព សហប្រតិបត្តិការ និងការចូលរួមចំណែកក្នុងការអភិវឌ្ឍប្រទេសនីមួយៗ៕
（ប្រែសម្រួលដោយឌីណា）
មតិពីមិត្តអ្នកអាន