ក្នុងជំនួបពិភាក្សាការងារនាពេលថ្មីៗនេះជាមួយលោក Francisco Pichon អ្នកសម្របសម្រួលអង្គការសហប្រជាជាតិប្រចាំនៅគុយបា លោក Dang Hoang Giang ឯកអគ្គរដ្ឋទូត ប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ បានបញ្ជាក់ពីការត្រៀមខ្លួនជាស្រេចរួមដំណើរជាមួយអង្គការសហប្រជាជាតិក្នុងការជួយគុយបាអនុវត្តរបៀបវារៈឆ្នាំ ២០៣០ សម្រាប់ការអភិវឌ្ឍប្រកបដោយចីរភាព។
 លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា អញ្ជើញមកបំពេញទស្សនកិច្ចផ្លូវការនៅវៀតណាម |
 សូមឱ្យសិល្បៈអាយ៉ង Te Tieu កាន់តែកក្រើកឡើង |
 |
| លោក Francisco Pichon អ្នកសម្របសម្រួលអង្គការសហប្រជាជាតិប្រចាំនៅគុយបា និង លោក Dang Hoang Giang ឯកអគ្គរដ្ឋទូត ប្រធានស្ថានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ |
លោក Pichon អតីតតំណាងមូលនិធិអន្តរជាតិសម្រាប់ការអភិវឌ្ឍកសិកម្មនៅវៀតណាម (IFAD) បានចាត់ទុកថា បច្ចុប្បន្ន គុយបាកំពុងប្រឈមមុខនឹងការលំបាកជាច្រើនក្នុងការស្តារឡើងវិញក្រោយជំងឺ Covid-19 និងក្នុងការអនុវត្តរបៀបវារៈឆ្នាំ២០៣០ សម្រាប់ការអភិវឌ្ឍប្រកបដោយចីរភាព។
អង្គការសហប្រជាជាតិកំពុងអនុវត្តក្របខណ្ឌកិច្ចសហប្រតិបត្តិការអភិវឌ្ឍន៍ប្រកបដោយចីរភាពដំណាក់កាល ២០២០-២០២៤ ដើម្បីជួយគាំទ្រគុយបា ដោយផ្តោតលើវិស័យសេដ្ឋកិច្ច ការកាត់បន្ថយហានិភ័យគ្រោះមហន្តរាយធម្មជាតិ កសិកម្ម ការធានាសន្តិសុខស្បៀង ហើយសង្ឃឹមថា វៀតណាមអាចជួយគាំទ្រយ៉ាងសកម្មនូវដំណើរការនេះតាមរយៈការចែករំលែកបទពិសោធន៍អភិវឌ្ឍន៍។
ថ្លែងមតិក្នុងជំនួបនេះ លោក Dang Hoang Giang បានសង្កត់ធ្ងន់លើទំនាក់ទំនងសហប្រតិបត្តិការមិត្តភាពពិសេសរវាងគុយបា និងវៀតណាម និងវាយតំលៃខ្ពស់ចំពោះកិច្ចខិតខំប្រឹងប្រែងរបស់អ្នកសម្របសម្រួលប្រចាំគុយបាក្នុងការជួយគុយបានាពេលកន្លងមក។ លោកឯកអគ្គរដ្ឋទូតបានអះអាងថា ក្នុងតួនាទីជាដៃគូ វៀតណាមនឹងសហការការជាមួយអង្គការសហប្រជាជាតិ ដើម្បីជួយគុយបាយកឈ្នះលើបញ្ហាប្រឈមនាពេលបច្ចុប្បន្ន និងសម្រេចបាននូវវឌ្ឍនភាពសំខាន់ៗក្នុងការអនុវត្តរបៀបវារៈឆ្នាំ ២០៣០៕
មតិពីមិត្តអ្នកអាន