យុគសម័យ - នាព្រឹកថ្ងៃទី៧ ខែធ្នូ នៅរដ្ឋធានី Ha Noi ក្រសួងការបរទេស សម្របសម្រួលជាមួយអង្គការអភិវឌ្ឍន៍ស្ត្រីនៃអង្គការសហប្រជាជាតិ (UNWOMEN) ដែលបានរៀបចំសិក្ខាសាលាអន្តរជាតិមួយ ក្រោមប្រធានបទ “ជំរុញការអនុវត្តរបៀបវារៈស្តីពី ស្ត្រីនិងសន្តិភាព និងសន្តិសុខ៖ តួនាទីនៃកម្មវិធីសកម្មភាពជាតិ” តាមរយៈអ៊ីនធើណិតនិងការជួបជុំទល់មុខ។
ស្ត្រីជនជាតិ Nung ម្នាក់ចាប់ផ្តើមអាជីវកម្ម ប្រកបដោយច្នៃប្រឌិត |
សិក្ខាសាលាតាមប្រព័ន្ធវីដេអូអំពីស្ត្រីវៀតណាមចូលរួមសកម្មភាពឆ្លើយតបទៅនឹងការប្រែប្រួលអាកាសធាតុ |
ប្រធានដេប៉ាតេម៉ង់នៃអង្គការអន្តរជាតិ ឧបការីរដ្ឋមន្ត្រីក្រសួងការបរទេស លោក Do Hung Viet ថ្លែងមតិក្នុងសិក្ខាសាលានេះ។ (រូបថត៖ Tuan Anh) |
ថ្លែងមតិក្នុងពិធីបើកសិក្ខាសាលានេះ ប្រធាន ដេប៉ាតេម៉ង់អង្គការអន្តរជាតិ ឧបការីរដ្ឋមន្ត្រីការបរទេស លោក Do Hung Viet បានអះអាងថា វៀតណាមយកចិត្តទុកដាក់ជាពិសេសក្នុងការធានាសមភាពយេនឌ័រ និងការលើកកម្ពស់ស្ត្រីលើគ្រប់វិស័យនៃជីវភាពរស់នៅក្នុងសង្គម។ វៀតណាមដឹងយ៉ាងច្បាស់លាស់អំពីតួនាទីនិងការរួមចំណែករបស់ស្ត្រីក្នុងគ្រប់ដំណាក់កាលនៃការកសាងនិងបង្រួបបង្រួមសន្តិភាព។
យោងតាមលោក Do Hung Viet ស្ត្រីវៀតណាមមានវត្តមានពីសមរភូមិទៅកាន់តុចរចានៃកិច្ចព្រមព្រៀងសន្តិភាព ដល់កងកម្លាំងបោះសម្អាតមីន ជួយឧបត្ថម្ភជនរងគ្រោះក្នុងសង្គ្រាម កសាងការឯកភាពសង្គម ឬនៅកន្លែងធ្វើការ ផលិតកម្ម ដើម្បីកសាងនិងអភិវឌ្ឍប្រទេសជាតិ។
ស្ត្រីវៀតណាមក៏បាននាំយកទង់ជាតិវៀតណាមទៅកាន់តំបន់ឆ្ងាយៗ ដើម្បីចូលរួមក្នុងសកម្មភាពរក្សាសន្តិភាពរបស់អង្គការសហប្រជាជាតិ នៅសាធារណរដ្ឋអាហ្វ្រិកកណ្តាល ឬស៊ូដង់ខាងត្បូង។
ទិដ្ឋភាពនៃសិក្ខាសាលានេះបានប្រព្រឹត្តទៅ តាមរយៈប្រព័ន្ធអ៊ីនធើណិតនិងជួបជុំផ្ទាល់មុខ។ (រូបថត៖ Tuan Anh) |
ក្នុងអំឡុងពេលកាន់តំណែងជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខនៃអង្គការសហប្រជាជាតិ (២០០៨-២០០៩) វៀតណាមបានស្នើនិងជំរុញឱ្យមានការអនុម័តសេចក្តីសម្រេចរបស់ក្រុមប្រឹក្សាសន្តិសុខ ឆ្នាំ ១៨៨៩ ស្តីពី ស្ត្រីក្នុងដំណាក់កាលក្រោយជម្លោះ។ ក្នុងក្របខ័ណ្ឌអាស៊ាន វៀតណាមបានរួមចំណែកយ៉ាងសកម្មក្នុងការអភិវឌ្ឍន៍ក្របខ័ណ្ឌគោលនយោបាយតំបន់ស្តីពីស្ត្រី សន្តិភាព និងសន្តិសុខ និងចូលរួមជាមួយក្រុមស្ត្រីអាស៊ានលើការផ្សះផ្សា។
លោកស្រី Rana Flowers អ្នកសម្របសម្រួលស្តីទីអង្គការសហប្រជាជាតិប្រចាំនៅវៀតណាម បានវាយតម្លៃខ្ពស់ចំពោះតួនាទីរបស់វៀតណាមក្នុងរបៀបវារៈស្តីពីស្ត្រី សន្តិភាព និងសន្តិសុខ។
លោកស្រី Rana Flowers មានប្រសាសន៍ថា ស្ត្រីវៀតណាមកំពុងរួមចំណែកកាន់តែច្រើនក្នុងបេសកកម្មសន្តិភាពរបស់អង្គការសហប្រជាជាតិ។ ប្រទេសវៀតណាមមានតំណាងចំនួន ៧៥ នាក់ រួមទាំងស្ត្រីចូលរួមបេសកកម្មរក្សាសន្តិភាពនៅក្នុងតំបន់ជាច្រើន នៅពិភពលោក រួមទាំងមន្ទីរពេទ្យនៃកងពេទ្យកម្រិតចំនួន ១១ ផ្សេងៗគ្នា៕
Quan doi Nhan dan
មតិពីមិត្តអ្នកអាន