អនុវត្តកម្មវិធី “ជួយឧបត្ថម្ភសិស្សឲ្យបានទៅសាលារៀន” និង “កូនធម៌នៃប៉ុស្តិ៍ការពារព្រំដែន” សម្រាប់ដំណាក់កាល ២០១៦-២០២១ កងទ័ពការពារព្រំដែនខេត្ត Dien Bien បានលើកកម្ពស់ស្មារតីទទួលខុសត្រូវដោយមានការសហការពីសមូហភាព អង្គភាព បុគ្គល និងសប្បុរសជនបានរួមចំណែកចែករំលែក ជួយគាំទ្រសិស្សជនជាតិភាគតិចដែលមានស្ថានភាពលំបាកបានទៅសាលារៀន។
 សិក្ខាសាលាស្តីពីការអភិវឌ្ឍ ការអប់រំសម្រាប់ជនជាតិភាគតិច |
 ថវិកាជាង ២ លានដុល្លារដើម្បីជួយកាត់បន្ថយអត្រាមរណភាពមាតារបស់ជនជាតិភាគតិចនៅវៀតណាម |
ក្នុងដំណាក់កាល ២០១៦-២០២១ អង្គភាពទាំងឡាយបានជួយឧបត្ថម្ភសិស្សចំនួន ៧៣ នាក់តាមកម្មវិធី “ជួយឧបត្ថម្ភសិស្សឲ្យបានទៅសាលារៀន” ហើយប៉ុស្តិ៍ការពារព្រំដែននានានៃកងទ័ពការពារព្រំដែនខេត្ត Dien Bien បានទទួលកូនធម៌ចំនួន ២៦ នាក់ តាមកម្មាវិធី “កូនធម៌នៃប៉ុស្តិ៍ការពារព្រំដែន” ។
 |
| បន្តជួយឧបត្ថម្ភសិស្សក្រីក្រជាជនជាតិភាគតិច (រូបថត៖ vnanet.vn) |
ដើម្បីអនុវត្តកម្មវិធីពោលខាងលើនេះឲ្យប្រកបដោយប្រសិទ្ធភាព បណ្តាអង្គភាពបានសម្របសម្រួលជាមួយគណៈកម្មាធិការបក្ស អាជ្ញាធរមូលដ្ឋាននិងសាលារៀននៅតំបន់ព្រំដែនដើម្បីត្រួតពិនិត្យចំនួន និងស្ថានភាពគ្រួសាររបស់សិស្សចាប់ពីថ្នាក់ទី ១ ដល់ទី ១២ ដើម្បីជ្រើសរើស។ និស្សិតមកពីប្រទេសឡាវដែលរស់នៅក្នុងតំបន់ព្រំដែនដែលមានស្ថានភាពលំបាក និងក្មេងកំព្រាក៏ទទួលបានការជួយឧបត្ថម្ភពីកម្មវិធីនេះដែរ។ កម្មវិធី “ជួយឧបត្ថម្ភសិស្សឲ្យបានទៅសាលារៀន” បានរក្សានិងធានាបាននូវការជួយគាំទ្រជាប្រចាំយ៉ាងតិច ៥០០,០០០ ដុង/ខែសម្រាប់សិស្សម្នាក់ៗ។ ប្រាក់ឧមត្ថម្ភខាងលើត្រូវបានកៀរគរពីការរួមវិភាគទានរបស់កម្មាភិបាល និងយុទ្ធជននៃបញ្ជាការដ្ឋានកងទ័ពការពារព្រំដែនខេត្តនិងការជួយឧបត្ថម្ភពីសមូហភាព បុគ្គល និងសប្បុរសជន។
អាចបញ្ជាក់បានថា កម្មវិធី “ជួយឧបត្ថម្ភសិស្សឲ្យបានទៅសាលារៀន” និង “កូនធម៌នៃប៉ុស្តិ៍ការពារព្រំដែន” ដែលកងទ័ពការពារព្រំដែនខេត្ត Dien Bien បាននិងកំពុងអនុវត្តនោះគឺជាសកម្មភាពដ៏មានអត្ថន័យនិងមនុស្សធម៌ ហើយជាការចែករំលែក ការជួយគាំទ្រនិងលើកទឹកចិត្តដល់សិស្សដែលជាកូនចៅរបស់ជនជាតិភាគតិចមានស្ថានភាពលំបាកបានទៅសាលារៀន។ សកម្មភាពទាំងនេះបានរួមចំណែកពង្រឹងការជឿទុកចិត្ត ពង្រឹងចំណងសាមគ្គីភាពរវាងកងទ័ពការពារព្រំដែន និងប្រជាជននៅតំបន់ព្រំដែន រក្សាសណ្តាប់ធ្នាប់នយោបាយនិងសន្តិសុខនៅក្នុងតំបន់៕
kh.qdnd.vn
មតិពីមិត្តអ្នកអាន