យុគសម័យ - នារសៀលថ្ងៃទី១២ខែសីហា នៅទីក្រុងហាណូយ កាសែតយុគសម័យបានរៀបចំពិធី “ជួបប្រាស្រ័យជាមួយមិត្តអ្នកអានកាសែតយុគសម័យជាភាសាខ្មែរ”។
លោក Le Quang Thien អគ្គនិពន្ធនាយកអញ្ជើញថ្លែងមតិក្នុងពិធី
អញ្ជើញចូលរួមពិធីជួបប្រាស្រ័យនេះមានវត្តមានលោក Le Quang Thien នាយកនិពន្ធកាសែតយុគសម័យ រួមទាំងអ្នកយកព័ត៌មាន អ្នកនិពន្ធនៃកាសែតយុគសម័យ។
អញ្ជើញចូលរួមពីភាគីកម្ពុជាមានវត្តមានឯកឧត្តមលោក Op Sophy ទីប្រឹក្សាស្ថានទូតនៃព្រះរាជាណាចក្រកម្ពុជាប្រចាំនៅវៀតណាម រួមទាំងមន្ត្រីស្ថានទូតនិងនិស្សិតកម្ពុជាដែលកំពុងសិក្សារៀនសូត្រនៅទីក្រុងហាណូយ។
យោងតាមលោក Le Quang Thien ការជួបប្រាស្រ័យនេះ សំដៅរួមចំណែកពូនជ្រុំឲ្យចំណងមិត្តភាពប្រជាជននៃប្រទេសទាំងពីរវៀតណាម - កម្ពុជានិយាយរួមនិងសម្រាប់មេត្រីភាពរបស់កាសែតយុគសម័យជាមួយមិត្តកម្ពុជាដែលកំពុងបំពេញការងារនិងសិក្សារៀនសូត្រនៅវៀតណាមនិយាយដោយឡែក
អញ្ជើញថ្លែងមតិក្នុងព្រឹត្តិការណ៍នេះ លោក Le Quang Thien បានអញ្ជើញជូនពរជោគជ័យរបស់គណបក្សប្រជាជនកម្ពុជាក្នុងការបោះឆ្នោតរដ្ឋសភានាពេលកន្លងទៅ។
នៅទីនេះ លោក Le Quang Thien ក៏បានឧទ្ទេសនាមជាមួយមិត្តកម្ពុជាអំពីវែបសាយអេឡិចត្រូនិកយុគសម័យជាភាសាខ្មែរ។ ទំព័រនេះមានឈ្មោះថា huunghivietnamcampuchia.thoidai.com.vn ដែលបានបើកឲ្យដំណើរការជាផ្លូវការនាខែមិថុនាឆ្នាំ២០១៦។
ក្រុមកីឡាករកាសែតយុគ្គសម័យនិងក្រុមកីឡាករកម្ពុជា
វេបសាយកាសែតអេឡិចត្រូនិកបានបង្ហាញនូវខ្លឹមសារដ៏សម្បូរបែបជាពិសេស ឧទ្ទេសនាមចំពោះប្រជាជននៃប្រទេសទាំងពីរអំពីទឹកដីនិងមនុស្សវៀតណាម ជាមួយនឹងជីវភាពរស់នៅរីកចម្រើន រួមទាំងមានស្មារតីធ្វើសមាហរណកម្ម និងជាប្រទេសមួយរាក់ទាក់រួសរាយជាមួយប្រជាជនកម្ពុជា។តាងនាមកាសែតយុគសម័យ លោក Le Quang Thien មានបំណងចង់ឲ្យមិត្តកម្ពុជា រួមចំណែកផ្តល់ព័ត៌មាននិងរួមដំណើរជាមួយកាសែតនេះតែម្តង។
លោក Le Quang Thien អញ្ជើញប្រគល់ទង់អនុស្សវរីយ៍ជូនចំពោះលោក Op Sophy
រីឯខ្លួនវិញ លោក Op Sophy អញ្ជើញសម្តែងនូវការសប្បាយរីករាយ ដោយបានចូលរួមក្នុងពិធីជួបប្រាស្រ័យនេះ។ លោកបានចាត់ទុកថា នេះជាស្ពាន តភ្ជាប់ចំណងមិត្តភាពរវាងប្រទេសទាំងពីរ វៀតណាមនិងកម្ពុជានិយាយរួមក៏ដូចជាកាសែតយុគសម័យជាមួយស្ថានទូតកម្ពុជាប្រចាំនៅវៀតណាមនិយាយដោយឡែក។
លោក Op Sophy ក៏បានអញ្ជើញថ្លែងអំណរគុណចំពោះកាសែតយុគសម័យនិងមានបំណងចង់ឲ្យកាសែតយុគសម័យក៏ដូចជាប្រជាជនវៀតណាម គាំទ្រជានិច្ចនូវការអភិវឌ្ឍរបស់គណបក្សប្រជាជនកម្ពុជា។
(រូបថតៈ កាសេតយុគសម័យ)
（ប្រែសម្រូលដោយស្រីពេជ្រ）
មតិពីមិត្តអ្នកអាន