នាយករដ្ឋមន្ត្រីរុស្ស៊ី លោក Mikhail Mishustin បានប្រាប់ប្រធានាធិបតី Vladimir Putin នៅថ្ងៃព្រហស្បតិ៍ម្សិលមិញថា លោកបានឆ្លងវីរុស COVID-19 ហើយលោកបានចុះចេញពីតំណែងបណ្តោះអាសន្ន ដើម្បីទទួលការព្យាបាល។
ឧបនាយករដ្ឋមន្ត្រីទី ១ ឈ្មោះ Andrei Belousov។
លោក Mikhail Mishustin វ័យ ៥៤ឆ្នាំ បាននិយាយថា ឧបនាយករដ្ឋមន្ត្រីទី ១ ឈ្មោះ Andrei Belousov បានឡើងកាន់តំណែង ជានាយករដ្ឋមន្ត្រីស្តីទី ជំនួសលោក។ លោកប្រធានាធិបតី Putin បានគាំទ្រចំពោះសំណើ សុំលាលែងពីតំណែងបណ្តោះអាសន្ននោះ។
លោក Mikhail Mishustin គឺជាមន្ត្រីជាន់ខ្ពស់រុស្ស៊ីទី ១ ដែលបានប្រកាសជាសាធារណៈថា គាត់មានវីរុសកូរ៉ូណា។
លោកបានថ្លែងប្រាប់លោក Putin ពីការឆ្លងវីរុសរបស់លោកតាមរយៈវីដេអូថា “ខ្ញុំបានដឹងថា ការធ្វើតេស្តរកវីរុសកូរ៉ូណារបស់ខ្ញុំ មានលទ្ធផលវិជ្ជមាន”។
សូមបញ្ជាក់ថា បើតាមតួលេខចុងក្រោយរបស់ Google ប្រទេសរុស្ស៊ី មានអ្នកឆ្លងវីរុសកូរ៉ូណាសរុបជាង ១០០.០០០នាក់ និងអ្នកស្លាប់ចំនួន ១.០៧៣ ខណៈដែលអ្នកជាសះស្បើយមាន ១១.៦១៩នាក់៕
（ប្រភពព័ត៌មាន: cen.com.kh）
មតិពីមិត្តអ្នកអាន