ទោះបីជាស្ថានភាពនៃវិបត្តិកូវីដ១៩ និងសេដ្ឋកិច្ចសកលមិនទាន់មានភាពប្រាកដប្រជាយ៉ាងណាក្ដី ក៏កម្ពុជានៅតែបន្តអភិវឌ្ឍន៍សេដ្ឋកិច្ចនិងបានធ្វើកំណើនសេដ្ឋកិច្ច កើនឡើងវិញជាវិជ្ជមានក្នុងឆ្នាំ២០២២នេះ ហើយនៅឆ្នាំ២០២៣ខាងមុខ ប្រាក់ចំណូលប្រចាំឆ្នាំសរុបរបស់មនុស្សម្នាក់នៅកម្ពុជាក៏ត្រូវរំពឹងថា នឹងកើនឡើងដល់១.៩២៤ដុល្លារអាមេរិកផងដែរ។
 កម្ពុជារំពឹងផ្តល់សច្ចាប័នដល់កិច្ចព្រមព្រៀង RCEP ត្រឹមត្រីមាសទី៣ឆ្នាំ២០២១ |
 កម្ពុជារំលឹកខួបអនុស្សាវរីយ៍លើកទី៦៦ នៃទិវាបុណ្យឯករាជ្យជាតិ |
នាថ្ងៃទី២ ខែមករា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសពីការងើបឡើងវិញនៃសេដ្ឋកិច្ចរបស់កម្ពុជាថា សម្រេចបានអត្រារហូតដល់ ៥.៥ ភាគរយ នៅឆ្នាំ២០២២ ជាមួយនឹងប្រាក់ចំណូលជាតិ បានពីចំណូលសារពើពន្ធ ដែលមានពន្ធដារ និងគយ ប្រមូលបាន ១២៧ ភាគរយ (លើសផែនការ ២៧%) ស្មើនឹងទឹកប្រាក់សរុបចំនួន ៦១៤៥ លានដុល្លារ។
សម្តេចតេជោ ហ៊ុន សែន បញ្ជាក់ថា ចំណូលដែលរកបានជាង ៦ ពាន់លានដុល្លារនេះ គ្រាន់តែជាចំណូលសារពើពន្ធប៉ុណ្ណោះ មិនទាន់គិតដល់ចំណូលមិនមែនសារពើពន្ធផ្សេងទៀតនោះទេ ដូចជាចំណូលបានពីទិដ្ឋាការភ្ញៀវទេសចរ ចំណូលវិស័យរ៉ែ ជាដើម។
 |
ទិដ្ឋភាពអគារខ្ពស់ៗនៅរាជធានីភ្នំពេញ កាលពីថ្ងៃទី ៣០ ខែតុលា។ (រូបថត៖postkhmer.com ) |
សូមជម្រាបថា នៅឆ្នាំ២០២៣ រាជរដ្ឋាភិបាលរំពឹងថាសេដ្ឋកិច្ចកម្ពុជា នឹងមានកំណើន ៦.៦% ហើយផលិតផលក្នុងស្រុកសរុប (ផសស) សម្រាប់មនុស្សម្នាក់ ត្រូវបានរំពឹងថានឹងពីឡើងដល់ ១ ៩២៤ ដុល្លារ ធៀបនឹង ១ ៧៨៥ ដុល្លារ ក្នុងឆ្នាំ២០២២។
ក្រោមការដឹកនាំរបស់សម្តេចតេជោ ហ៊ុន សែន កម្ពុជាទទួលបានជោគជ័យដ៏ត្រចះត្រចង់ ក្នុងការប្រយុទ្ធនឹងការរីករាលដាល់នៃជំងឺកូវីដ១៩ និងការគ្រប់គ្រងផលប៉ះពាល់ពីវិបត្តិជំងឺកូវីដ១៩ ទាំងការការពារសុខភាពសាធារណៈ ការរក្សាលំនឹងសង្គម សេដ្ឋកិច្ច និងការធានាទ្រទ្រង់ជីវភាពរស់នៅ របស់ប្រជាពលរដ្ឋ ដែលអនុញ្ញាតឲ្យកម្ពុជាបើកប្រទេសឡើងវិញ ចាប់ពីខែវិច្ឆិកា ឆ្នាំ២០២១ និងបានធ្វើឲ្យសកម្មភាពសេដ្ឋកិច្ចក្នុងស្រុក ចាប់ផ្តើមវិលត្រឡប់មកប្រកតីភាពវិញ៕
មតិពីមិត្តអ្នកអាន