យុគសម័យ - រដ្ឋមន្រ្តីក្រសួងពាណិជ្ជកម្មកូរ៉េខាងត្បូងលោកស្រី Yoo Myung-hee បានមានប្រសាសន៍ថាកិច្ចព្រមព្រៀងពាណិជ្ជកម្មសេរីជាមួយប្រទេសកម្ពុជានឹងក្លាយជាកិច្ចព្រមព្រៀងដ៏សំខាន់មួយដើម្បីជួយដល់អង្គភាពអាជីវកម្មកូរ៉េខាងត្បូងអាចឈានចូលក្នុងប្រទេសអាស៊ីអាគ្នេយ៍មួយនេះថែមទៀតជាមួយនឹងសក្តានុពលកំណើនសេដ្ឋកិច្ចដ៏លេចធ្លោផងដែរ។
រដ្ឋមន្រ្តីក្រសួងពាណិជ្ជកម្មកូរ៉េខាងត្បូងលោកស្រី Yoo Myung-hee (រូបថត៖ Vietnamplus.vn)
ក្រសួងពាណិជ្ជកម្មកូរ៉េខាងត្បូងកាលពីថ្ងៃទី ២៥ ខែវិច្ឆិកាបានឲ្យដឹងថាប្រទេសនេះនិងកម្ពុជាបានព្រមព្រៀងគ្នាក្នុងការសិក្សាស្រាវជ្រាវអំពីលទ្ធភាពនៃកិច្ចព្រមព្រៀងពាណិជ្ជកម្មសេរី (FTA) ដើម្បីជំរុញទំនាក់ទំនងសេដ្ឋកិច្ចនិងពង្រីកការផ្លាស់ប្តូរទ្វេភាគីផងដែរ។
រដ្ឋមន្រ្តីក្រសួងពាណិជ្ជកម្មកូរ៉េខាងត្បូងលោកស្រី Yoo Myung-hee បានមានប្រសាសន៍ថា“កិច្ចព្រមព្រៀងពាណិជ្ជកម្មសេរីជាមួយប្រទេសកម្ពុជានឹងក្លាយជាកិច្ចព្រមព្រៀងដ៏សំខាន់មួយដើម្បីជួយដល់អង្គភាពអាជីវកម្មកូរ៉េខាងត្បូងអាចឈានចូលក្នុងប្រទេសអាស៊ីអាគ្នេយ៍មួយនេះថែមទៀតជាមួយនឹងសក្តានុពលកំណើនសេដ្ឋកិច្ចដ៏លេចធ្លោផងដែរ។
គួរឲ្យបញ្ជាក់ថាក្នុងដំណើរទស្សនកិច្ចផ្លូវការនៅកម្ពុជាកាលពីខែមីនា ប្រធានាធិបតីកូរ៉េខាងត្បូងលោក មូនជេអ៊ីន បានជួបពិភាក្សាការងារជាន់ខ្ពស់ជាមួយសម្តេចតេជោហ៊ុនសែន នាយករដ្ឋមន្រ្តីនៃកម្ពុជាដោយអះអាងថាភាគីទាំងពីរសន្យានឹងខិតខំប្រឹងប្រែងដើម្បីលុបបំបាត់ចោលឧបសគ្គនានាពាក់ព័ន្ធនឹងវិស័យពាណិជ្ជកម្ម។ ជាពិតណាស់ថាពាណិជ្ជកម្មរវាងកូរ៉េខាងត្បូងនិងកម្ពុជាបានកើនឡើងពី ៥៤ លានដុល្លារអាមេរិកនៅពេលដែលប្រទេសទាំងពីរបានបង្កើតទំនាក់ទំនងការទូតឡើងវិញនាឆ្នាំ ១៩៩៧ ហើយរហូតឡើងដល់ទឹកប្រាក់ ៩៧០ លានដុល្លារនាឆ្នាំ ២០១៨ ផងដែរ ៕
（បកប្រែ ដោយ ហេង វុធ្ធី）
មតិពីមិត្តអ្នកអាន