យុគសម័យ - នាព្រឹកថ្ងៃទី២៩ខែកក្កដា នៅទីក្រុងតាខ្មៅ ខេត្តកណ្តាល នាយករដ្ឋមន្ត្រី សម្តេច តេជោ ហ៊ុនសែន អញ្ជើញទៅបោះឆ្នោត ជ្រើសរើសតំណាងរាស្ត្រនីតិកាលទី៦ ឆ្នាំ២០១៨-២០២៣។
នាយករដ្ឋមន្ត្រី សម្តេច ហ៊ុនសែន អញ្ជើញទៅបោះឆ្នោតនាថ្ងៃទី២៩ខែកក្កដា (រូបថតៈ vov.vn)
សម្តេចតេជោ ហ៊ុន សែន ប្រធានគណបក្សប្រជាជនកម្ពុជា នៅព្រឹកថ្ងៃអាទិត្យ ទី២៩ ខែកក្កដា ឆ្នាំ២០១៨នេះ អញ្ជើញទៅបោះឆ្នោតជ្រើសតាំងតំណាងរាស្ត្រនីតិកាលទី៦ នៅការិយាល័យបោះឆ្នោត ក្នុងសាលាគរុកោសល្យវិក្រិត្យការក្រុងតាខ្មៅ ខេត្តកណ្តាល។
គណបក្សប្រជាជនកម្ពុជា (CPP) ដឹកនាំដោយសម្តេច ហ៊ុនសែនជាគណបក្សនយោបាយមួយក្នុងចំណោមគណបក្សនយោបាយទាំង២០ដែលចូលរួមការបោះឆ្នោតជ្រើសរើសតំណាងរាស្ត្រនីតិកាលទី៦លើកនេះ។
អ្នកបោះឆ្នោតលើទូទាំងប្រទេសកម្ពុជា បានទៅបោះឆ្នោតនាថ្ងៃទី២៩ខែកក្កដានេះដើម្បីជ្រើសរើសតំណាងរាស្ត្រចំនួន១២៥នាក់សម្រាប់អាណត្តិថ្មី៕
（សរុបព័ត៌មានដោយ ស្រីព្រេជ）
