សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាអនុម័តផែនការមេអភិវឌ្ឍន៍ទេសចរណ៍ខេត្តសៀមរាប ២០២១-២០៣៥ ជាផ្លូវការរួចហើយ នាថ្ងៃទី៣០ ខែមីនា ២០២១ ។
 ថ្ងៃរះនៅអង្គរវត្តនិងចំណាំគួរឲ្យចងចាំ! |
 ប្រវត្តិប្រាសាទប្រែរូបដែលកសាងឡើង នៅចុងសតវត្សរ៍ទី ១០ ក្នុងគ.ស. ៩៦១ |
 |
| ភ្ញៀវទេសចរណ៍មកទស្សនាអង្គរវត្ត។ (រូបថត៖ Rasmei.com) |
សម្ដេចតេជោ បញ្ជាក់យ៉ាងដូច្នេះថា «ផែនការមេនេះ កំណត់ចក្ខុវិស័យឱ្យខេត្តសៀមរាបទាក់ទាញ និងទទួលភ្ញៀវទេស ចរជាតិ និងអន្តរជាតិ ចំនួនប្រមាណ១៨,៤លាននាក់ ក្នុងនោះ ភ្ញៀវទេសចរជាតិ ចំនួនប្រមាណ ១០,៩ លាននាក់ និងទេសចរអន្តរជាតិចំនួនប្រមាណ ៧,៥ លាននាក់ បង្កើតការងារ ប្រមាណ ៩៤ ម៉ឺននាក់ នាំចំណូលហូរចូល ក្នុងចរន្ត សេដ្ឋកិច្ចខេត្តសៀមរាប ប្រមាណ៦ពាន់លានដុល្លារអាមេរិក និងធ្វើឱ្យខេត្តនេះ និងតំបន់ជុំវិញក្លាយជាគោលដៅទេស ចរណ៍ប្រកបដោយគុណភាពឆ្ពោះទៅ ឆ្នាំ២០៣៥ តាមរយៈការដាក់ចេញ និងអនុវត្តនូវគោលដៅយុទ្ធសាស្ត្រ»។
គណៈកម្មការអន្តរក្រសួងដើម្បីសិក្សារៀបចំផែនការមេអភិវឌ្ឍន៍ទេសចរ ណ៍ខេត្តសៀមរាប»ដឹកនាំដោយលោក ថោង ខុន រដ្ឋមន្ត្រីក្រសួងទេសចរណ៍និងជាប្រធានគណៈកម្មការអន្តរក្រសួងនិងបានទទួលការឯកភាពនិងគាំទ្រពីគណៈកម្មាធិការជាតិអភិវឌ្ឍន៍ទេសចរណ៍ដែលមាន លោក អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុជាប្រធាន។
ផែនការមេអភិវឌ្ឍន៍ទេសចរណ៍ខេត្តសៀមរាបមានគោលដៅធ្វើឱ្យខេត្តសៀមរាបអាចក្តាប់យកមកវិញនូវមោទនភាពជាគោលដៅទេសចរណ៍ចម្បងក្នុងប្រទេសកម្ពុជានិង ក្នុងតំបន់អាស៊ីអាគ្នេយ៍ ក្នុងរយៈពេលមធ្យមនិងវែងខាងមុខ។
ផែនការមេនេះកំណត់ចក្ខុវិស័យឱ្យខេត្តសៀមរាបទាក់ទាញនិងទទួលភ្ញៀវទេសចរជាតិនិងអន្តរជាតិចំនួនប្រមា ណ ១៨.៤ លាននាក់ក្នុងនោះភ្ញៀវទេសចរជាតិចំនួនប្រមា ណ១០.៩ លាននាក់និងទេសចរអន្តរជាតិចំនួនប្រមា ណ៧.៥ លាននាក់ បង្កើតការងារប្រមាណ៩៤ ម៉ឺននាក់នាំចំណូលហូរចូលក្នុងចរន្តសេដ្ឋកិច្ចខេត្តសៀមរាបប្រមាណ ៦ពាន់លានដុល្លារអាម៉េរិកនិងធ្វើឱ្យខេត្តនេះនិងតំបន់ជុំវិញក្លាយជា «គោលដៅទេសចរណ៍ប្រកបដោយគុណភាព» ឆ្ពោះទៅឆ្នាំ២០៣៥ តាមរយៈការដាក់ចេញនិងអនុ វត្តនូវគោលដៅយុទ្ធសាស្ត្រចំនួន៧ រួមមាន៖ ១.ការអភិវឌ្ឍតំបន់ទេសចរណ៍អាទិភាពនៅខេត្តសៀមរាប ។ ២.ការអភិវឌ្ឍផលិតផលទេសចរណ៍ថ្មីៗ ។ ៣.ការផ្សព្វផ្សាយ និងទាក់ទាញទេសចរណ៍មកខេត្តសៀមរាប ។ ៤.ការពង្រឹងគុណភាព និងនិរន្តរភាពនៃការអភិវឌ្ឍទេសចរណ៍ខេត្តសៀមរាប។៥.ការគ្រប់គ្រងបរិស្ថាននៅខេត្តសៀមរាប៦.ការអភិវឌ្ឍហេដ្ឋារចនាសម្ព័ន្ធនិងពង្រឹងការតភ្ជាប់ គាំទ្រវិស័យទេសចរណ៍នៅខេត្តសៀមរាបនិងទី៧.ការពង្រឹងអភិបាលកិច្ចសម្រាប់ទ្រទ្រង់ការអភិវឌ្ឍវិស័យទេសចរណ៍នៅខេត្តសៀមរាប។
ផែនការមេនេះដាក់ចេញនូវយុទ្ធសាស្ត្រសរុបចំនួន ៤៤ សកម្មភាពអនុវត្តសរុបចំនួន ១៣៦ សម្រាប់រយៈពេលខ្លី រយៈពេលមធ្យម និងរយៈពេលវែង អមជាមួយគម្រោង សកម្មភាពអាទិភាពចំនួន ២០។ ក្រសួងទេសចរណ៍នឹងបន្តពិភាក្សាជាមួយក្រសួង-ស្ថាប័នពាក់ព័ន្ធដើម្បីជំរុញការអនុវត្តឯកសារដ៏មានសារៈសំខាន់ជាយុទ្ធសាស្ត្រទាំងពីរ ខាងលើនេះប្រកបដោយស្មារតីទទួលខុសត្រូវខ្ពស់៕
មតិពីមិត្តអ្នកអាន