ទីភ្នាក់ងារព័ត៌មាន Tasnim របស់អ៊ីរ៉ង់បានរាយការណ៍ថា រដ្ឋមន្ត្រីក្រុមប្រឹក្សាសន្តិសុខជាតិកំពូលរបស់អ៊ីរ៉ង់កាលពីថ្ងៃសៅរ៍បានថ្លែងថា៖ «ការដាក់ទណ្ឌកម្មនានារបស់អាមេរិក គឺធ្វើឲ្យគ្រោះថ្នាក់ដល់សន្តិសុខអន្តរជាតិច្រើនជាង ឆ្លងវីរុសកូរ៉ូណាផ្លូវដង្ហើមប្រភេទថ្មីនោះទៅទៀត»។
លោក អាលី ស្សាមហ្គានី (ស្តាំ) កំពុងជួបជាមួយលោក អេម៉ានុយអែល ប៊ូននី នៅក្នុងរដ្ឋធានីតេអេរ៉ង់។ (ប្រភព៖ AFP)
លោក អាលី ស្សាមហ្គានី បានចោទសួរអាមេរិកដោយស្មោះត្រង់នៅក្នុងការស្នើសុំរបស់ខ្លួន ដើម្បីជួយសាធារណរដ្ឋអ៊ិស្លាមដែលប្រទេសមួយនេះបានឆ្លងមេរោគកូរ៉ូណាផ្លូវដង្ហើមដ៏ចម្លែក ដោយបានស្នើឲ្យអាមេរិកជាបឋមដកទណ្ឌកម្មរបស់ខ្លួនប្រឆាំងប្រទេសអ៊ីរ៉ង់វិញ។
កាលពីសប្តាហ៍មុន រដ្ឋមន្ត្រីការបរទេសរបស់អាមេរិកគឺលោក ម៉ៃក៍ ប៉ុមប៉េអូ បានថ្លែងថា ប្រទេសរបស់លោកបានផ្តល់ការស្នើសុំឲ្យជួយប្រទេសអ៊ីរ៉ង់នៅក្នុងការប្រយុទ្ធប្រឆាំងវីរុសកូរ៉ូណាផ្លូវដង្ហើមនៅក្នុងប្រទេសនេះ។
នៅក្នុងប្រតិកម្មមួយ ក្រសួងការបរទេសរបស់អ៊ីរ៉ង់បានទាត់ចោលសុន្ទរកថារបស់លោក ប៉ុមប៉េអូ ថា៖ «ជាការឃោសនាគ្មានភាពស្មោះត្រង់ និងពោរពេញទៅដោយការបោកប្រាស់»។
ក្រសួងសុខាភិបាលអ៊ីរ៉ង់បានប្រកាសកាលពីថ្ងៃសៅរ៍ថា ចំនួនមនុស្សដែលបានស្លាប់ ដោយសារវីរុសកូរ៉ូណានៅអ៊ីរ៉ង់បានកើនឡើងរហូតដល់ ១៤៥ នាក់ ខណៈចំនួនសរុបដែលបានអះអាងអំពីករណីឆ្លងវីរុសនេះបានកើនឡើងដល់ ៥៨២៣ នាក់៕
（ប្រភពព័ត៌មាន: postkhmer）
មតិពីមិត្តអ្នកអាន