យុគសម័យ - ផ្លូវម្ហូបអាហារត្រូវបានបើកដំណើរការគ្រាន់តែ ២ ថ្ងៃមុនពិធីបុណ្យសមុទ្រប្រចាំឆ្នាំនៅខេត្តកំពតដែលជាប់ព្រំដែនប្រទេសវៀតណាម។ ពិធីបុណ្យឆ្នាំនេះត្រូវបានរៀបចំឡើងចាប់ពីថ្ងៃទី២០ដល់២២ ខែធ្នូ ហើយរំពឹងថានឹងទាក់ទាញភ្ញៀវទេសចរកន្លះលាននាក់ផងដែរ។ ផ្លូវលក់ម្ហូបអាហារប្រចាំតំបន់នេះមានគោលបំណងទាក់ទាញភ្ញៀវទេសចរភាគច្រើនឱ្យមកលេងកំសាន្តខេត្តកំពត។
កម្ពុជាបើកសម្ពោធផ្លូវម្ហូបអាហារគំរូដំបូងនៅខេត្តកំពត (រូបថត៖ Vietnamplus.vn)
ផ្លូវម្ហូបអាហារនៅកំពតដំបូងបង្អស់មានស្តង់លក់អាហារឆ្ងាញ់ៗចំនួន ៥៥ កន្លែងនៅខេត្តកំពតព្រមទាំងធានាសុវត្ថិភាពនិងអនាម័យសម្រាប់ចំណីអាហារ។ អញ្ជើញថ្លែងនៅក្នុងពិធីនេះ រដ្ឋមន្ត្រីទេសចរណ៍កម្ពុជាលោក ថោងខុន មានប្រសាសន៍ថា ផ្លូវម្ហូបអាហារនឹងទាក់ទាញភ្ញៀវទេសចរ ឱ្យមកទស្សនាខេត្តកំពត និងនាំមកនូវផលប្រយោជន៍ខាងសេដ្ឋកិច្ចដល់ខេត្ត។ គួរបញ្ជាក់ថាផ្លូវម្ហូបអាហារនៅក្នុងខេត្តនីមួយៗគឺជាកន្លែងដែលបង្ហាញពីលក្ខណៈពិសេសនៃវប្បធម៌ម្ហូបអាហារក្នុងស្រុកនីមួយៗ។ ការបើកសម្ពោធផ្លូវម្ហូបអាហារគឺជាគំនិតផ្តួចផ្តើមរបស់រាជរដ្ឋាភិបាលកម្ពុជាដើម្បីទាក់ទាញភ្ញៀវទេសចរ តាមរយៈការណែនាំមុខម្ហូបដែលមានគុណភាពខ្ពស់ប្រចាំតំបន់នៃមូលដ្ឋានរៀងៗខ្លួននៅទូទាំងប្រទេសកម្ពុជា៕
（បកប្រែដោយ ហេងវុធ្ធី）
មតិពីមិត្តអ្នកអាន