យុគសម័យ - នាថ្ងៃទី ២២ ខែមិថុនា យោងតាមសារព័ត៌មានអេឡិចត្រូនិក FreshNews របស់កម្ពុជាបានរាយការណ៍ថា ករណីបាក់រលំអគារនៅព្រឹកព្រលឹមបានបណ្តាលឱ្យមនុស្សចំនួន ៧នាក់ ស្លាប់និងអ្នករងរបួសកើនដល់២១នាក់
បាក់រលំអគារនៅក្រុងព្រះសីហនុ
លោកឧត្តមសេនីយ៍ ហេង ប៊ុនទី មេបញ្ជាការនៃកងកម្លាំងប្រដាប់អាវុធខេត្តព្រះសីហនុ បានឲ្យដឹងថា កម្លាំងសមត្ថកិច្ចនិងរដ្ឋបាលខេត្ត រួមជាមួយក្រុមគ្រូពេទ្យជំនាញៗបាននិងកំពុងផ្តល់នូវការព្យាបាលយ៉ាងយកចិត្តទុកដាក់បំផុតចំពោះអ្នករងរបួសនិងចាត់ចែងគាំទ្រចំពោះអ្នកដែលស្លាប់បាត់បង់ជីវិតដើម្បីធ្វើបុណ្យតាមប្រពៃណី។ ចំពោះជនរងគ្រោះដែលបាត់បង់ជីវិត រដ្ឋបាលខេត្តបានរៀបចំជាក្តារមឈូស និងថវិកា ២ លានរៀល អ្នកតំណាងរាស្ត្រមណ្ឌលខេត្តព្រះសីហនុ ចូលរួមថវិកា បន្ថែម ៥០ ម៉ឺនរៀល ជូនគ្រួសារសពនីមួយៗ ហើយអជ្ញាធរបាន និងធ្វើការទំនាក់ទំនងគ្រសារសពដើម្បីដឹកសពទៅជូនក្រុមគ្រួសាររៀបចំធ្វើបុណ្យ តាមប្រពៃណី។បច្ចុប្បន្នក្រុមការងារកំពុងបន្ដសង្គ្រោះ ជនរងគ្រោះបន្ថែមទៀត ដែលគេសង្ស័យថា កំពុងស្ថិតនៅក្នុងគំនរអគារនោះ។
ទីតាំងសំណង់អគារនេះមានទំហំទទឹង ១៥ ម៉ែត្រ បណ្ដោយ ៣០ ម៉ែត្រ និងកំពុងដំណើរការសាងសង់បានប្រមាណ៧០ទៅ៨០ភាគរយ។ មូលហេតុនៃការដួលរលំនៃអគារនេះមិនទាន់ត្រូវបានកំណត់នៅឡើយទេ។
បច្ចុប្បន្នទីក្រុងនេះមានកាស៊ីណូប្រហែល ៥០ ដែលជាកម្មសិទ្ធិរបស់ក្រុមហ៊ុនចិនហើយសណ្ឋាគារជាច្រើនត្រូវបានកំពុងសាងសង់។ យោងតាមតួលេខផ្លូវការចាប់ពីឆ្នាំ ២០១៦ ដល់ឆ្នាំ ២០១៨ ដើមទុនពីប្រទេសចិនបានវិនិយោគនៅខេត្តព្រះសីហនុបានឈានដល់ប្រហែល ១ ពាន់លានដុល្លារអាមេរិក៕
（យោងតាម baotintuc.vn ប្រែសម្រូលដោយវិច្ឆិកា）
មតិពីមិត្តអ្នកអាន