វៀតណាមសង្កត់ធ្ងន់ទៅលើការរួមចំណែករបស់បណ្ដាសភាជាតិក្នុងការជំរុញគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ

គណៈប្រតិភូវៀតណាមចូលរួមសម័យប្រជុំពិភាក្សា

ថ្មីៗនេះ នៅទីស្នាក់ការអង្គការសហប្រជាជាតិ (UN) នៅទីក្រុងញូវយ៉ក (សហរដ្ឋអាមេរិក) វេទិកាសភានៃវេទិកានយោបាយកម្រិតខ្ពស់របស់អង្គការសហប្រជាជាតិ (HLPF) បានបើកសម័យប្រជុំពិភាក្សាស្តីពីគោលដៅអភិវឌ្ឍន៍ប្រកបដោយចីរភាព។ លោក Vu Hai Ha ប្រធានគណៈកម្មាធិការកិច្ចការបរទេសរដ្ឋសភា បានដឹកនាំគណៈប្រតិភូវៀតណាមចូលរួមវេទិកានេះ។

វេទិកាសភានៅឆ្នាំនេះផ្តោតលើគោលដៅអភិវឌ្ឍន៍ប្រកបដោយនិរន្តរភាព (SDGs) ចំនួនពីរ ដែលកំពុងត្រូវបានពិចារណានៅ HLPF ជាពិសេស SDG-16 ស្តីពីសន្តិភាព យុត្តិធម៌ និងស្ថាប័នរឹងមាំ និង SDG-13 ស្តីពីការផ្លាស់ប្តូរអាកាសធាតុ។

ក្នុងសម័យប្រជុំក្រោមប្រធានបទ “ការវិនិយោគក្នុងសភាគឺជាយន្តការអភិបាលកិច្ចសំខាន់” តំណាងរបស់វៀតណាមបានវាយតម្លៃថា ពិភពលោកប្រឈមមុខនឹងការលំបាក និងបញ្ហាប្រឈមយ៉ាងធ្ងន់ធ្ងរជាច្រើន ដែលធ្វើឲ្យការអនុវត្តកម្មវិធីរបៀបវារៈឆ្នាំ ២០៣០ របស់អង្គការសហប្រជាជាតិស្តីពីការអភិវឌ្ឍន៍ប្រកបដោយចីរភាពមានការលំបាក គោលដៅជាច្រើនពិបាកសម្រេចដូចការគ្រោងទុក។ ក្នុងបរិបទនោះ ការយកចិត្តទុកដាក់លើការលើកកំពស់តួនាទីរបស់សភាជាតិ​ ជាយន្តការអភិបាលកិច្ចដ៏សំខាន់មួយដែលត្រូវបានផ្សារភ្ជាប់ជាមួយនឹងគោលដៅអភិវឌ្ឍន៍ប្រកបដោយចីរភាព (SDG) លេខ ១៦ គឺមានសារៈសំខាន់ ដើម្បីពង្រឹងសកម្មភាពរបស់សភាជាតិនៃប្រទេសនីមួយៗ និងក្នុងពេលជាមួយគ្នានោះសម្របសម្រួល និងរួមដៃជាមួយសហគមន៍អន្តរជាតិ ដើម្បីសម្រេចបាននូវរបៀបវារៈឆ្នាំ ២០៣០ និងយុទ្ធសាស្ត្រសកម្មភាពនៃសហភាពអន្តរសភា (IPU) ដើម្បីសន្តិភាព កិច្ចសហប្រតិបត្តិការ និងការអភិវឌ្ឍន៍ប្រកបដោយចីរភាព។

បន្ទាប់មកទៀត ក្នុងសម័យប្រជុំពិភាក្សាលើប្រធានបទ "ការពង្រឹងការបន្ស៊ាំ និងហិរញ្ញវត្ថុអាកាសធាតុ ដើម្បី​ពិភពលោកមួយ​ប្រកបដោយនិរន្តរភាព និងខ្លួនទីពឹងខ្លួន" គណៈប្រតិភូវៀតណាមបានសង្កត់ធ្ងន់ថា សហគមន៍អន្តរជាតិត្រូវចាត់ទុកការឆ្លើយតបនឹងការប្រែប្រួលអាកាសធាតុជាអាទិភាពខ្ពស់បំផុតក្នុងគោលនយោបាយអភិវឌ្ឍន៍របស់និមួយៗ។ អាស្រ័យលើនេះ ពង្រឹងកិច្ចសហប្រតិបត្តិការលើគោលការណ៍យុត្តិធម៌ និងទំនួលខុសត្រូវរវាងប្រទេសនានា ដោយមានការគាំទ្រ និងការចូលរួមប្រកបដោយប្រសិទ្ធភាពពីកិច្ចសហប្រតិបត្តិការ និងអង្គការអន្តរជាតិ៕

អាជីវកម្មវៀតណាមផ្សព្វផ្សាយផលិតផលនៅឯពិព័រណ៍វាយនភណ្ឌ និងកាត់ដេរនៅទីក្រុងញូវយ៉ក វិស័យតម្បាញកាត់ដេររបស់វៀតណាមកំពុងមាន គុណសម្បត្តិប្រកួតប្រជែងខ្ពស់ជាង ដោយសារសមត្ថភាពផលិតចេញផលិតផលដែលមានតម្លៃខ្ពស់យ៉ាងសម្បូរបែប។

វៀតណាមដាក់ជូនព្រំប្រទល់តំបន់ខ្ពង់រាបបាតសមុទ្រពង្រីកចម្ងាយហួស ២០០ ម៉ៃល៍ នៅតំបន់កណ្តាលសមុទ្រខាងកើត នាព្រឹកថ្ងៃទី ១៧ ខែកក្កដា (ម៉ោងក្នុងតំបន់) នៅទីស្នាក់ការអង្គការសហប្រជាជាតិនៅទីក្រុងញូវយ៉ក សហរដ្ឋអាមេរិក លោកឯកអគ្គរដ្ឋទូត Dang Hoang Giang ប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ និងគណៈប្រតិភូក្រសួងការបរទេសវៀតណាម ដឹកនាំដោយ លោកឯកអគ្គរដ្ឋទូត Trinh Duc Hai អនុប្រធានគណៈកម្មាធិការកិច្ចការព្រំដែនជាតិបានប្រគល់ឯកសារដាក់ជូនព្រំប្រទល់តំបន់ខ្ពង់រាបបាតសមុទ្រពង្រីកចម្ងាយហួស ២០០ ម៉ៃល៍ របស់វៀតណាមនៅតំបន់កណ្តាលសមុទ្រខាងកើតទៅគណៈកម្មាធិការព្រំប្រទល់ខ្ពង់រាបបាតសមុទ្រ (CLCS)។

យោងតាមកាសែតកងទ័ពប្រជាជន