ក្រុមទីប្រឹក្សាធុរកិច្ចអាស៊ានអំពាវនាវឱ្យមានសង្វាក់ផ្គត់ផ្គង់ស្បៀងអាហារដែលមិនមានការរំខានឡើយ

18:37 | 20/04/2020 （បកប្រែដោយ ហេងវុធ្ធី）

យុគសម័យ - នាថ្ងៃទី ១៩ ខែមេសា ក្រុមទីប្រឹក្សាធុរកិច្ចអាស៊ាន (ASEAN -BAC) បានអំពាវនាវដល់មេដឹកនាំអាស៊ានចាត់វិធានការជាបន្ទាន់ដើម្បីធានាដល់ខ្សែសង្វាក់ផលិតកម្មនិងការផ្គត់ផ្គង់ចំណីអាហារនិងភេសជ្ជៈចាំបាច់ដោយមិនឲ្យរំខានដល់ប្រព័ន្ធទាំងនេះ។

ទិដ្ឋភាពនៃកិច្ចប្រជុំអាស៊ាន+៣ កាលពីថ្ងៃទី១៤ខែមេសា

ចំណុចនេះរួមបញ្ចូលទាំងការរក្សាព្រំដែនបើកចំហសម្រាប់ទំនិញនៅគ្រប់កម្រិតផងដែរ។ក្រុមប្រឹក្សាបានអំពាវនាវដល់មេដឹកនាំអាស៊ានអនុញ្ញាតឱ្យកម្លាំងពលករផ្នែកដឹកជញ្ចូននិងភស្ដុភារដែលពាក់ព័ន្ធនឹងវិស័យម្ហូបអាហារនិងភេសជ្ជៈបន្តធ្វើការដោយមានចាត់វិធានការការពារសមស្រប ដើម្បីធានាសុខភាពនិងសុវត្ថិភាពសម្រាប់កម្មករផងដែរ។ ទន្ទឹមនឹងនេះ ASEAN – BAC ក៏បានអំពាវនាវផងដែរដល់បណ្តាប្រទេសសមាជិកអាស៊ានធានាឱ្យមានការពិគ្រោះយោបល់ជាទៀងទាត់ជាមួយវិស័យធុរកិច្ចលើការសម្រេចចិត្តគោលនយោបាយណាមួយជុំវិញការផ្គត់ផ្គង់ស្បៀងអាហារដើម្បីកាត់បន្ថយផលប៉ះពាល់នៃវិបត្តិជំងឺឆ្លងកូវីដ១៩ (Covid-19)។

ហេតុដូច្នេះ ASEAN – BAC ក៏បានបញ្ជាក់ជាថ្មីពីការប្តេជ្ញាចិត្តរបស់ខ្លួនក្នុងការចាត់វិធានការនិងសម្របសម្រួលគោលនយោបាយដើម្បីកាត់បន្ថយផលប៉ះពាល់សេដ្ឋកិច្ចនិងសង្គមនៃជំងឺរាតត្បាតដូចមានចែងក្នុងសេចក្តីថ្លែងការណ៍រួមនៃកិច្ចប្រជុំកំពូលពិសេសនេះកាលពីថ្ងៃទី ១៤ ខែមេសាកន្លងមកផងដែរ៕

（បកប្រែដោយ ហេងវុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេងវុធ្ធី）

Tags: ក្រុមប្រឹក្សា ធុរកិច្ច អាស៊ាន សង្វាក់ផ្គត់ផ្គង់ ស្បៀងអាហារ

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។