យុគសម័យ - ក្រោយការវាយប្រហារលើកប៉ាល់ដឹកប្រេង២គ្រឿង នៅឯឈូងសមុទ្រ Oman កាលពីថ្ងៃព្រហស្បតិ៍កន្លងទៅ ភាពតានតឹងកើនឡើងនៅមជ្ឈឹមបូព៌ា
ក្រោយការវាយប្រហារលើកប៉ាល់ដឹកប្រេង២គ្រឿង នៅឯឈូងសមុទ្រ Oman កាលពីថ្ងៃព្រហស្បតិ៍កន្លងទៅ ភាពតានតឹងកើនឡើងនៅមជ្ឈឹមបូព៌ា
នៅពេលរដ្ឋាភិបាលក្រុងតេអេរ៉ង់ បដិសេធដាច់ខាតថាខ្លួនមិនមានជាប់ពាក់ព័ន្ធ រដ្ឋាភិបាលជប៉ុនត្រូវបានគេរាយការណ៍ថា ការចោទប្រកាន់របស់អាម៉េរិកមិនគួរអោយជឿទុកចិត្តបាន។អ៊ីរ៉ង់ព្រលយថា «អាម៉េរិកអាចនៅពីក្រោយការវាយប្រហារនាវាដឹកប្រេង»
រដ្ឋមន្ត្រីការបរទេសអាម៉េរិក លោកម៉ៃ ផមផេវ បានព្រមានថា អាម៉េរិកនឹងបន្តដាក់សម្ពាធលើអ៊ីរ៉ង់ និងបានអះអាងជាថ្មីថាអ៊ីរ៉ង់បានវាយប្រហារលើនាវាដឹកប្រេង២នៅឈូងសមុទ្រ Oman ដែលជា«ចេតនាច្បាស់លាស់មួយដើម្បីរារាំងការដឹកជញ្ជូនឆ្លងកាត់ផ្លូវនេះ»។
រដ្ឋមន្ត្រីការបរទេសអាម៉េរិក លោកម៉ៃ ផមផេវ
ក្នុងកិច្ចសម្ភាសន៍មួយជាមួយសារព័ត៌មាន Fox News កាលពីថ្ងៃអាទិត្យ អ្នកការទូតកំពូលរបស់អាម៉េរិករូបនេះ នៅតែនិយាយថា«សហគមន៍ចារកម្មមានទិន្នន័យច្រើនណាស់មានភស្តុតាងច្រើន»និងបានសន្យាថា«ពិភពលោកនឹងបានឃើញវាច្រើនទៀត»។
ព្រះអង្គម្ចាស់រជ្ជទាយាទអារ៉ាប៊ីសាអូឌីត Mohammed bin Salman
យោងតាមបទសម្ភាសន៍មួយដែលត្រូវបានចុះផ្សាយនៅថ្ងៃអាទិត្យ ព្រះអង្គម្ចាស់រជ្ជទាយាទអារ៉ាប៊ីសាអូឌីត Mohammed bin Salman បានចោទប្រកាន់គូសត្រូវអ៊ីរ៉ង់ថាបានវាយប្រហារលើនាវាដឹកប្រេងនៅក្នុងផ្លូវដឹកជញ្ជូនក្នុងឈូងសមុទ្រ និងថាព្រះអង្គមិនស្ទាក់ស្ទើរក្នុងការប្រឈមដោះស្រាយការគំរាមណាមួយចំពោះព្រះរាជាណាចក្ររបស់ទ្រង់។
ការកើនឡើងភាពតានតឹងរវាងអាមេរិកនិងអ៊ីរ៉ង់ក៏បណ្តាលឱ្យបណ្តាប្រទេសផ្សេងទៀតជាច្រើនព្រួយបារម្ភអំពីស្ថានភាពប្រេងពិភពលោក។ យោងតាមភ្នាក់ងារសារពត៌មាន Bangkok Post ដែលបានចេញផ្សាយកាលពីថ្ងៃទី ១៥ ខែមិថុនាកន្លងមកបានឲ្យដឹងថា ក្រសួងថាមពលបានត្រៀមខ្លួនរួចជាស្រេចសម្រាប់ភាពតានតឹងក្នុងមជ្ឈឹមបូព៌ាបន្ទាប់ពីនាវាដឹកប្រេងចំនួនពីរទទួលរងការវាយប្រហារកាលពីថ្ងៃព្រហស្បត្តិ៍កន្លងមកនៅឈូងសមុទ្រ Oman និងមានការចោទប្រកាន់ថាអ៊ីរ៉ង់ជាអ្នកនៅពីក្រោយការវាយប្រហារនេះ៕
（សរុបព័ត៌មានដោយវិច្ឆិកា）
មតិពីមិត្តអ្នកអាន