យុគសម័យ - ការយាមល្បាតរួមលើកទី ៩១ លើដងទន្លេមេគង្គរបស់ចិន ឡាវ មីយ៉ាន់ម៉ា និងថៃបានចាប់ផ្តើមនាថ្ងៃទី ២៤ ខែមីនា នៅពេលនាវាចិន ៣ គ្រឿងបានចាកចេញពីកំពង់ផែ ហ្គេនលី(Guanlei) ក្នុងខេត្ត យូណាន ភាគនិរតីប្រទេសចិន។
ប្រទេសចិន ឡាវ មីយ៉ាន់ម៉ា និងថៃបានចាប់ផ្តើមការយាមល្បាតរួមនៅតាមដងទន្លេមេគង្គ
ប៉ូលីសនៅខេត្តយូណានបាននិយាយថានៅក្នុងកិច្ចខិតខំប្រឹងប្រែង ដើម្បីការពារសន្តិសុខនិងស្ថេរភាពនៅតាមដងទន្លេមេគង្គ ប្រទេសចំនួន៤នឹងធ្វើទស្សនកិច្ចការឃ្លាំមើលនិងអនុវត្តយុទ្ធនាការទាក់ទងនឹងការប្រយុទ្ធប្រឆាំងនឹងគ្រឿងញៀនក្នុងអំឡុងពេលនៃការយាមល្បាតរួមដែលអូសបន្លាយរយៈពេល៤ថ្ងៃ។
សកម្មភាពយាមល្បាតដោយមានការចូលរួមពីនាវាទាំង ៥ នេះនឹងត្រូវបានធ្វើឡើងនៅក្នុងតំបន់រួមមាន“ ត្រីកោណមាស” ដែលជាតំបន់មួយដ៏ល្បីល្បាញខាងផលិតគ្រឿងញៀនផងដែរ។
រងផលប៉ះពាល់ពីការរីករាលដាលនៃជំងឺរាតត្បាត COVID-19 ហេតុដូច្នេះ ទីភ្នាក់ងារអនុវត្តច្បាប់មកពីប្រទេសចំនួន ៤ នឹងសម្របសម្រួលដឹកនាំយុទ្ធនាការនេះជាលើកដំបូងជាមួយប្រព័ន្ធបញ្ជាការតាមអ៊ិនធរណេតពីចម្ងាយផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: baotintuc.vn)
មតិពីមិត្តអ្នកអាន