បណ្ឌិត ម៉ៅ ហាវណ្ណាល់ ចូលរួមវេទិកាលើកទី២ ស្តីពីការគ្រប់គ្រងសុវត្ថិភាពអាកាសចរស៊ីវិល នៅក្នុងតំបន់អាស៊ីអាគ្នេយ៍ នៅប្រទេសវៀតណាម

បណ្ឌិត ម៉ៅ ហាវណ្ណាល់ ចូលរួមវេទិកាលើកទី២ ស្តីពីការគ្រប់គ្រងសុវត្ថិភាពអាកាសចរស៊ីវិល នៅក្នុងតំបន់អាស៊ីអាគ្នេយ៍ នៅប្រទេសវៀតណាម (ឆ្វេង) (រូបថត៖​ FN)

រដ្ឋលេខាធិការដ្ឋានអាកាសចរស៊ីវិល បានអញ្ជើញចូលរួមវេទិកាលើកទី២ ស្តីពីការគ្រប់គ្រងសុវត្ថិភាពអាកាសចរស៊ីវិល នៅក្នុងតំបន់អាស៊ីអាគ្នេយ៍ ដែលបានប្រព្រឹត្តទៅនៅថ្ងៃទី១៩ ខែវិច្ឆិកា ឆ្នាំ២០១៩ នៅទីក្រុងហាឡុង ប្រទេសវៀតណាម។

គោលបំណងនៃកិច្ចពិភាក្សា គឺផ្តោតសំខាន់ទៅលើ៖

* ការរៀបចំផែនការពង្រឹងសុវត្ថិភាពដែលរួមមាន ការលើកយកលទ្ធផលនៃអង្គមហាសន្និបាត ICAO លើកទី៤០ ក្នុងការកែសម្រួលប្រព័ន្ធគ្រប់គ្រងសុវត្ថិភាពសកល (GASP) ប្រព័ន្ធគ្រប់គ្រងសុវត្ថិភាព របស់សហគមន៍អឺរ៉ុប ប្រព័ន្ធគ្រប់គ្រងសុវត្ថិភាពប្រចាំតំបន់អាស៊ីប៉ាស៊ីហ្វិក និងការរៀបចំផែនការសុវត្ថិភាពថ្នាក់ជាតិ នៅតាមបណ្តារដ្ឋជាសមាជិក។

* ការរៀបចំប្រព័ន្ធត្រួតពិនិត្យសុវត្ថិភាព និងបង្កើនការអនុវត្តឱ្យមានប្រសិទ្ធភាព រួមមានការរៀបចំផែនការត្រួតពិនិត្យសវនកម្មសុវត្ថិភាពសកល ការចូលរួមកិច្ចប្រតិបត្តិការពង្រឹងសុវត្ថិភាពថ្នាក់តំបន់ ការត្រួតពិនិត្យ និងការកំណត់បញ្ហាប្រឈម ដើម្បីដោះស្រាយ និងការជំរុញដល់បណ្តារដ្ឋជាសមាជិកទាំងអស់ ពិនិត្យផ្តល់វិញ្ញាបនបត្រអាកាសយានដ្ឋាន។

ទិដ្ឋភាពនៃវេទិកា (រូបថត៖ FN)

* ការរៀបចំប្រព័ន្ធគ្រប់គ្រងបញ្ហាសុវត្ថិភាព និងការកាត់បន្ថយបញ្ហាប្រឈម រួមមាន ការរៀបចំ SSP និងការវិភាគទិន្ន័យ ការរៀបចំអង្គភាព AIG និងការទទួលខុសត្រូវ ដោយមានការចែករំលែកព័ត៌មាន ស្តីពីគ្រោះថ្នាក់អាកាសចរណ៍ និងការវិភាគកែតម្រូវ។

នៅព្រឹកថ្ងៃទី២០ ខែវិច្ឆិកាស្អែកនេះ បណ្ឌិតរដ្ឋមន្រ្តី ម៉ៅ ហាវណ្ណាល់ នឹងជួបប្រជុំទ្វេភាគីជាមួយតំណាងសហគមន៍អឺរ៉ុប និងប្រទេសបារាំង ស្តីពីជំនួយសហប្រតិបត្តិការ និងបច្ចេកទេសលើប្រព័ន្ធត្រួតពិនិត្យ សុវត្ថិភាពអាកាសចរណ៍ និងធនធានមនុស្ស ហើយលោកក៏នឹងចូលរួមកិច្ចប្រជុំគណៈកម្មាការ ICAO/COSCAP-SEA លើកទី១៩ ពីថ្ងៃទី២០-២១ ខែវិច្ឆិកា ឆ្នាំ២០១៩៕

តំណាងទាំងឡាយថតរូបទុកអានុស្សាវរីយ៍ (FN)

(ប្រភព៖ FreshNews)

（ហេង វុធ្ធី）

（ប្រភពព័ត៌មាន: FreshNews）

（ហេង វុធ្ធី）