ទីបំផុតក្មេងៗ និងគ្រូបង្វឹកបាល់ទាត់សរុប ១៣នាក់ ត្រូវបានក្រុមសង្រ្គោះយកចេញពីក្នុងរូងភ្នំ Tham Luang នៅខេត្តឈៀងរ៉ាយ ប្រទេសថៃ មកដល់ខាងក្រៅវិញហើយនាម៉ោង ៦៖២២នាទីល្ងាច ថ្ងៃទី៣ ជាថ្ងៃចុងក្រោយនៃប្រតិបត្តិការជួយសង្រ្គោះមនុស្សចេញពីរូងភ្នំនេះ ពោលគឺនៅល្ងាចថ្ងៃអង្គារ ទី១០ ខែកក្កដា ឆ្នាំ២០១៨។
ទីបំផុតមនុស្សទាំង១៣នាក់ ត្រូវបានរំដោះចេញពីរូងភ្នំថាំលួងអស់ហើយ!
នៅក្នុងរយៈពេលបីថ្ងៃកន្លងទៅនេះ មនុស្សទាំង ១៣នាក់ ដែលជាប់ខ្លួននៅក្នុងរូងភ្នំខាងលើ តាំងពីថ្ងៃទី២៣ ខែមិថុនាមកម្ល៉េះនោះ ត្រូវបានជួយយកចេញមកក្រៅវិញទាំងអស់ ហើយពួកគេដំបូងចំនួន ០៨នាក់ កំពុងសម្រាកតាមដាននៅឯមន្ទីរពេទ្យ ក្នុងខេត្តឈៀងរ៉ាយ នៃនៅក្បែរតំបន់រូងភ្នំ ជាមួយនិងសុខភាពល្អទាំងផ្លូវការ និងផ្លូវចិត្ត ខណៈមនុស្សទាំង០៥នាក់ ដែលទើបត្រូវបានរំដោះចេញនៅល្ងាចថ្ងៃអង្គារនេះ កំពុងត្រូវបានបញ្ជូនទៅមន្ទីរពេទ្យ ដើម្បីសម្រាកព្យាបាលដូចគ្នា។
គួរបញ្ជាក់ថា ប្រតិបត្តិការនាថ្ងៃទី៣នេះ គឺជាថ្ងៃសង្រ្គោះចុងក្រោយ ប៉ុន្តែព័ត៌មានលម្អិតបន្ថែមនោះមិនទាន់ត្រូវបានអាជ្ញាធរថៃ ចេញផ្សាយជាផ្លូវការនោះឡើយ ដោយត្រូវរង់ចាំទាល់តែគេប្រាកដច្បាស់ថា ក្មេងទាំងអស់ និងគ្រូបង្វឹករបស់ពួកគេ មានស្ថានភាពសុខភាពល្អប្រសើរជាមុនសិន៕
（ប្រភពព័ត៌មាន: freshnewsasia.com）
មតិពីមិត្តអ្នកអាន