ប្រធានាធិបតីអាមេរិកមានបំណងចង់ជួយដោះស្រាយភាពតានតឹងពាណិជ្ជកម្មរវាងជប៉ុន និង កូរ៉េខាងត្បូង

15:58 | 20/07/2019 （បកប្រែដោយ ហេង វុធ្ធី）

យុគសម័យ - នាថ្ងៃទី ១៩ ខែកក្កដា ប្រធានាធិបតីអាមេរិកលោក Donald Trump បានមានប្រសាសន៍ថា បើចាំបាច់លោកនឹងត្រៀមខ្លួនជួយដោះស្រាយភាពតានតឹងពាណិជ្ជកម្មរវាង ជប៉ុននិងកូរ៉េខាងត្បូង។ ថ្លែងទៅកាន់អ្នកសារព័ត៌មាននៅសេតវិមាន លោក Trump បានទទួលស្គាល់ថាសមភាគីកូរ៉េខាងត្បូង លោក Moon Jae-in បានលើកឡើងសំណើនេះផងដែរ។

ប្រធានាធិបតីអាមេរិកលោក Donald Trump (រូបថត៖baotintuc.vn)

លោក Trump បានអះអាងថា "លោក Moon Jae-in បានប្រាប់ខ្ញុំថាមានភាពតានតឹងជាច្រើនរវាងកូរ៉េខាងត្បូង និងជប៉ុនដែលទាក់ទងនឹងបញ្ហាពាណិជ្ជកម្ម។ ប្រទេសជប៉ុនមានផលិតផលដែលកូរ៉េខាងត្បូងចង់បាន ហើយលោក Moon Jae-in បានសុំឱ្យខ្ញុំចូលរួមដោះស្រាយបញ្ហាទាំងនេះ។ ខ្ញុំអាចជួយបាន ប្រសិនបើប្រទេសទាំងពីរលើកសំណើ"រ។ ទោះបីជាយ៉ាងណាក៏ដោយលោក Trump មិនបានបញ្ជាក់ច្បាស់លាស់ពីសំណើជាក់លាក់ណាមួយពីភាគីកូរ៉េខាងត្បូងនោះទេ ហើយក៏បាននិយាយអំពីពំណងរបស់ថ្នាក់ដឹកនាំនៃប្រទេសទាំងពីរនឹងដោះស្រាយភាពតានតឹងពាណិជ្ជកម្មដោយខ្លួនឯងនាពេលបច្ចុប្បន្ន។ មជ្ឈដ្ឋានអ្នកសង្កេតការណ៍បានវាយតម្លៃថាទីក្រុងវ៉ាស៊ីនតោនទំនងជាដើរតួជាអ្នកសម្រុះសម្រួលសម្រាប់ប្រទេសទាំងពីរ ក៏ដូចជាទប់ស្កាត់ភាពតានតឹងពាណិជ្ជកម្មនាពេលបច្ចុប្បន្នដោយជៀសវាងពីការរីករាលដាលទៅវិស័យផ្សេងៗទៀតផងដែរ៕

（បកប្រែដោយ ហេង វុធ្ធី）

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។