ថ្នាក់ដឹកនាំកូរ៉េខាងជើងផ្ញើសារលិខិតមួយច្បាប់ទៀតជូនចំពោះប្រធានាធិបតីអាមេរិក

09:14 | 03/08/2018 （ប្រែសម្រូលដោយស្រីពេជ្រ）

យុគសម័យ - ប្រធានាធិបតីអាមេរិកលោក Donald Trump បានទទួលសារលិខិតមួយច្បាប់ទៀតពីថ្នាក់ដឹកនាំកូរ៉េខាងជើង លោក Kim Jong-un កាលពីថ្ងៃទី១ ខែសីហាបន្ទាប់ពីការពិភាក្សានាពេលថ្មីៗនេះ រវាងភាគីទាំងពីរស្តីពីការរំសាយអាវុធនុយក្លេអ៊ែរលើឧបទ្វីបកូរ៉េ។

មុននេះ ប្រធានាធិបតីអាមេរិកលោក Donald Trump ធ្លាប់ទទួលបានលិខិតមួួយច្បាប់ពីថ្នាក់ដឹកនាំកូរ៉េខាងជើង លោក Kim Jong-un ហើយ (រូបថតៈ TTXVN)

សេតវិមានទីក្រុងវ៉ាស៊ីនតោនបានប្រកាសថា ថ្នាក់ដឹកនាំ របស់កូរ៉េខាងជើងលោក Kim Jong-un បានផ្ញើលិខិតមួយច្បាប់មកជូនចំពោះប្រធានាធិបតីសហរដ្ឋអាមេរិកលោក Donald Trump ពាក់ព័ន្ធនឹងកិច្ចពិភាក្សាកំពូលរវាងមេដឹកនាំទាំងពីរ ដែលទើបតែបានបញ្ចប់ទៅកាលពីប៉ុន្មានខែមុននេះ។

អ្នកនាំពាក្យសេតវិមាន លោកស្រី Sarah Sanders បានបញ្ជាក់ថា នៅក្នុងលិខិតរបស់លោក Kim Jong-un បានបញ្ជាក់សាជាថ្មីឡើងវិញ អំពីការប្តេជ្ញាចិត្តរបស់កូរ៉េខាងជើង នៅក្នុងការលុបបំបាត់អាវុធនុយក្លេអ៊ែរ ចេញពីតំបន់ឧបទ្វីបកូរ៉េ។ បន្ទាប់ពីការប្រកាសដោយសេតវិមាន លោក Donald Trump ក៏បានសរសេរបង្ហោះនៅក្នុង Twitter របស់លោកផងដែរថា លោកបានទទួលលិខិតមួយច្បាប់ ផ្ញើពីមេដឹកនាំកូរ៉េខាងជើងលោក Kim Jong-un។

មុននោះ នាថ្ងៃទី១២ខែកក្កដា ប្រធានាធិបតីអាមេរិក លោក Donald Trump បានប្រកាសខ្លឹមសារនៃសារលិខិតមួយដែលថ្នាក់ដឹកនាំកូរ៉េខាងជើង Kim Jong-un ផ្ញើជូន ដែលក្នុងនោះបានសម្តែងសុទិដ្ឋិនិយមអំពីទំនាក់ទំនងទ្វេភាគីនាពេលអនាគត៕

（ប្រែសម្រូលដោយស្រីពេជ្រ）

មតិពីមិត្តអ្នកអាន

ព័ត៌មានថ្មីៗ

VJCE ជម្រុញការផ្លាស់ប្តូរប្រជាជនវៀតណាម - ជប៉ុន

យុគសម័យ - ថ្ងៃទី ១៨ ខែកក្កដា មជ្ឈមណ្ឌលជម្រុញកិច្ចសហប្រតិបត្តិការវប្បធម៌ អប់រំវៀតណាម - ជប៉ុន VJCE បានចេញមុខជាផ្លូវការនូវការិយាល័យតំណាងនៅឯរាជធានី Hanoi បើកចេញនូវដំណាក់កាលថ្មីនៅក្នុងសកម្មភាពតភ្ជាប់ការអប់រំ វប្បធម៌ព្រមទាំងការផ្លាស់ប្តូរប្រជាជនរវាងវៀតណាមនិងជប៉ុន។

ជម្រុញកិច្ចសហប្រតិបត្តិការសេដ្ឋកិច្ចវៀតណាម - ប៉ារ៉ាហ្គាយ

យុគសម័យ - ជាមួយនិងទំហំពាណិជ្ជកម្មទ្វេភាគីសម្រេចបានប្រមាណ ៩៣ លានដុល្លារអាមេរិកនៅក្នុងឆ្នាំ ២០២៥ វៀតណាមព្រមទាំងប៉ារ៉ាហ្គាយកំពុងឈរនៅចំពោះមុខកាលានុវត្តភាពជាច្រើនក្នុងការពង្រីកកិច្ចសហប្រតិបត្តិការនៅក្នុងបណ្តាវិស័យពាណិជ្ជកម្ម ការវិនិយោគព្រមទាំងកសិកម្ម។ ការបំពេញបន្ថែមឱ្យគ្នាទៅវិញទៅមករវាងខឿនសេដ្ឋកិច្ចទាំងពីររួមជាមួយនិងបណ្តាការខិតខំប្រឹងប្រែងជម្រុញការតភ្ជាប់សហគ្រាសត្រូវបានរំពឹងថានឹងបង្កើតជាកម្លាំងចលករនាំយកទំនាក់ទំនងសេដ្ឋកិច្ចទ្វេភាគីអភិវឌ្ឍន៍យ៉ាងខ្លាំងក្លាថែមទៀតនាពេលខាងមុខ។

ខេត្ត Hung Yen ជម្រុញការវិនិយោគព្រមទាំងពាណិជ្ជកម្មនៅឯកូរ៉េខាងត្បូង

យុគសម័យ - ថ្មីៗនេះ នៅឯរាជធានី Seoul គណៈកម្មាធិការប្រជាជនខេត្ត Hung Yen សម្របសម្រួលជាមួយនិងនាយកដ្ឋានជម្រុញពាណិជ្ជកម្មនៃក្រសួងឧស្សាហកម្មនិងពាណិជ្ជកម្មវៀតណាម ស្ថានទូតវៀតណាមប្រចាំនៅកូរ៉េខាងត្បូង ទីភ្នាក់ងារជម្រុញពាណិជ្ជកម្មព្រមទាំងការវិនិយោគកូរ៉េខាងត្បូង KOTRA ចាត់តាំងសន្និបាតជម្រុញការវិនិយោគព្រមទាំងពាណិជ្ជកម្មខេត្ត Hung Yen។

វៀតណាម - ម៉ូរីតានីជម្រុញកិច្ចសហប្រតិបត្តិការកសិកម្ម ទូរគមនាគមន៍ព្រមទាំងការធ្វើអាជីវកម្មរ៉ែ

យុគសម័យ - ថ្ងៃទី ១៦ ខែកក្កដា នៅឯរាជធានី Hanoi រដ្ឋមន្ត្រីការបរទេស លោក Le Hoai Trung ព្រមទាំងជារដ្ឋមន្ត្រីនិងជាអគ្គលេខាធិការរដ្ឋាភិបាលម៉ូរីតានី លោក Moctar Al Housseynou Lam បានផ្លាស់ប្តូរមតិអំពីបណ្តាវិធានការជម្រុញទំនាក់ទំនងទ្វេភាគី នៅក្នុងនោះយកចិត្តទុកដាក់លើការទាញយកសក្តានុពលសហប្រតិបត្តិការនៅក្នុងបណ្តាវិស័យកសិកម្ម ទូរគមនាគមន៍ ការធ្វើអាជីវកម្មរ៉ែព្រមទាំងវិស័យមួយចំនួនដែលភាគីទាំងពីរមានប្រៀបខ្លាំង។

វៀតណាម - ក្រិកជម្រុញទំនាក់ទំនងសហប្រតិបត្តិការជាក់ស្តែងព្រមទាំងមានប្រសិទ្ធភាព

យុគសម័យ - ជានារសៀលថ្ងៃទី ១៧ ខែកក្កដា នៅឯទីស្តីការក្រសួងការបរទេស សមាជិកការិយាល័យនយោបាយព្រមទាំងជាការបរទេស លោក Le Hoai Trung បានជួបចរចាជាមួយនិងរដ្ឋមន្ត្រីការបរទេសនៃសាធារណរដ្ឋក្រិក លោក George Gerapetritis ដែលកំពុងបំពេញទស្សនកិច្ចផ្លូវការនៅវៀតណាម។ ភាគីទាំងពីរបានផ្លាស់ប្តូរមតិអំពីបណ្តាវិធានការក្នុងគោលបំណងនាំឱ្យទំនាក់ទំនងមិត្តភាពព្រមទាំងសហប្រតិបត្តិការវៀតណាម - ក្រិកកាន់តែអភិវឌ្ឍន៍ជាក់ស្តែងព្រមទាំងមានប្រសិទ្ធភាពពីមួយថ្ងៃទៅមួយថ្ងៃ។