ចិននិងអាមេរិកឯកភាពគ្នាមិនឲ្យមានសង្គ្រាមពាណិជ្ជកម្មកើតឡើង

រដ្ឋមន្ត្រីហិរញ្ញវត្ថុអាមេរិក លោក Steve Mnuchin.

ដើម្បីឈនដល់ការស្រុះចិត្តគំនិតពោលខាងលើ នៅប៉ុន្មានសប្តាហ៍កន្លងទៅ ក្រុមអ្នក ចរចាទាំងអាមេរិកនិងចិន បានខិតខំប្រឹងប្រែងស្វែងរកសម្លេងរួមក្នុងបញ្ហាឱនភាព ពាណិជ្ជកម្ម។ លទ្ធផលចុងក្រោយគឺចិននឹងបង្កើនការទិញទំនិញរបស់អាមេរិកឲ្យបាន ច្រើន ជាពិសេសលើវិស័យថាមពលនិងកសិកម្ម ដើម្បីកាត់បន្ថយតុល្យភាពពាណិជ្ជកម្ម ជាមួយអាមេរិកដែលមានទឹកប្រាក់រាប់ពាន់លានដុល្លាអាមេរិកនោះ។

ប៉ុន្តែ ជំនាញការសេដ្ឋកិច្ចជាច្រើនបានចាត់ទុកថា ជាមួយនឹងតម្លៃទំនិញសរុបដែលចិន ទិញពីអាមេរិកកាលពីឆ្នាំទៅគឺ១៣០ដុល្លាអាមេរិក ហើយចិនពិបាកទទួលបានតួរលេខ ៣៧០ពាន់លានដុល្លារអាមេរិកដែលជាឱនភាពថវិការជាមួយអាមេរិកនោះ សំដៅឆ្លើយ​តបនឹងគោលដៅដែលប្រធានាធិបតីអាមេរិក លោក Trump ដាក់ចេញចំពោះមុខវង​ចរចាលើដំបូងដែលប្រពឹត្តទៅនៅអាមេរិកកាលពីពីរសប្តាហ៍មុន។

ចិននិងអាមេរិកឯកភាពគ្នាមិនឲ្យសង្គ្រាមពាណិជ្ជកម្មកើតឡើង

ដើម្បីឆ្លើយតបនឹងតម្រូវការរបស់អាមេរិក ចិនត្រូវនាំចូលទំនិញរបស់អាមេរិកក្នុងតម្លៃ ២០០ពាន់លានដុល្លាអាមេរិកក្នុងមួយឆ្នាំ។ ប៉ុន្តែ ប្រការបញ្ច្រាសមួយគឺ ទំនិញដែល អាមេរិកចង់លក់ឲ្យចិនត្រឹមនាំមកចំណូលមិនចាប់អារម្មណ៍សម្រាប់ចិន ខណៈដែល ផលិតផលបច្ចេកវិទ្យាមានតម្លៃដែលចិនចង់ទិញគឺអាមេរិកមិនចង់លក់។ មិនត្រឹមតែ ប៉ុណ្ណោះ នាចុងខែនេះ រដ្ឋមន្ត្រីហិរញ្ញវត្ថុអាមេរិកនឹងប្រកាសនូវវិធានការថ្មី ដើម្បីដាក់ កំហិតការវិនិយោគនិងទិញឡើងវិញនូវវិស័យយុទ្ធសាស្ត្ររបស់អាមេរិកដូចជាបច្ចេកវិទ្យា។ ក្រៅពីនោះ អាមេរិកកំពុងបង្កើតរបាំងសម្រាប់ក្រុមហ៊ុនបច្ចេកវិទ្យារបស់ចិននិង ពិនិត្យលើការកាត់បន្ថយការផ្តល់ទិដ្ឋាការសម្រាប់និស្សិត អ្ន​កស្រាវជ្រាវនិងអ្នកប្រាជ្ញចិន ទៀតផង។

ប្រការទាំងអស់ពោលខាងលើ សរឲ្យឃើញអតុល្យភាពពាណិជ្ជកម្មរវាងប្រទេសទាំងពីរ ពិបាកដោះស្រាយក្នុងពេលវេលាខ្លី ហើយជម្លោះពាណិជ្ជកម្មរវាងខឿនសេដ្ឋកិច្ចទាំងពីរ នេះហាក់ដូចជាមិនទាន់រកឃើញដំណោះស្រាយសមស្រប។ ប៉ុន្តែ កិច្ចចរចានៅវ៉ាស៊ីន តោននាចុងសប្តាហ៍កន្លងទៅបានបញ្ជាក់ពីការបន្ធូស្រាល ភាពតានតឹងអំពីឱភាព ថវិការ។ ទោះជាយ៉ាងណាក៏​ដោយ គ្មានភាគីណាមួយចង់រុញច្រានជម្លោះបច្ចុប្បន្នឲ្យ ក្លាយទៅជាសង្គ្រាមពាណិជ្ជកម្មនៅឡើយ៕

（ដោយ ស្រីពេជ្រ）

（ដោយ ស្រីពេជ្រ）