នាខែមេសា និងឧសភានេះ ទីក្រុង Ho Chi Minh នៃប្រទេសវៀតណាមនឹងរងអាកាសធាតុក្តៅខ្លាំង និងបានអំពាវនាវឱ្យពលរដ្ឋមានការប្រុងប្រយ័ត្នទាំងអស់គ្នា ថែរក្សាសុខភាព។ អាកាសធាតុឡើងក្តៅខ្លាំងពេក ផលវិបាកចំពោះសុខភាពក៏អាចមានច្រើន ទៅតាមវ័យនិងសកម្មភាពរបស់មនុស្ស និងអាចធ្វើមានគ្រោះដល់បាត់បង់ជីវិតផង។
 |
| រូបថតឧទាហរណ៍។ |
សីតុណ្ហភាពឡើង ក្តៅខ្លាំង នៅទីក្រុង Ho Chi Minh ហើយបង្កឲ្យមានជំងឺដាច់សសៃ ឈាមខួរក្បាល អស់កំលាំង រមួលក្រពើ ឬក្តាមកាច់ជើង ដែលអាចកើតលើមនុស្សគ្រប់រូប ជាពិសេសមនុស្សចាស់ ក្មេង និងមនុស្សធាត់ខ្លាំង ។
បើតាមវេជ្ជបណ្ឌិត នៅមន្ទីរពេទ្យអន្តរជាតិ នៃទីក្រុង Ho Chi Minh អាកាសធាតុក្តៅ បង្កឲ្យមានហានិភ័យ ដល់ប្រព័ន្ធដង្ហើម ព្រោះមនុស្សភាគច្រើន នឹងបើកកង្ហារ ដោយពេញល្បឿន និងបើកម៉ាស៊ីនត្រជាក់ ក្នុងសីតុណ្ហភាពទាប នាំឲ្យបំពង់ក និងច្រមុះស្ងួត ។ ពេលភ្នាសខាងក្នុង នៃផ្លូវដង្ហើមស្ងួតធ្វើឲ្យពួកបាក់តេរី និងវីរុសងាយជ្រៀត ចូលបង្កឲ្យមានជំងឺ ។ ប្រឈមនឹងកំដៅសីតុណ្ហភាពឡើងខ្លាំង និងយូរថ្ងៃ អាចបង្កឱ្យមានផលវិបាកធ្ងន់ខ្លាំងដល់ដោយខ្លួនប្រាណមិនអាចចាត់ចែងសីតុណ្ហភាពផ្នែកខាងក្នុងខ្លួនប្រាណបាន ជាហេតុធ្វើឱ្យយើងមានអាការៈក្តៅខ្លួនខ្លាំង បេះដូងលោតខុសចង្វាក់(លឿនជ្រុល) ស្បែកឡើងក្រហម និងស្ងួត ចង់ក្អួត ចង្អោរ។ ការនេះអាចធ្ងន់ធ្ងរដល់ថ្នាក់ប្រកាច់ ឬបាត់បង់ស្មារតី និងសន្លប់លែងដឹងខ្លួន។
ប៉ុន្តែដោយលក្ខខណ្ឌអាយុ លក្ខខណ្ឌការងារ ស្ថានភាពជីវិត បុគ្គលខ្លះងាយរងគ្រោះនឹងអាកាសធាតុក្តៅខ្លាំង។ អាចនិយាយបានថា ផលវិបាកនៃអាកាសធាតុក្តៅខ្លាំង អាចប្រែប្រួលធ្ងន់ឬខ្សោយទៅតាមបុគ្គល ឯវិធីការពារក៏ត្រូវតែសម្របទៅតាមស្ថានការណ៍ និងបុគ្គលដែរ៕
មតិពីមិត្តអ្នកអាន