ជិតមួយសតវត្សនៃការអភិវឌ្ឍន៍សារព័ត៌មានបដិវត្តន៍៖ បង្ហាញយ៉ាងច្បាស់នូវសេរីភាពសារព័ត៌មាននៅវៀតណាម

ខួបលើកទី ៩៩ នៃការចាប់បដិសន្ធិខឿនសារព័ត៌មានបដិវត្តន៍ វៀតណាម (២១ មិថុនា ១៩២៥- មិថុនា ២០២៤)៖ ផ្ទាំងរូបភាពដ៏រស់រវើកនៃការអភិវឌ្ឍសារព័ត៌មានបដិវត្តន៍វៀតណាម

អស់រយៈពេលជិតមួយសតវត្សមកហើយ ចាប់តាំងពីកាសែតយុវជន (Thanh Nien) ដែលជាកាសែតចាប់ផ្តើមនៃខឿនសារព័ត៌មានបដិវត្តន៍ វៀតណាម ដោយអគ្គមគ្គុទេស Nguyen Ai Quoc ជាស្ថាបនិក បានបោះពុម្ពផ្សាយច្បាប់ដំបូងមក កម្លាំងសារព័ត៌មានបដិវត្តន៍វៀតណាមមានការរីកចម្រើនដោយឥតឈប់ឈរ ដោយអះអាងនូវតួនាទីសំខាន់របស់ខ្លួន និងរួមចំណែកយ៉ាងធំធេងក្នុងបុព្វហេតុរំដោះជាតិកាលពីមុននេះនិងក្នុងកិច្ចការកសាងនិងការពារមាតុភូមិនាបច្ចុប្បន្ន។

ការអភិវឌ្ឍដ៏រស់រវើក

យោងតាមការស្ថិតិរបស់ក្រសួងព័ត៌មាននិងផ្សព្វផ្សាយវៀតណាម បានបង្ហាញថា នៅឆ្នាំ ២០២៣ វៀតណាមមានទីភ្នាក់ងារពហុព័ត៌មានសំខាន់ៗចំនួន ៦; ទីភ្នាក់ងារសារព័ត៌មានចំនួន១២៧; ទីភ្នាក់ងារទស្សនាវដ្តីចំនួន៦៧១; និងទីភ្នាក់ងារវិទ្យុ និងទូរទស្សន៍ចំនួន៧២។ បុគ្គលិកក្នុងវិស័យសារព័ត៌មានមានប្រមាណ ៤១.០០០ នាក់ កើនឡើង ៦ ដងធៀបនឹងឆ្នាំ ២០០០។ សរុបមក សារព័ត៌មានវៀតណាមមានការអភិវឌ្ឍយ៉ាងឆាប់រហ័ស និងរឹងមាំ។ ពោលគឺមានការកើនឡើងទាំងប្រភេទ និងចំនួនទីភ្នាក់ងារសារព័ត៌មាន កើនឡើងចំនួនកាសែត ទស្សនាវដ្តី និងការបោះពុម្ព បង្កើនការគ្រប់ដណ្តប់រលកធាតុអាកាស និងបង្កើនចំនួនអ្នកសារព័ត៌មានផងដែរ។

ដោយមានការឧបត្ថម្ភពីបច្ចេកវិទ្យា ប្រព័ន្ធកាសែតអេឡិចត្រូនិកកំពុងដំណើរការកាន់តែខ្លាំងឡើង បង្កើតឡើងការអន្តរកម្មយ៉ាងវិជ្ជមានជាមួយមិត្តអ្នកអាន។ បន្ទាប់ពីរយៈពេល ២៦ ឆ្នាំនៃការតភ្ជាប់អ៊ីនធឺណិតមក វៀតណាមមានប្រព័ន្ធបច្ចេកវិទ្យាទូរគមនាគមន៍ដ៏ទំនើបមួយដែលមានប្រជាប្រិយភាពខ្ពស់។ គិតត្រឹមខែកញ្ញា ឆ្នាំ ២០២៣ វៀតណាមមានអ្នកប្រើប្រាស់អ៊ីនធឺណេតចំនួន ៧៨ លាននាក់ កើនឡើង ២១% បើធៀបនឹងចំនួនអ្នកជាវក្នុងឆ្នាំ ២០១៩។ មកដល់បច្ចុប្បន្ន ទីភ្នាក់ងារសារព័ត៌មាន វៀតណាមមាននៅលើវេទិកាអ៊ីនធឺណិត។ ទីភ្នាក់ងារសារព័ត៌មានមួយចំនួនបានត្រួសត្រាយផ្លូវ និងទទួលបានជោគជ័យក្នុងការអនុវត្តបច្ចេកវិទ្យាឌីជីថល ដូចជា៖ បញ្ញាសិប្បនិម្មិត (AI), IoT, Cloud, Big Data...។ ដើម្បីសម្របខ្លួនទៅនឹងសម័យកាល ភ្នាក់ងារសារព័ត៌មានរាប់រយក៏បង្កើតបណ្តាញផ្សព្វផ្សាយរបស់ខ្លួន នៅលើបណ្តាញសង្គម ដូចជា Facebook, Youtube, Tiktok...ជាដើម។

នៅក្នុងពិភពលោកបច្ចុប្បន្ន កិច្ចសហប្រតិបត្តិការអន្តរជាតិក្នុងវិស័យសារព័ត៌មានកំពុងរីកចម្រើនកាន់តែខ្លាំងឡើង ឆ្ពោះទៅរកកិច្ចសហប្រតិបត្តិការពហុជាតិ និងពហុវិស័យ។ ក្រុមហ៊ុនប្រព័ន្ធផ្សព្វផ្សាយអន្តរជាតិធំៗជាង ៤០ នៅលើពិភពលោកមានវត្តមាននៅក្នុងប្រទេសវៀតណាមដូចជា៖ CNN, Reuters, AP, AFP, Kyodo, ទីភ្នាក់ងារសារព័ត៌មានអាស៊ី (កូរ៉េខាងត្បូង), សារព័ត៌មានសេដ្ឋកិច្ចប្រចាំថ្ងៃ Aju (កូរ៉េខាងត្បូង), ទីភ្នាក់ងារសារព័ត៌មាន Rossiya Segodnya (រុស្ស៊ី) ...។ អ្នកសារព័ត៌មានអន្តរជាតិត្រូវបានរដ្ឋាភិបាលវៀតណាមបង្កលក្ខណៈងាយស្រួល។ ជារៀងរាល់ឆ្នាំ អ្នកសារព័ត៌មានវៀតណាមជាច្រើនបានទៅសិក្សា ផ្លាស់ប្តូរបទពិសោធន៍វិជ្ជាជីវៈ និងធ្វើការផ្នែកសារព័ត៌មាននៅប្រទេសមួយចំនួន ជុំវិញពិភពលោកផង ដែរ។

ធានានូវសេរីភាពសារព័ត៌មាន និងបង្កើតលក្ខខណ្ឌសម្រាប់អភិវឌ្ឍន៍សារព័ត៌មាន

វៀតណាមបាន កំពុងចូលរួម និងអនុវត្តន៍យ៉ាងម៉ឺងម៉ាត់នូវការប្តេជ្ញាចិត្តរបស់ខ្លួនស្តីពីសេរីភាពនៃការបញ្ចេញមតិ និងសេរីភាពសារព័ត៌មានដោយអនុលោមតាមមធម្មនុញ្ញអង្គការសហប្រជាជាតិ រួមទាំងអនុក្រឹត្យ សន្ធិសញ្ញាអន្តរជាតិ និងតំបន់ពាក់ព័ន្ធ។

រដ្ឋាភិបាលវៀតណាមបានខិតខំប្រឹងប្រែងគួរជាទីលើកទឹកចិត្ត ក្នុងការធានានូវសេរីភាពសារព័ត៌មាន និងសេរីភាពនៃការបញ្ចេញមតិ។ ប្រការនោះត្រូវបានបង្ហាញជាពិសេសនៅក្នុងរដ្ឋធម្មនុញ្ញឆ្នាំ ២០១៣ របស់វៀត ណាម ដែលចែងអំពីសិទ្ធិមនុស្សជាមូលដ្ឋានរបស់ប្រជាជនវៀតណាម ស្របតាមបទប្បញ្ញត្តិអន្តរជាតិ។

រួមជាមួយគ្នានោះ ការអនុវត្តមាត្រាមួយចំនួនក្នុងរដ្ឋធម្មនុញ្ញវៀតណាមទាក់ទងនឹងសិទ្ធិពលរដ្ឋ និងសិទ្ធិនយោបាយ ជាពិសេសសេរីភាពសារព័ត៌មាន និងសេរីភាពនៃការបញ្ចេញមតិ វៀតណាមបានចេញច្បាប់ស្តីពីសិទ្ធិទទួលបានព័ត៌មាន ក្នុងឆ្នាំ ២០១៦។ ខ្លឹមសារនៃច្បាប់ស្តីពីសិទ្ធិទទួលបានព័ត៌មានគឺបើកចំហរ ជឿនលឿន តាមស្តង់ដា ឆ្លើយតបទៅនឹងសិទ្ធិមនុស្សអន្តរជាតិ និងសិទ្ធិទាក់ទងផ្ទាល់នឹងព័ត៌មាន។

ទន្ទឹមនឹងនោះ ច្បាប់សារព័ត៌មានវៀតណាមឆ្នាំ ២០១៦ ក៏បានចែងយ៉ាងច្បាស់អំពីមុខងារ ភារកិច្ច និងអំណាចរបស់សារព័ត៌មានវៀតណាម ជាពិសេសសិទ្ធិទទួលបានព័ត៌មានក្នុងសារព័ត៌មាន។ នោះគឺជាការខិតខំប្រឹងប្រែងយ៉ាងខ្លាំងរបស់រដ្ឋាភិបាលវៀតណាម ក្នុងការអនុវត្តការប្តេជ្ញាចិត្តអន្តរជាតិទាក់ទងនឹងសេរីភាពសារព័ត៌មាន និងសេរីភាពនៃការបញ្ចេញ មតិ។

លើសពីនេះ វៀតណាមបានលើកទឹកចិត្ត និងតម្រង់ទិសដំណើរការនៃការផ្លាស់ប្តូរឌីជីថល និងអនុវត្តន៍បច្ចេកវិទ្យាសម្រាប់សារព័ត៌មានយ៉ាងច្បាស់លាស់ និងមានការវិនិយោគដ៏សក្តិសមក្នុងការអភិវឌ្ឍន៍ស្ថាប័នសារព័ត៌មាន និងវិទ្យុសំខាន់ៗក្នុងវិស័យសារព័ត៌មានវៀតណាម។

ការធានានូវសេរីភាពសារព័ត៌មាន និងសេរីភាពនៃការបញ្ចេញមតិ គឺជាគោលដៅខ្ជាប់ខ្ជួនរបស់បក្ស និងរដ្ឋវៀតណាម ដែលបានបញ្ជាក់ និងធានាអនុវត្តតាមរយៈរដ្ឋធម្មនុញ្ញ និងបទប្បញ្ញត្តិនៃច្បាប់ ស្របតាមបទប្បញ្ញត្តិរបស់អន្តរជាតិ។ សមិទ្ធិផលក្នុង រយៈពេល ៩៩ ឆ្នាំនៃការអភិវឌ្ឍសារព័ត៌មានបដិវត្តន៍វៀតណាមគឺជាសក្ខីភាពច្បាស់លាស់ផងដែរ៕

វៀតណាម៖ កម្មវិធី Carnaval Ha Long ឆ្នាំ ២០២៤ ក្រោមប្រធានបទ «បំភ្លឺអច្ឆរិយៈ» បានប្រព្រឹត្តទៅជាផ្លូវការ នាយប់ថ្ងៃទី ២៨ មេសា កម្មវិធី Carnaval Ha Long ឆ្នាំ ២០២៤ ក្រោមប្រធានបទ "បំភ្លឺអច្ឆរិយៈ" បានប្រព្រឹត្តទៅជាផ្លូវការនៅទីក្រុង Ha Long ខេត្ត Quang Ninh។ ព្រឹត្តិការណ៍នេះបានទាក់ទាញការយកចិត្តទុកដាក់ពីសំណាក់ប្រជាជន ភ្ញៀវទេសចរជាតិ និងអន្តរជាតិរាប់ពាន់នាក់។

ខួបលើកទី ៧០ នៃការចុះហត្ថលេខាលើកិច្ចព្រមព្រៀងទីក្រុងហ្សឺណែវ នាព្រឹកថ្ងៃទី ២៥ មេសា នៅទីក្រុងហាណូយ ក្រសួងការបរទេសបានធ្វើជាអធិបតីក្នុងពិធីរំលឹកខួបលើកទី ៧០ នៃការចុះហត្ថលេខាលើកិច្ចព្រមព្រៀងទីក្រុងហ្សឺណែវ ស្តីពី ផ្អាកការប្រយុទ្ធនៅវៀតណាម (២១ កក្កដា ១៩៥៤ - ២១ កក្កដា ២០២៤)។

យោងតាមវិទ្យុសំលេងវៀតណាម