ថ្លែងមតិនៅទីនេះ ឧបនាយករដ្ឋមន្ត្រីលោក Vu Duc Dam បានសង្កត់ធ្ងន់ថា៖ វៀតណាមត្រូវខិតខំប្រឹងប្រែងបន្ថែមទៀតក្នុងដំណើរការអនុវត្តន៍បញ្ញាសិប្បនិមិត្តក្នុងជីវភាព ព្រោះធនធានមនុស្ស AI របស់វៀតណាមនៅខ្វះខាតនៅឡើយ។
វៀតណាមឈ្នះរង្វាន់ជាច្រើនក្នុងការប្រកួតផលិតផលប្រកបដោយភាពច្នៃប្រឌិតអន្តរជាតិ |
ជិះឆ័ត្រយោងក្នុងវាលស្រែស្រូវទុំពណ៌មាសដួលរាបស្មើលើគ្នានៅតំបន់ Mu Cang Chai |
ឧបនាយករដ្ឋមន្ត្រី លោក Vu Duc Dam អញ្ជើញថ្លែងមតិក្នុងពិធី |
នាថ្ងៃទី ២៣ ខែកញ្ញា នៅទីក្រុងហាណូយ ទិវាបុណ្យបញ្ញាសិប្បនិម្មិតវៀតណាម (AI4VN) បានប្រព្រឹត្តទៅដោយប្រធានបទ “AI ស្តារសេដ្ឋកិច្ចឡើងវិញ កំណត់រូបរាងអនាគត”។ ថ្លែងមតិនៅទីនេះ ឧបនាយករដ្ឋមន្ត្រីលោក Vu Duc Dam បានសង្កត់ធ្ងន់ថា៖ វៀតណាមត្រូវខិតខំប្រឹងប្រែងបន្ថែមទៀតក្នុងដំណើរការអនុវត្តន៍បញ្ញាសិប្បនិមិត្តក្នុងជីវភាព ព្រោះធនធានមនុស្ស AI របស់វៀតណាមនៅខ្វះខាតនៅឡើយ ការបណ្តុះបណ្តាលមិនទាន់អាចឆ្លើយតបនឹងតម្រូវការរបស់ក្រុមហ៊ុនបច្ចេកវិទ្យាទាំងក្នុងនិងក្រៅប្រទេសនៅវៀតណាម។ យោងតាមឧបនាយករដ្ឋមន្ត្រី លោក Vu Duc Dam តម្រូវការផ្សព្វផ្សាយគោលគំនិត ចាំបាច់ត្រូវតែមានវិធីសាស្ត្រអភិក្រមយ៉ាងឆាប់ ត្រូវមានការយល់ដឹងអំពី AI មិនត្រឹមតែក្នុងវិស័យព័ត៌មានវិទ្យា វិទ្យាសាស្ត្រ បច្ចេកវិទ្យា ឧស្សាហកម្ម ... ប៉ុណ្ណោះទេ ថែនទាំងមានវិស័យជាច្រើនទៀតផងដែរ។
មុនពេលចូលដល់សម័យប្រជុំសំខាន់ ឧបនាយករដ្ឋមន្ត្រី លោក Vu Duc Dam រួមជាមួយនឹងថ្នាក់ដឹកនាំក្រសួង សាជីវកម្មធំៗ និងអ្នកវិទ្យាសាស្ត្របានទៅទស្សនាពិព័រណ៍ AI ដែលមានស្តង់ជាង ២០ ដែលបង្ហាញពីផលិតផល និងដំណោះស្រាយដែលអនុវត្តបច្ចេកវិទ្យាបញ្ញាសិប្បនិម្មិត។ ព្រឹត្តិការណ៍នេះទាក់ទាញភ្ញៀវប្រមាណ១០០០នាក់ ស្តង់តែងតែពេញ។
ក្នុងសុន្ទរកថាបើក រដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា លោក Huynh Thanh Dat បានមានប្រសាសន៍ថា បញ្ញាសិប្បនិមិត្តមានការអភិវឌ្ឍន៍គួរឲ្យកត់សម្គាល់ ហើយបានក្លាយទៅជាបច្ចេកវិទ្យាសំខាន់មួយ ដែលរួមចំណែកក្នុងការផ្លាស់ប្តូរ និងជំរុញការអភិវឌ្ឍន៍យ៉ាងខ្លាំង ដល់សេដ្ឋកិច្ចសង្គមរបស់ប្រទេស។
យោងតាមលោករដ្ឋមន្ត្រី បន្ទាប់ពីរយៈពេលជាងមួយឆ្នាំនៃការអនុវត្តយុទ្ធសាស្ត្រវៃឆ្លាតសិប្បនិម្មិត វៀតណាមសម្រេចបានលទ្ធផលលើកទឹកចិត្តមួយចំនួន រួមទាំងការកត់ត្រាថា ក្នុងឆ្នាំ ២០២១ វៀតណាមបានជាប់ចំណាត់ថ្នាក់លេខ ៦២ ក្នុងចំណោមប្រទេសចំនួន ១៦០ ដែលត្រូវបានវាយតម្លៃក្នុងចំណាត់ថ្នាក់ពិភពលោក កើនឡើង ១៤ កន្លែងបើធៀបនឹងឆ្នាំ ២០២០។
នៅក្នុងក្របខ័ណ្ឌនៃកម្មវិធីនេះ មានការតាំងពិព័រណ៍ផលិតផល និងដំណោះស្រាយដែលអនុវត្តន៍បច្ចេកវិទ្យា AI ក្នុងជីវភាព និងការផលិតរបស់សហគ្រាស; ពានរង្វាន់ ជ្រើសរើសផលិតផលប្រើប្រាស់បញ្ហាសិប្បនិមិត្ត (AI Awards 2022) ដោយគោលបំណងលើកតម្កើងផលិតផល និងដំណោះស្រាយឆ្នើមដែលអនុវត្តន៍បញ្ញាសិប្បនិម្មិតក្នុងអាជីវកម្ម និងក្នុងជីវភាពរស់នៅ៕
មតិពីមិត្តអ្នកអាន