ក្រុមគ្រូពេទ្យមួកខៀវវៀតណាមពិនិត្យនិងផ្ដល់ថ្នាំពេទ្យដោយឥតគិតថ្លៃជូនប្រជាជនស៊ូដង់ខាងត្បូង ២០០ នាក់ ដែលរងផលប៉ះពាល់ដោយសារភ្លៀងនិងទឹកជំនន់

ការចាក់វ៉ាក់សាំងការពារជំងឺកូវីដ ១៩ ដល់ពលករវៀតណាមចំនួន ២០០ នាក់នៅប្រទេសម៉ាឡេស៊ី

ខេត្តដុងថាប (Dong Thap) បានបន្តបរិច្ចាគទឹកប្រាក់ ២០០ លានដុងដល់ប្រជាជនកម្ពុជាដើម្បីការពារការរីករាលដាលនៃជំងឺកូវីដ-១៩

ពិនិត្យសុខភាពឲ្យប្រជាពលរដ្ឋស៊ូដង់ខាងត្បូង។ (រូបថត៖ baoquocgte)

យោងតាមព័ត៌មានពីកងពេទ្យកម្រិត ២ លេខ ៤ វៀតណាមដែលចូលរួមបេសកកម្មរក្សាសន្តិភាពរបស់អង្គការសហប្រជាជាតិនៅស៊ូដង់ខាងត្បូងឲ្យដឹងថា សកម្មភាពស្ម័គ្រចិត្តរបស់គ្រូពេទ្យវៀតណាមបានធ្វើឡើងនារដូវវស្សាក្នុងខែសីហា។ ភ្លៀងធ្លាក់ខ្លាំងជាប់ៗគ្នាបានធ្វើឲ្យមនុស្សរាប់ពាន់នាក់នៅ Bentiu រងផលប៉ះពាល់យ៉ាងធ្ងន់ធ្ងរ និងការផ្ទុះឡើងនៃជំងឺឆ្លងដ៏គ្រោះថ្នាក់។

ដោយយល់ឃើញពីការលំបាកទាំងនេះ ទន្ទឹមនឹងការលើកកម្ពស់ប្រពៃណីមនុស្សធម៌និងជួយគ្នាទៅវិញទៅមករបស់ប្រជាជាតិ​វៀតណាមនោះ វេជ្ជបណ្ឌិតនិងគិលានុបដ្ឋាយិកានៃកងពេទ្យកម្រិត ២ លេខ ៤ បានពិនិត្យ និងព្យាបាលជំងឹឲ្យប្រជាជននៅមន្ទីរពេទ្យ Bentiu (រដ្ឋ Unity ស៊ូដង់ខាងត្បូង )។

ក្រុមអ្នកស្ម័គ្រចិត្តនៃកងពេទ្យកម្រិត ២ លេខ ៤ ដឹកនាំដោយលោកវរសេនីយ៍ត្រី Le Viet Anh នាយករងជំនាញបានប្រគល់ថ្នាំពេទ្យ ឧបករណ៍ការពារជំងឺឆ្លងមួយចំនួនជូនមន្ទីរពេទ្យពហុព្យាបាល Bentiu ។ ដោយមានក្ដីរំភើបចិត្ដចំពោះសកម្មភាពស្ម័គ្រចិត្តរបស់វេជ្ជបណ្ឌិត និងគិលានុបដ្ឋាយិកាវៀតណាម នាយកមន្ទីរពេទ្យពហុព្យាបាល Bentiu បានសម្តែងនូវអំណរគុណយ៉ាងជ្រាលជ្រៅចំពោះមនោសញ្ចេតនារបស់យុទ្ធជនមួកខៀវវៀតណាមនិយាយដោយឡែក និងប្រជាជនវៀតណាមនិយាយរួមចំពោះប្រជាជន​ស៊ូដង់ខាងត្បូង៕