យុគសម័យ - នាយកដ្ឋានព័ត៌មានជាតិរបស់ថៃ (NNT) បានឲ្យដឹងថា RTP បានអនុវត្តផែនមេអំពីការធានាសន្តិសុខនៃតំបន់ដែលប្រារព្ធសន្និសីទនៅទីក្រុងបាងកក
ប៉ូលីសថៃធានានូវសុវត្ថិភាពសម្រាប់កិច្ចប្រជុំកំពូលអាស៊ាន
ប៉ូលីសភូមិន្ទថៃ (RTP) ត្រូវបានរៀបចំវិធានការដើម្បី ធានាសុវត្ថិភាពនិងការបែងចែកចរាចរណ៍ក្នុងឱកាសប្រទេសថៃបានធ្វើជាម្ចាស់ផ្ទះនៃកិច្ចប្រជុំកំពូលអាស៊ានលើកទី ៣៤ ខែមិថុនាចាប់ពីថ្ងៃទី ២០ ដល់ ២៣ខែមិថុនា។
នាយកដ្ឋានព័ត៌មានជាតិរបស់ថៃ (NNT) បានឲ្យដឹងថា RTP បានអនុវត្តផែនមេអំពីការធានាសន្តិសុខនៃតំបន់ដែលប្រារព្ធសន្និសីទនៅទីក្រុងបាងកក។
NNT បានដកស្រង់នៃមេបញ្ជាការរង RTP លោក Srivara Rangsiphrammanakun បានឲ្យដឹងថា គាត់ក៏បានដឹកនាំនាយកដ្ឋានអន្តោប្រវេសន៍ដើម្បីបើកបណ្តាញពិសេសមួយដើម្បីបម្រើភ្ញៀវនៅក្នុងកិច្ចប្រជុំកំពូលអាស៊ាន ហើយតាមដានយ៉ាងដិតដល់នូវអ្នកដែលចូលមកឬចេញប្រទេសថៃ។
លោក Srivara បានបន្ថែមថា RTP នឹងបើកមជ្ឈមណ្ឌលប្រតិបត្តិការសន្តិសុខសម្រាប់កិច្ចប្រជុំកំពូលអាស៊ានដើម្បីតាមដានព័ត៌មាននិងស្ថានភាពនៃសន្និសីទ។ លោកបានឲ្យដឹងថាការគ្រប់គ្រងចរាចរណ៍ក្នុងអំឡុងពេលនៃសន្និសិទនេះនឹងមិនប៉ះពាល់ដល់ជីវិតប្រចាំថ្ងៃទេព្រោះកិច្ចប្រជុំសំខាន់ៗបានកើតឡើងនៅចុងសប្តាហ៍។
មុននេះក្រសួងការបរទេសថៃបានឲ្យដឹងថាប្រទេសថៃបានត្រៀមខ្លួនជាស្រេចដើម្បីស្វាគមន៍មេដឹកនាំនៃបណ្តាប្រទេសក្នុងតំបន់ដែលបានចូលរួមកិច្ចប្រជុំកំពូលអាស៊ានដែលនឹងប្រព្រឹត្តទៅនៅសប្តាហ៍ក្រោយ។ ប្រធានបទផ្លូវការនៃឆ្នាំអាស៊ានឆ្នាំ ២០១៩ ដែលប្រទេសថៃបានធ្វើជាប្រធានគឺ "ការលើកកម្ពស់ភាពជាដៃគូសម្រាប់និរន្តរភាព"៕
（ប្រែសម្រូលដោយវិច្ឆិកា）
មតិពីមិត្តអ្នកអាន