«និទាឃរដូវសុ្រកកំណើត ឆ្នាំ ២០២២» មានភាពកក់ក្តៅ និងក្តីស្រឡាញ់នៅក្នុងប្រទេសប៉ូឡូញ

ភាពប្លែកៗនិងពិសេសតែមួយគត់ក្នុងអាល់ប៊ុម"តាខ្លា" ឆ្នាំ ២០២២ ក្នុងឱកាសអបអរសារទរពិធីបុណ្យចូលឆ្នាំថ្មីប្រពៃណីវៀតណាម

អញ្ជើញមកទស្សនាមហោស្រពផ្កានិទាឃរដូវ នៅបុរី Phu My Hung ឆ្នាំ ២០២២

«និទាឃរដូវសុ្រកកំណើត ឆ្នាំ ២០២២» មានភាពកក់ក្តៅ និងក្តីស្រឡាញ់នៅក្នុងប្រទេសប៉ូឡូញ

អញ្ជើញចូលរួមក្នុងកម្មវិធីនេះមានតំណាងសមាគមវៀតណាមនៅប៉ូឡូញ អង្គការមហាជន សាខាមួយចំនួនរបស់វៀតណាមនៅប៉ូឡូញ និងតំណាងមិត្តភ័ក្តិប៉ូឡូញមកពីក្រសួងការបរទេស សមាគមសមាជិក សភាមិត្តភាព និងសមាគមមិត្តភាពនៅសន្និសីទប៉ូឡូញ-វៀតណាម។

ក្នុងសុន្ទរកថាបើក ឯកអគ្គរដ្ឋទូត Nguyen Hung បានពិនិត្យមើលសមិទ្ធិផលដ៏ឆ្នើមទាំងក្នុង និងក្រៅប្រទេសរបស់វៀតណាមក្នុងឆ្នាំ ២០២១ ជាថ្មីម្តងទៀត បានថ្លែងអំណរគុណចំពោះរដ្ឋាភិបាលប៉ូឡូញដែលបានជួយឧបត្ថម្ភថ្នាំបង្ការ និងឧបករណ៍វេជ្ជសាស្ត្រទាន់ពេលវេលា រួមចំណែកជួយវៀតណាមគ្រប់គ្រងការរាតត្បាតយ៉ាងឆាប់រហ័ស និងស្តារសេដ្ឋកិច្ចឡើងវិញ។

លោកឯកអគ្គរដ្ឋទូត បានសម្តែងនូវក្តីសោមនស្សរីករាយចំពោះសមិទ្ធិផលនៃកិច្ចសហប្រតិបត្តិការរវាងប្រទេសទាំងពីរក្នុងឆ្នាំកន្លងទៅ ដោយសង្ឃឹមថាកិច្ចសហប្រតិបត្តិការនឹងត្រូវបានពង្រឹងលើគ្រប់វិស័យនាពេលខាងមុខ។ បច្ចុប្បន្នប៉ូឡូញគឺជាដៃគូពាណិជ្ជកម្មដ៏ធំបំផុតរបស់វៀតណាមនៅអឺរ៉ុបកណ្តាល។

ចែករំលែកការលំបាក និងការបាត់បង់របស់ប្រជាជនវៀតណាមនៅប៉ូឡូញក្នុងអំឡុងជំងឺរាតត្បាត កូវីដ-១៩ ផ្ទុះឡើង លោកឯកអគ្គរដ្ឋទូត Nguyen Hung បានវាយតំលៃខ្ពស់ចំពោះសាមគ្គីភាពរបស់សហគមន៍ កិច្ចខិតខំប្រឹងប្រែងដើម្បីជំនះពុះពារលើបញ្ហាប្រឈម ជំនួយនិងការគាំទ្រគ្នាទៅវិញទៅមកប្រកបដោយប្រសិទ្ធភាព គាំទ្រដល់វេជ្ជបណ្ឌិត និងគិលានុបដ្ឋាយិកាប៉ូឡូញ ផ្តល់ជំនួយសម្ភារៈ ចែករំលែកបទពិសោធន៍។ និងរួមចំណែកក្នុងការប្រយុទ្ធប្រឆាំងនឹងជំងឺរាតត្បាតជាមួយជនរួមជាតិក្នុងប្រទេស៕

ហេង វុធ្ធី

baotintuc